‘Ha ngame moshinima sha Avid’

OTASHI vulika Paulus Kapia a li gumwe gomaakuluntuwiliki ya Avid Investement okampani ndjoka ye shi pondola okupewa oshimaliwa shoomiliyuna omilongo ndatu kehangano lya Social Security Commission (SCC), ihe ka li e na nando ontseyo kutya ehangano ndika otali wilikwa komuntu ngoka a kutha ombinga miilonga ya kaka mu SSC omimvo dha zi ko.

Kapia ngoka e li Omunista yOpevi mUuministeli wIiyenditho nOmakwatathano ta lombwele ngaaka Ompangu yOpombanda mEtitatu lyoshiwike shika. Kapia oku li omutiyali gwa mboka ya li nale aakuluntuwiliki ya Avid Investement Corporation mboka ya gandja uuyelele kombinga yoomiliyuna omilongo ndatu (N$30 million) dha SSC ndhoka dha li dha pewa Avid opo e dhi pungule okuza mu Januali noku dhi shunitha konima yoomwedhi ne.Omapulapulo ngoka otaga ningwa pakatendo kookampani (Campanies Act).SSC ina pewa natango oshimaliwa she.Omupanguli Raymond Heathcote ngoka a kala nokupulakena iihokolola mbika okutameka mOmaandaha, okwa pulakene nkene omunashipundi gwOlaata ya Avid Inez /Gases ta lombwele Ompangu kutya ye pamwe niilyo yOlaata ya Avid, ngashi Kapia, Sharon Blaauw, na Lazarus Kandara ngoka a li ta longo ongomukuluntuwiliki gwa Avid nando nee ka li a hogololelwa onkatu ndjoka, oya li moshigongi shOlaata ya Avid.Okwa popi oshigongi shimwe kondandalunde shoka tashi vulika sha li ko momasiku 18 gaMaalitsa./Gases okwa lombwele Ompangu kutya moshigongi moka oya li mo oye mwene, Kapia, Kandara, Blaauw nomupewishipambvu mu Avid Mathias Shiweda.Shika hasho Kapia a lombwele Ompangu mEtitatu.Kapia okwa li ta kambadhala okwiikaleka kokule na Kandara nosho nuuyelele kombinga yoomiliyuna omilongo ndatu dha SSC.Okwa popi kutya aantu mboka ya ningi oshinima shika oye na iilalakanenwa yopapolitika.Okwa ekelehi ishewe omapopyo ga SSC ngoka a popi mOmpangu kutya okwa lombwelwa kutya Ewawa lyaagundjuka moSwapo nenge tutye Swapo Party Youth Leage ndyoka Kapia e li Amushanga omukuluntu oli na oosheya dhoopelesenda omilongo hetatu (80%) mu Avid.Ngele aantu otaya popi ngaaka oye na okugandja uumbangi moshinima, Kapia ta popi ngaaka pethimbo ta gandja uumbangi we mOmpangu.”Itashi wapa tu kwatakanithe opolitika niikwangeshefa,” ta popi.Pethimbo ta thigipo okaketha kuumbangi okwa popi ta ti: “Onda hala shi kale sha yelithilwa Aanamibia kutya inandi longitha nando onkatu yandje yopapolitika opo Avid a mone oshimaliwa okuza ku SSC.Inandi hala oku uva nando olye ta ti kutya onda longitha oonkondo dhopapolitika opo Avid a mone oshimaliwa sha SSC,” ta popi.Kapia okwa popi kutya okwa ningi oshilyo mewiliko lya Avid (director) mu Apilili omumvo gwa zi ko, nokwi ikutha mo momasiku 20 gaMaalitsa.Pethimbo ndyoka ka li e na ontseyo kutya Kandara okwa kutha wo ombinga mokampani.Ompangu oya lombwelwa kutya Kandara oye a li ta wilike okampani nosho wo oakaunta yokampani pamwe na /Gases.Edhina lya Kandara olya holoka nokudhana onkandangala mOkomisi yOmupresidende kombinga ya SSC okuza momumvo 2002 sigo omumvo 2003.Okomisi oyo tuu ndjoka oya lombwelwa nkene Kandara a pewa oshimaliwa shi li poomiliyuna mbali oshinkwanu ntano (N$2,5 million) sho a dhana onkandangala momapungulo gopaulingilingi goshimaliwa sha SSC shoka taku popiwa kutya ka sha li sha ziminwa.Pethimbo ndyoka Kandara ka li e na oakaunta kombaanga na ishewe ka li i ishangitha ongomukwashilipaleki.Omupanguli Heathcote okwa pulakene kutya Kandara okwa gandja owala oomiliyuna 29,5 ku Namangol Investement.Okuza mpoka oomiliyuna omilongo mbali (N$20 million) odha tulwa koakaunta yombanga ya Alan Rosenberg mu South Afrika yi ka pungulwe aniwa hoka pehala lya Avid uule womumvo, ihe ka shi shi we oomwedhi ne ngashi sha li sha unathanwa petameko.Omukuluntuwiliki gwa Namangol, Nico Josea okwa popi kutya konima Kandara okwe mu pula aniwa opo e mu shunithile oomiliyuna ndatu oshinkwanu mbali (N$3,2 million) dhomoomiliyuna ndhoka 29,5 koomuma.Shika osha ningwa.Pa hokololo lya Kapia, okwe ke shi tseya owala momasiku 10 Juli kutya Kandara, Namangol na Josea oya kutha ombinga mokampani ya Avid.Pethimbo ndyoka opo wo a ka tseya kutya Avid ina gandja oshimaliwa shoomiliyuna 30 ku Namangol opo e ke shi pungule peha lya SSC, ihe okwa gandja owala oomiliyuna omilongo mbali nomugoyi oshinkwanu ntano (N$29,5 million).Momasiku ngoka 10 Juli omo moka SSC a kutha etokolo okuya kOmpangu yOpombanda opo a ka pule Ompangu yi gandje elombwelo kutya Avid na patwe molwashoka okwa ndopa okushunitha oshimaliwa shawo shoomiliyuna 30 (N$30 million).”Inandi shi tseya nando nando,” Kapia ta yamukula ngaaka sho a pulwa kOmupanguli ngele okwa tseya Namangol monkalo ye, ano komeho gomasiku 10 ga Juli.Sho a li a pulwa momasiku 24 gaJanuali kaanambelewa aakuluntu ya SSC ngele Kandara okwa kutha ombinga mokampani, eyamukulo lya olya li kutya ke shi shi.Konima okwa pula aniwa ngoka a li nale gumwe gwomaawiliki ya Avid Otniel Podewiltz ngele Kandara okwa kutha ombinga mu Avid nokwe mu lombwele aniwa kutya ina kutha ombinga, Kapia ta popi.Omupanguli Heathcote okwa pula Kapia epulo limwe iikando yi vulithe pu itano, ihe ina mona eyamukulo lyuukilila.Epulo ndika olya li ngeyi kutya okwa li i inekela mbela kutya olye e na oshinakugwanithwa mu Avid okukwashilipaleka kutya oshimaliwa sha SSC oshi li megameno.Pethimbo ndyoka Kapia okwa yamukula ta ti: “Ngame kandi shi omuntu gwokulonga niimaliwa nenge omunaveta.Ngame iilonga yandje oyi ili.”Sho a thiminikwa a yamukule kepulo ndika, okwa fatulula kutya aantu mboka ya li taya longo na Avid oya shilipalekwa kutya oshimaliwa shoka oshi li meke ewanawa sho ya mono kutya oshimaliwa shoka sha li sha pewa Avid opo eshi pungule okuza kOmina yOshingoli ya Navachab osha shunithwa ngashi sha li sha uvathanwa.Ye ongoshilyo shewiliko ina mona nando oshimaliwa okuza ku Avid molwashoka okampani oya li natango ontshona.Okwa popi ta ti: “Inandi mona nando oyo osenda okuza ku Avid.”Uumbangi mboka wa holola puuyelele mOmpangu kombinga ya nkene oshimaliwa shoomiliyuna 29,5 shoka sha tulwa momake ga Namangol sha topolwa nokutulwa mooakaunta dhopaumwene, osha li she mu kumitha ongoshilyo shewiliko mu Avid.”Onda li nda kumwa okuuva uumbangi mboka ohela.Onda li nda kumwa unene ohela,” ta popi ngaaka mEtitatu.Onda li wo nda kumwa oku mona ombapila ndjoka ya gandja oshimaliwa ku Namangol.Kapia okwa tsikila nokugandja uumbangi ohela.Kapia oku li omutiyali gwa mboka ya li nale aakuluntuwiliki ya Avid Investement Corporation mboka ya gandja uuyelele kombinga yoomiliyuna omilongo ndatu (N$30 million) dha SSC ndhoka dha li dha pewa Avid opo e dhi pungule okuza mu Januali noku dhi shunitha konima yoomwedhi ne.Omapulapulo ngoka otaga ningwa pakatendo kookampani (Campanies Act).SSC ina pewa natango oshimaliwa she.Omupanguli Raymond Heathcote ngoka a kala nokupulakena iihokolola mbika okutameka mOmaandaha, okwa pulakene nkene omunashipundi gwOlaata ya Avid Inez /Gases ta lombwele Ompangu kutya ye pamwe niilyo yOlaata ya Avid, ngashi Kapia, Sharon Blaauw, na Lazarus Kandara ngoka a li ta longo ongomukuluntuwiliki gwa Avid nando nee ka li a hogololelwa onkatu ndjoka, oya li moshigongi shOlaata ya Avid.Okwa popi oshigongi shimwe kondandalunde shoka tashi vulika sha li ko momasiku 18 gaMaalitsa./Gases okwa lombwele Ompangu kutya moshigongi moka oya li mo oye mwene, Kapia, Kandara, Blaauw nomupewishipambvu mu Avid Mathias Shiweda.Shika hasho Kapia a lombwele Ompangu mEtitatu.Kapia okwa li ta kambadhala okwiikaleka kokule na Kandara nosho nuuyelele kombinga yoomiliyuna omilongo ndatu dha SSC.Okwa popi kutya aantu mboka ya ningi oshinima shika oye na iilalakanenwa yopapolitika.Okwa ekelehi ishewe omapopyo ga SSC ngoka a popi mOmpangu kutya okwa lombwelwa kutya Ewawa lyaagundjuka moSwapo nenge tutye Swapo Party Youth Leage ndyoka Kapia e li Amushanga omukuluntu oli na oosheya dhoopelesenda omilongo hetatu (80%) mu Avid.Ngele aantu otaya popi ngaaka oye na okugandja uumbangi moshinima, Kapia ta popi ngaaka pethimbo ta gandja uumbangi we mOmpangu.”Itashi wapa tu kwatakanithe opolitika niikwangeshefa,” ta popi.Pethimbo ta thigipo okaketha kuumbangi okwa popi ta ti: “Onda hala shi kale sha yelithilwa Aanamibia kutya inandi longitha nando onkatu yandje yopapolitika opo Avid a mone oshimaliwa okuza ku SSC.Inandi hala oku uva nando olye ta ti kutya onda longitha oonkondo dhopapolitika opo Avid a mone oshimaliwa sha SSC,” ta popi.Kapia okwa popi kutya okwa ningi oshilyo mewiliko lya Avid (director) mu Apilili omumvo gwa zi ko, nokwi ikutha mo momasiku 20 gaMaalitsa.Pethimbo ndyoka ka li e na ontseyo kutya Kandara okwa kutha wo ombinga mokampani.Ompangu oya lombwelwa kutya Kandara oye a li ta wilike okampani nosho wo oakaunta yokampani pamwe na /Gases.Edhina lya Kandara olya holoka nokudhana onkandangala mOkomisi yOmupresidende kombinga ya SSC okuza momumvo 2002 sigo omumvo 2003.Okomisi oyo tuu ndjoka oya lombwelwa nkene Kandara a pewa oshimaliwa shi li poomiliyuna mbali oshinkwanu ntano (N$2,5 million) sho a dhana onkandangala momapungulo gopaulingilingi goshimaliwa sha SSC shoka taku popiwa kutya ka sha li sha ziminwa.Pethimbo ndyoka Kandara ka li e na oakaunta kombaanga na ishewe ka li i ishangitha ongomukwashilipaleki.Omupanguli Heathcote okwa pulakene kutya Kandara okwa gandja owala oomiliyuna 29,5 ku Namangol Investement.Okuza mpoka oomiliyuna omilongo mbali (N$20 million) odha tulwa koakaunta yombanga ya Alan Rosenberg mu South Afrika yi ka pungulwe aniwa hoka pehala lya Avid uule womumvo, ihe ka shi shi we oomwedhi ne ngashi sha li sha unathanwa petameko.Omukuluntuwiliki gwa Namangol, Nico Josea okwa popi kutya konima Kandara okwe mu pula aniwa opo e mu shunithile oomiliyuna ndatu oshinkwanu mbali (N$3,2 million) dhomoomiliyuna ndhoka 29,5 koomuma.Shika osha ningwa.Pa hokololo lya Kapia, okwe ke shi tseya owala momasiku 10 Juli kutya Kandara, Namangol na Josea oya kutha ombinga mokampani ya Avid.Pethimbo ndyoka opo wo a ka tseya kutya Avid ina gandja oshimaliwa shoomiliyuna 30 ku Namangol opo e ke shi pungule peha lya SSC, ihe okwa gandja owala oomiliyuna omilongo mbali nomugoyi oshinkwanu ntano (N$29,5 million).Momasiku ngoka 10 Juli omo moka SSC a kutha etokolo okuya kOmpangu yOpombanda opo a ka pule Ompangu yi gandje elombwelo kutya Avid na patwe molwashoka okwa ndopa okushunitha oshimaliwa shawo shoomiliyuna 30 (N$30 million).”Inandi shi tseya nando nando,” Kapia ta yamukula ngaaka sho a pulwa kOmupanguli ngele okwa tseya Namangol monkalo ye, ano komeho gomasiku 10 ga Juli.Sho a li a pulwa momasiku 24 gaJanuali kaanambelewa aakuluntu ya SSC ngele Kandara okwa kutha ombinga mokampani, eyamukulo lya olya li kutya ke shi shi.Konima okwa pula aniwa ngoka a li nale gumwe gwomaawiliki ya Avid Otniel Podewiltz ngele Kandara okwa kutha ombinga mu Avid nokwe mu lombwele aniwa kutya ina kutha ombinga, Kapia ta popi.Omupanguli Heathcote okwa pula Kapia epulo limwe iikando yi vulithe pu itano, ihe ina mona eyamukulo lyuukilila.Epulo ndika olya li ngeyi kutya okwa li i inekela mbela kutya olye e na oshinakugwanithwa mu Avid okukwashilipaleka kutya oshimaliwa sha SSC oshi li megameno.Pethimbo ndyoka Kapia okwa yamukula ta ti: “Ngame kandi shi omuntu gwokulonga niimaliwa nenge omunaveta.Ngame iilonga yandje oyi ili.”Sho a thiminikwa a yamukule kepulo ndika, okwa fatulula kutya aantu mboka ya li taya longo na Avid oya shilipalekwa kutya oshimaliwa shoka oshi li meke ewanawa sho ya mono kutya oshimaliwa shoka sha li sha pewa Avid opo eshi pungule okuza kOmina yOshingoli ya Navachab osha shunithwa ngashi sha li sha uvathanwa.Ye ongoshilyo shewiliko ina mona nando oshimaliwa okuza ku Avid molwashoka okampani oya li natango ontshona.Okwa popi ta ti: “Inandi mona nando oyo osenda okuza ku Avid.”Uumbangi mboka wa holola puuyelele mOmpangu kombinga ya nkene oshimaliwa shoomiliyuna 29,5 shoka sha tulwa momake ga Namangol sha topolwa nokutulwa mooakaunta dhopaumwene, osha li she mu kumitha ongoshilyo shewiliko mu Avid.”Onda li nda kumwa okuuva uumbangi mboka ohela.Onda li nda kumwa unene ohela,” ta popi ngaaka mEtitatu.Onda li wo nda kumwa oku mona ombapila ndjoka ya gandja oshimaliwa ku Namangol.Kapia okwa tsikila nokugandja uumbangi ohela.