Gumwe a pewa oomwedhi ndatu sho a tindi okuza mo mokaketha

O KWAAIYUTHA kembwelo lya Mengestrata okwa etela omulumentu gumwe mOmpangu ya Mengestrata mOshakati mOmaandaha goshiwike shika.

Angula Joseph (gwoomvula 32) okwa pewa egeelo lyoomwedhi ndatu mOkakuma sho a tindi okuza mo kokaketha moka oonakupangulwa haya thikama ya yamukule ku shoka Omupanguli te ya pula. Sho Mengestrata Tomas Kanime a lombwele Joseph kutya oshipotha she oshu undulilwa ku Desemba, omugundjuka nguka okwa tindi okuza mo mokaketha.Ta pula Mengestrata kutya omolwashike e na okuundulila oshipotha she ku Desemba ngele mondholongo oku li mo ke na shoka a ninga.”Za mo,” Mengestrata Kanime ta lombwele Joseph ngaaka.Ihe shika okwa tindi oku shi ninga.”Ngame onda tulwa mondholongo ashike kaantu ngashi ngoye,” Joseph ta tsikile ko ngaaka.Sho a pulwa ngele ota ka konga Hahende gwopaumwene, gwEpangelo nenge ota ki ipopila ye mwene ngele oshipotha she sha galukile ishewe mOmpangu mu Desemba, Joseph okwa yamukula ta ti, “Ndi konge Hahende gwa shike?” Sho nee Mengestrata Kanima a mono kutya Joseph ota tskile nomayamukolo ge omawinayi na ina hala okwiiyutha kelombwelo lye, okwe mu lombwele kutya ngele ite shi ningi ote ke mu pa egeelo moshipotha shedhino lyOmpangu.Ihe oohapu ndhika nadho odha pitilile mo momakutsi ga Joseph.Mengestrata Kanima okwa li nee a ningile Joseph oshipotha shedhino lyOmpangu e te mu pe oomwedhi ndatu mondholongo poshitaafula.Joseph okwa li a holoka mOmpangu, a ningilwa oshipotha sheyonagulo lyomaliko nokuya moshipala iilonga yOpolisi.Ihe natango sho a zi mo mokaketha, okwa zi mo a fa shimbungu, molwashoka okwa zi mo natango ta ngungutula.Omanga yamwe ye wete kutya Mengestrata okwa fa adhenge unene okamatyona haka negeelo ndika, oyendji oye wete kutya okwa ninga nawa molwashoka oveta nOmpangu oyi na okusimanekwa.Sho Mengestrata Tomas Kanime a lombwele Joseph kutya oshipotha she oshu undulilwa ku Desemba, omugundjuka nguka okwa tindi okuza mo mokaketha.Ta pula Mengestrata kutya omolwashike e na okuundulila oshipotha she ku Desemba ngele mondholongo oku li mo ke na shoka a ninga.”Za mo,” Mengestrata Kanime ta lombwele Joseph ngaaka.Ihe shika okwa tindi oku shi ninga.”Ngame onda tulwa mondholongo ashike kaantu ngashi ngoye,” Joseph ta tsikile ko ngaaka.Sho a pulwa ngele ota ka konga Hahende gwopaumwene, gwEpangelo nenge ota ki ipopila ye mwene ngele oshipotha she sha galukile ishewe mOmpangu mu Desemba, Joseph okwa yamukula ta ti, “Ndi konge Hahende gwa shike?” Sho nee Mengestrata Kanima a mono kutya Joseph ota tskile nomayamukolo ge omawinayi na ina hala okwiiyutha kelombwelo lye, okwe mu lombwele kutya ngele ite shi ningi ote ke mu pa egeelo moshipotha shedhino lyOmpangu.Ihe oohapu ndhika nadho odha pitilile mo momakutsi ga Joseph.Mengestrata Kanima okwa li nee a ningile Joseph oshipotha shedhino lyOmpangu e te mu pe oomwedhi ndatu mondholongo poshitaafula.Joseph okwa li a holoka mOmpangu, a ningilwa oshipotha sheyonagulo lyomaliko nokuya moshipala iilonga yOpolisi.Ihe natango sho a zi mo mokaketha, okwa zi mo a fa shimbungu, molwashoka okwa zi mo natango ta ngungutula.Omanga yamwe ye wete kutya Mengestrata okwa fa adhenge unene okamatyona haka negeelo ndika, oyendji oye wete kutya okwa ninga nawa molwashoka oveta nOmpangu oyi na okusimanekwa.