Green ota ka lwitha Nujoma mOmpangu

A VRIL Green, a li nale Menindjela gwIinewe mOkampani ya Social Security Commission (SSC), ngoka ta pulwa kOmupresidene omukulu gwa Namibia Sam Nujoma e mu fute oshimaliwa shOondola oomiliyuna ndatu, okwa lombwela aanaveta ye ya lwithe oshinima shika mOmpangu.

Nujoma okwa hala okufutitha Green omolu uumbangi mboka a gandjele kOmpangu omumvo gwa zi ko moka a tula Nujoma moshinima shekano lyOondola oomiliyuna omilongo ndatu dha SSC, dha kanene mOkampani ompunguli ya Avid Investments. Paendokumende ndhoka a gandja kOmpangu pethimbo lyomapulapulo gOmpangu gokutala kutya oshe ende ngiini SSC a kanithile oshimaliwa shika mu Avid, Green okwa li a popi kutya momasiku 3 ga Januali 2005 kuye okwe yile Ralph Blaauw (ngoka a li nale oshilyo shongundu yo Swapo mOparlaimende.”Okwa lombwele ndje kutya ye okwa tumwa kaantu aakuluntu ya tseyithe Avid Investment ku SSC.Okwa lombwele ndje kutya ye oku lile po Avid na oosheya 80 mu Avid odhEwawa lyAagundjuka mo Swapo, ndyoka li li kohi yOmupresidende gwa Namibia.Okwa lombwele ndje wo kutya Omupresidende oku na mo oosheya mOkampani, ihe shika kapu na nande esiku limwe shi na okupopiwa,” Green osho a popi ngaaka.Esiku lya landula, Oshifo shika sha li sha shanga shoka Green a popi moondokumende dhe.Okuza mpoka Nujoma okwa ka ithana aanankundana noku ya lombwela kutya ye mu Avid ke na mo oosheya na Green ota popi dha nakalindi.Omasiku ga zi ko, Nujoma okwa popi kutya ota ka futitha Green oshimaliwa shOondola oomiliyuna ndatu molwashoka aniwa okwa nyateka edhina lye niifundja.Sisa Namandje, ngoka e li Omunavetakelelipo gwa Nujoma okwe shi koleke oshiwike sha zi ko kutya Green otaye mu fale kOmpangu mu shika.Nande ongaaka, aanaveta ya Green oya popi kutya yo oya tegelela eithano lya Green kOmpangu na Green okwe ya indila e ya mu popile mu shika.Sisa Namandje oye omunaveta gwa Nujoma omanga Okampani yaanavate ya Metcalf Legal Practitioners oyo yi lile po Green.Nujoma okwa hala wo okufutitha The Namibian oshimaliwa shOondola oomilyuna ntano, sho sha shanga shoka Green a lombwele Ompangu moondokumende dhe.Nujoma okuwete aniwa kutya oshinyolwa shika, sha holokele mo The Namibian yomasiku 10 ga Auguste 2005, osha fa tashi ulike kutya okwa koraputa.Aanaveta yo The Namibian oya lombwele Ompangu kutya shika otaye ke shi kondjitha.Lazarus Kandara, ngoka a li Omukuluntuwiliki gwa Avid Investment okwa li i iyaha okusa omumvo gwa zi ko, konima ashike sho Ompangu ya tokola kutya ota ka patelwa mo shi na sha noshimaliwa sha SSC, shoka Okampani ye nyenga okushunitha.Paulus Kapia, ngoka pethimbo ndyoka a li Ominista yopevi yIilonga nOmakwatathanithokumwe, okwa ka mbendanga konima sho a kwatelwa mo moshinima sha Avid omanga Tuli Hiveluah (ngoka a li Omukuluntuwiliki gwa SSC sho oshimaliwa shika sha pewa Avid) naye a ka thiga po wo opoosa ndjika.Green okwa li a tidhwa mu SSC mu Maalitsa nuumvo konima sho sha monika mo kutya okwa longo nuuhasha sho a pitike oshimaliwa shika sOondola omilongo ndatu shi pewe Avid Investment.Nande ongaaka, konima yethimbo okwa ka fala SSC kOmpangu, ta nyenyeta kutya etidho lye mu SSC ka li li pauyuuki na oku na okushunwa miilonga.Green okwa ti SSC oku na wo oku mu futa oshimaliwa she shokomwedhi shOondola/N$55 000, shoka a li ha kwata – tashi yalulwa okuza mu Maalitsa.Paendokumende ndhoka a gandja kOmpangu pethimbo lyomapulapulo gOmpangu gokutala kutya oshe ende ngiini SSC a kanithile oshimaliwa shika mu Avid, Green okwa li a popi kutya momasiku 3 ga Januali 2005 kuye okwe yile Ralph Blaauw (ngoka a li nale oshilyo shongundu yo Swapo mOparlaimende.”Okwa lombwele ndje kutya ye okwa tumwa kaantu aakuluntu ya tseyithe Avid Investment ku SSC.Okwa lombwele ndje kutya ye oku lile po Avid na oosheya 80 mu Avid odhEwawa lyAagundjuka mo Swapo, ndyoka li li kohi yOmupresidende gwa Namibia.Okwa lombwele ndje wo kutya Omupresidende oku na mo oosheya mOkampani, ihe shika kapu na nande esiku limwe shi na okupopiwa,” Green osho a popi ngaaka.Esiku lya landula, Oshifo shika sha li sha shanga shoka Green a popi moondokumende dhe.Okuza mpoka Nujoma okwa ka ithana aanankundana noku ya lombwela kutya ye mu Avid ke na mo oosheya na Green ota popi dha nakalindi.Omasiku ga zi ko, Nujoma okwa popi kutya ota ka futitha Green oshimaliwa shOondola oomiliyuna ndatu molwashoka aniwa okwa nyateka edhina lye niifundja.Sisa Namandje, ngoka e li Omunavetakelelipo gwa Nujoma okwe shi koleke oshiwike sha zi ko kutya Green otaye mu fale kOmpangu mu shika.Nande ongaaka, aanaveta ya Green oya popi kutya yo oya tegelela eithano lya Green kOmpangu na Green okwe ya indila e ya mu popile mu shika.Sisa Namandje oye omunaveta gwa Nujoma omanga Okampani yaanavate ya Metcalf Legal Practitioners oyo yi lile po Green.Nujoma okwa hala wo okufutitha The Namibian oshimaliwa shOondola oomilyuna ntano, sho sha shanga shoka Green a lombwele Ompangu moondokumende dhe.Nujoma okuwete aniwa kutya oshinyolwa shika, sha holokele mo The Namibian yomasiku 10 ga Auguste 2005, osha fa tashi ulike kutya okwa koraputa.Aanaveta yo The Namibian oya lombwele Ompangu kutya shika otaye ke shi kondjitha.Lazarus Kandara, ngoka a li Omukuluntuwiliki gwa Avid Investment okwa li i iyaha okusa omumvo gwa zi ko, konima ashike sho Ompangu ya tokola kutya ota ka patelwa mo shi na sha noshimaliwa sha SSC, shoka Okampani ye nyenga okushunitha.Paulus Kapia, ngoka pethimbo ndyoka a li Ominista yopevi yIilonga nOmakwatathanithokumwe, okwa ka mbendanga konima sho a kwatelwa mo moshinima sha Avid omanga Tuli Hiveluah (ngoka a li Omukuluntuwiliki gwa SSC sho oshimaliwa shika sha pewa Avid) naye a ka thiga po wo opoosa ndjika.Green okwa li a tidhwa mu SSC mu Maalitsa nuumvo konima sho sha monika mo kutya okwa longo nuuhasha sho a pitike oshimaliwa shika sOondola omilongo ndatu shi pewe Avid Investment.Nande ongaaka, konima yethimbo okwa ka fala SSC kOmpangu, ta nyenyeta kutya etidho lye mu SSC ka li li pauyuuki na oku na okushunwa miilonga.Green okwa ti SSC oku na wo oku mu futa oshimaliwa she shokomwedhi shOondola/N$55 000, shoka a li ha kwata – tashi yalulwa okuza mu Maalitsa.