Gerhard Kalimba a hulithila kOuniversity yaRussia

O MUGUNDJUKA gwomOshakati gwoomvula 29 lwaampoka Gerhard Younger Osiike Ndeshipanda Kalimba okwa sile ko University yEpangelo ya Nizhny ko Russia eso lyombaadhilila noli limbilika meti 12 Apilili 2007.

Meme gwa nakusa Gerhard, ano meme Hilma Kalimba, ngoka a kala Matrona mOshipangelo shEpangelo sha Shakati sigo tayi moshipundi shevululuko omathimbo ga zi ko okwa lombwelele Oshifo shika, kutya oya lombwelwa kutya Gerhard okwa gu aniwa pombanda yetungo ele nokweehamekwa noonkondo. Ta falwa koshipangelo shomondoolopa moka, hoka a ka manena oondjenda dhe konima yootundi dhontumba.”Oshidhigu okumona uuyelele tau ku zilile kombinga ndjoka yuuyuni notu li natango tuu twa tegelela uuyelele wiihwapo okuza hoka,” meme Kalimba, ngoka a hatwa po nayi keso lyomwana, ta ti popi.Kutya nee okwa gu po ngiini petungo mpoka na oshike she mu gwitha po, meme Kalimba ota ti inaye shi lombwelwa natango.Omudhimba gwa nakusa ogwa thikile kegumbo kOshakati ongulohi yOmaandaha, okuza ko Johannesburg hoka gwa thikile mOsoondaha okuza koRussia.Molwashoka aantu oya li yi inekela omudhimba tagu thiki mOsoondaha kOshakati, oya longekidha efumviko ngeno li kale ko mOmaandaha pOngwediva ya Elcin okuzilila mOngeleka ya Elcin mOshakati, nOshituthidhimbulutho shi ningwe mOsoondaha komatango.Oshituthidhimbulutho osha ningilwe ngaa mOsoondaha moka, ashike efumviko inali ka vula we okuningwa mOmaandaha moka lya li lya thanekelwa omolu etokelitho ndjoka.Olya ka ningwa nee mEtiyali ndika lya zi ko.Nonando sha li oshidhigu noonkondo ku meme Hilma Kalimba noshowo kOfamili ayihe, kaakwanezimbo nokookuume, meme Kalimba nOfamili ayihe, otaya ti kutya otaya pandula Kalunga naayehe ya longekidha nokukondja nuudhigu opo omudhimba gwomumati gwawo gu thike kegumbo nogu vule wo ngawo okufumvikwa kegumbo.Tate gwa Gerhard, ano tate Michael Kalimba, okwe ya tetekela nale muukwalauhe, konima naye sho a sile moshiponga shombaadhilila shekandomo lyohauto meti 10 Novemba 1980.Nakusa Gerhard okwa fumvikwa nee momawendo gOngeleka ya Elcin mOngwediva moka wo omo mwa fumvikwa tate gwe Michael Kalimba.Nakusa Kalimba, ngoka e li onkelo ya meme Hilma Kalimba na nakusa tate Michael Kalimba, noya valelwe ashike ye li yaali yo na Festus (Fessy) Kalimba gwosheeli, okwa valelwa mOshakati meti 15 June 1978.Osikola yopevi okwe yi hita pu tate Ngolo, ano pOshakati PS, mpoka a kala sigo omOgrade 7.Okuza Ongundu 8 sigo 12 okwe ke yi hita ko St Joseph’s High School Dobra, okuza momumvo1992 sigo 1996.Okwa yi ko Unam hoka a kala ashike oomvula mbali nasha nokwa galukile kegumbo omoluupyakadhi wontumba.Okwa li ti ilongele Omauyelele gOpautekenika.Mo 2000 okwa tameke Okoosa ye tuu ndjoka mo Unam yomOshakati.Okuza momumvo 2001 sigo 2003 okwa kala ta longo mOmbaanga ya Standard Bank mOndangwa.Mu Juli 2003, okwa yi a ka longe mUuministeli wUuhaku nIilonga yUundjolowele mOshitopolwa sha Musati.Okwa kwatwa ishewe kombepo yeilongo nokwa ningi eindilo koUniveristy ya Nizhny Novogorad ko Ruassia, hoka a taambwa nokwa yi ko mu Novemba 2005.Kutya nee oshike sheende po, onkundana ndjoka tayi ehameke noonkondo omuntu komwenyo, oya zi kOuniversity ndjoka ya NIzhny tayi ti kutya Gerhard a mana oondjenda dhe ombaadhilila.Nakusa Gerhard Kalimba okwa thiga ko okamonakadhona koomvula heyali Hilma Ndesheetelua Kaunapawa Kalimba, meme gwe Hilma Kalimba nomumwayinamati, Festus Kalimba.Ta falwa koshipangelo shomondoolopa moka, hoka a ka manena oondjenda dhe konima yootundi dhontumba.”Oshidhigu okumona uuyelele tau ku zilile kombinga ndjoka yuuyuni notu li natango tuu twa tegelela uuyelele wiihwapo okuza hoka,” meme Kalimba, ngoka a hatwa po nayi keso lyomwana, ta ti popi.Kutya nee okwa gu po ngiini petungo mpoka na oshike she mu gwitha po, meme Kalimba ota ti inaye shi lombwelwa natango.Omudhimba gwa nakusa ogwa thikile kegumbo kOshakati ongulohi yOmaandaha, okuza ko Johannesburg hoka gwa thikile mOsoondaha okuza koRussia.Molwashoka aantu oya li yi inekela omudhimba tagu thiki mOsoondaha kOshakati, oya longekidha efumviko ngeno li kale ko mOmaandaha pOngwediva ya Elcin okuzilila mOngeleka ya Elcin mOshakati, nOshituthidhimbulutho shi ningwe mOsoondaha komatango.Oshituthidhimbulutho osha ningilwe ngaa mOsoondaha moka, ashike efumviko inali ka vula we okuningwa mOmaandaha moka lya li lya thanekelwa omolu etokelitho ndjoka.Olya ka ningwa nee mEtiyali ndika lya zi ko.Nonando sha li oshidhigu noonkondo ku meme Hilma Kalimba noshowo kOfamili ayihe, kaakwanezimbo nokookuume, meme Kalimba nOfamili ayihe, otaya ti kutya otaya pandula Kalunga naayehe ya longekidha nokukondja nuudhigu opo omudhimba gwomumati gwawo gu thike kegumbo nogu vule wo ngawo okufumvikwa kegumbo.Tate gwa Gerhard, ano tate Michael Kalimba, okwe ya tetekela nale muukwalauhe, konima naye sho a sile moshiponga shombaadhilila shekandomo lyohauto meti 10 Novemba 1980.Nakusa Gerhard okwa fumvikwa nee momawendo gOngeleka ya Elcin mOngwediva moka wo omo mwa fumvikwa tate gwe Michael Kalimba.Nakusa Kalimba, ngoka e li onkelo ya meme Hilma Kalimba na nakusa tate Michael Kalimba, noya valelwe ashike ye li yaali yo na Festus (Fessy) Kalimba gwosheeli, okwa valelwa mOshakati meti 15 June 1978.Osikola yopevi okwe yi hita pu tate Ngolo, ano pOshakati PS, mpoka a kala sigo omOgrade 7.Okuza Ongundu 8 sigo 12 okwe ke yi hita ko St Joseph’s High School Dobra, okuza momumvo1992 sigo 1996.Okwa yi ko Unam hoka a kala ashike oomvula mbali nasha nokwa galukile kegumbo omoluupyakadhi wontumba.Okwa li ti ilongele Omauyelele gOpautekenika.Mo 2000 okwa tameke Okoosa ye tuu ndjoka mo Unam yomOshakati.Okuza momumvo 2001 sigo 2003 okwa kala ta longo mOmbaanga ya Standard Bank mOndangwa.Mu Juli 2003, okwa yi a ka longe mUuministeli wUuhaku nIilonga yUundjolowele mOshitopolwa sha Musati.Okwa kwatwa ishewe kombepo yeilongo nokwa ningi eindilo koUniveristy ya Nizhny Novogorad ko Ruassia, hoka a taambwa nokwa yi ko mu Novemba 2005.Kutya nee oshike sheende po, onkundana ndjoka tayi ehameke noonkondo omuntu komwenyo, oya zi kOuniversity ndjoka ya NIzhny tayi ti kutya Gerhard a mana oondjenda dhe ombaadhilila.Nakusa Gerhard Kalimba okwa thiga ko okamonakadhona koomvula heyali Hilma Ndesheetelua Kaunapawa Kalimba, meme gwe Hilma Kalimba nomumwayinamati, Festus Kalimba.