OMUHANGA gwoongundu dhopapolika ndhoka dha kala tadhi longele pamwe melelo lyaVenduka momukokomoko gwomvula ndjika ogwa adha pehulilo sha landiula okwaatsa kumwe kombinga yaamboka ye na okupewa oonkatu melelo, momukokomo gomumvo nenge oshikako oshipe..
Aanawino naapekaapeki oya popi kutya oye na eitaalo kutya onkalo yomananathano noontamanana ndhoka dha holoka mookansela yopamuhanga melelo lyaVenduka peha lyokulongelakumwe, otayi ke eta oongundu dhoompilameno dhi ka longe nuudhigu pamuhanga mekondjitho lyongundu yoSwapo momahogololo gomo2014.
Oongundu ndhoka dha li dha tula uukuni kumwe okulonga pamuhanga melelo lyaVenduka ongaashi Independent Patriots for Change (IPC), Affirmative Repositioning movement (AR), Popular Democratic Movement (PDM), National Unity Democratic Organisation (Nudo), nodha li dha hogoloka Job Amupanda ongamayola.
Nonande meuvathanotsokumwe lyawo lyopamuhanga okwa li ye na okukala taya taambathana nokuyakulatha kombinga yaamboka taya pewa oonkatu melelo, oongundu dhopamuhanga omasiku ga zi ko okwa li dha ningi oshigongi, nodha tokola opo pwaaningwe omalunduluko maaleli mboka ye li melelo, ye Amupanda a tsikile nuumayola.
Ashike nando ongaaka, omuleli gwoIPC, Panduleni Itula, okwa tindi etsokumwe ndyoka.
Ompinge ya Itula oyo ye eta omuhanga gwoongundu ndhoka gu teke po.
Ashike nande ongaaka ngashingeyi opwa totwa omuhanga omupe ngoka gu na owala oongundu ndatu ngaashi ongundu yoIPC, oNudo osho wo oLandless People’s Movement (LPM).
Ongundu yoLPM kaya li mo momuhanga omukulu.
Moshigongi sha hugunina shomahogololo gelelo lyaVenduka uunambo, omuhanga omupe ogwa hogolola kansela gwoLPM Sade Gawanas oye a ninge omayola omupe gwaVenduka, nomupeha gwe okansela Joseph Uapingene gwongundu yoNudo
Gawanas okwa pingene po Amupanda.
Ponkatu yuupevimayola, Uapingene okwa pingene po kansela gwoPDM, Clemencia Hanases.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
