Ewawa lyaagundjuka mo Swapo nalyo lya kondema Ya Nangoloh

E WAWA lyAagundjuka mo Swapo nenge tutye Swapo Youth League olya hala Omukuluntuwiliki gwehangano egameni lyuuthemba womuntu lyopashigwana nenge tutye National Society for Human Rights (NSHR), a ningilwe oshipotha shepiyaganeko lyomulandu gwombepo yedhiminathanopo.

Shika oya hala shi ningwe molwondokumende ndjoka ehangano ndika lya gandja kOmpangu yIikulumuna yOpaigwana nenge tutye International Criminal Court (ICC) moka NSHR a indile Ompangu ndjika yi konakone Omupresidende omukulu gwa Namibia tatekulu Sam Nujoma nayakwawo yatatu, kombinga yAanamibia mboka aniwa ya kana manga oshilongo ina shi manguluka nosho wo konima yemanguluko. Amushanga-gwomauyelel mEwawa lyAagundjuka mo Swapo Elijah Ngurare okwa lombwele iikundaneki mOvenduka mEtitatu lya zi ko kutya momasiku 21 gomwedhi nguka otaya ka ninga ehololomadhiladhilo li li ompinge na NSHR.Ngurare okwa ti edhiminathanopo oli li kuunyengenyenge nokupiyaganekwa nokutulwa mo ICU komaihumbato ga NSHR.Ta ti, ngele NSHR naayambidhidhi ye oya gumu omulandu gwetu gwedhiminathanopo gwopashigwana na Hailwa gwetu Sam Nujoma, omboma yokathimbo otayi ka topa na ngele nee oya topa, oshilanduli otashi ka kala oshiwinayi.Ngurare okwa ti oshilanduli itashi ka kala ashike oshiwinayi ku NSHR naayambidhidhi ye, ihe nosho wo ku mboka ye shi wete nawa paliko.Ta ti, omidhi dheidhidhimiko lyawo odha za mu Hailwa Sam Nujoma.”Oye a kala nokudhenga omuthindo kombinga yedhiminathanopo.Ngurare okwa ti andola Nujoma ina eta po edhiminathanopo, andola aantu oyendji oya kwatela onkone aatilinga, ngashi mboka ye li aawiliki yoongundu dhoompilameno – ndhoka dha li hadhi longelekumwe naakolonyeki.Kuyo, ehangano lya NSHR olya taaguluka omulandu gwedhiminathanopo na shika oshi na okweeta epangulo lyOmuwiliki gwehangano ndika na ehangano oli na wo okutalika ko ong’oshiponga kegameno lyoshilongo.Metine lyoshiwike sha zi ko, Amushanga-Ndjayi gwo Swapo Ngarikutuke Tjiriange okwa li a popi kutya ehangano lya NSHR oli li oshiponga oshinene kegameno lyoshilongo na Ya Nangolo oku na okumona oshilanduli.Pethimbo ndika, ehangano ndika olya hala Opolisi ya Namibia yi gandje egameno ku Ya Nangoloh, molwashoka omapopyo ga Tjiriange oga tula omwenyo gwe moshiponga.Tjiriange okwa li wo a popi kutya “ethimbo olya thikana okweeta aantu ngashi Ya Nangoloh kondjila.”NSHR okwa hala Ompangu ya tumbulwa yi konakone Nujoma nAanamibia yalwe yatatu, kombinga yomapopyo kutya oya tsitsimika, ya pulanda, oya kwathela noya gamena omakano gAanamibia yomwaalu gwontumba pethimbo lyekondjelomanguluko nosho wo komina yemanguluko.Mbekya yatatu oyo aniwa ngoka a li nale Ominista yEtanga lyEgameno Erkki Nghimtina, ngoka a li nale Omukuluntu gwOmatanga Leitenanda-Ndjayi Solomon ‘Jesus’ Auala na Kolonela gwObataliona yOtango Thomas Shuuya.Amushanga-gwomauyelel mEwawa lyAagundjuka mo Swapo Elijah Ngurare okwa lombwele iikundaneki mOvenduka mEtitatu lya zi ko kutya momasiku 21 gomwedhi nguka otaya ka ninga ehololomadhiladhilo li li ompinge na NSHR.Ngurare okwa ti edhiminathanopo oli li kuunyengenyenge nokupiyaganekwa nokutulwa mo ICU komaihumbato ga NSHR.Ta ti, ngele NSHR naayambidhidhi ye oya gumu omulandu gwetu gwedhiminathanopo gwopashigwana na Hailwa gwetu Sam Nujoma, omboma yokathimbo otayi ka topa na ngele nee oya topa, oshilanduli otashi ka kala oshiwinayi.Ngurare okwa ti oshilanduli itashi ka kala ashike oshiwinayi ku NSHR naayambidhidhi ye, ihe nosho wo ku mboka ye shi wete nawa paliko.Ta ti, omidhi dheidhidhimiko lyawo odha za mu Hailwa Sam Nujoma.”Oye a kala nokudhenga omuthindo kombinga yedhiminathanopo.Ngurare okwa ti andola Nujoma ina eta po edhiminathanopo, andola aantu oyendji oya kwatela onkone aatilinga, ngashi mboka ye li aawiliki yoongundu dhoompilameno – ndhoka dha li hadhi longelekumwe naakolonyeki.Kuyo, ehangano lya NSHR olya taaguluka omulandu gwedhiminathanopo na shika oshi na okweeta epangulo lyOmuwiliki gwehangano ndika na ehangano oli na wo okutalika ko ong’oshiponga kegameno lyoshilongo.Metine lyoshiwike sha zi ko, Amushanga-Ndjayi gwo Swapo Ngarikutuke Tjiriange okwa li a popi kutya ehangano lya NSHR oli li oshiponga oshinene kegameno lyoshilongo na Ya Nangolo oku na okumona oshilanduli.Pethimbo ndika, ehangano ndika olya hala Opolisi ya Namibia yi gandje egameno ku Ya Nangoloh, molwashoka omapopyo ga Tjiriange oga tula omwenyo gwe moshiponga.Tjiriange okwa li wo a popi kutya “ethimbo olya thikana okweeta aantu ngashi Ya Nangoloh kondjila.”NSHR okwa hala Ompangu ya tumbulwa yi konakone Nujoma nAanamibia yalwe yatatu, kombinga yomapopyo kutya oya tsitsimika, ya pulanda, oya kwathela noya gamena omakano gAanamibia yomwaalu gwontumba pethimbo lyekondjelomanguluko nosho wo komina yemanguluko.Mbekya yatatu oyo aniwa ngoka a li nale Ominista yEtanga lyEgameno Erkki Nghimtina, ngoka a li nale Omukuluntu gwOmatanga Leitenanda-Ndjayi Solomon ‘Jesus’ Auala na Kolonela gwObataliona yOtango Thomas Shuuya.