Eukithom-wenyo, uufuthi niiponga yo-moondjila

OMULUMENTU gwoomvula 40 okwiikutha omwenyo sho i imangeleke mOmbashu ye mOvenduka mEtitano.

Opolisi oya lopota kutya Dumeni Johannes okwa li i itsuwa e endjelele mongodhi yolusheno molukanda lwOombashu lwa Havanna.*Oshikondo shOpolisi opo sha totwa po shi na sha negameno lyaatalelipo, mOlyomakaya osha li sha kwata ko oondjato mbali dhaatalelipo dha adhika mohauto yimwe mepandaanda lya Puccini. Oondjato dhika odha li aniwa dha yakwa po na ohauto moka dha adhika oyi na ononola yo N47187W.*Opolisi ya Muni oya li ya yi moshipala onkambadhala yokuya po oongodhi dholusheno. Aafekelwa mbaka oya li ya monika lwopotundi ontimulongo yongula, taya the mo oongodhi dhika, taye dhi kutha mo nombika noshihupulo.*Okakadhona koomvula hamano oka si sho ka pumwa kohauto monjila yopokati ka Otjitambi nEpangelo omutenya gwEtitano. Okakadhona haka oka li aniwa ta ka kambadhala okutaaguluka opate.