Etuntilo lyOshiligalala mOhangwena otali ende nawa

OMUWILIKI gwUuhaku moshitopola sha Hangwena, meme Kaino Pohamba ohela okwa a lombwele Oshifo shika kutya etuntuio lyaanona opo kaya kwatwe komukithi gwOshiligalala moshitopolwa sha Hangwena onkee tali tsikila na otali ende nawa.

Kepulo, meme Pohamba okwa ti ngashiingeyi oye li taya tuntile aanasikola mOseko dhOpombanda moshitopolwa sha Hangwena ngashi: Oseko yOpombanda ya Mungwelume, ya Ngha, ya Ponhofi noya Haimbili Haufiku.Okwa ti oya li a pewa omiti dha gwana okutuntila aaantu ye li 80 000 na pethimbo ndika oya tuntula aantu ye vulithe 30 000 lwaampoka na otaya tsikile natango ya adhe omwaalu ngoka.Omasiku ga zi ko, eme Pohamba okwa lombwelele The Namibian kutya Uuministeli wUuhaku owa tula po nale elandulathano lyoshikonga shokuwenda aanona ayehe yepipi lyoomvula dhi lii pokati koomvula mbali (2) sigo opoomvula 18.Oshikonga showenda shika shokutuntila omukithi gwoshiligalala osha tamekele ongula yeti 7 Juli 2009 sigo ngeno ometi 8 Juli 2009. Ashike aantu, oya ka kala oyendji, inaya ka vulam okupwa meti 8 Juli 2009, na meme Pohamba okwa ti kutya oya loi ye na nokupitililitha esiku ndyoka lya li lya uthwa ya mane ngeno.Okwa tile kutya owenda yoyene otayi kala pOshipangelo sha Ngela, ano pOklinika ya Ngela, pOklinika ya Hangwena, pOshipangelo sha Dibo noshowo pOklinika ya Dundja. Kakele komahala ngoka ga tumbulwa metetekelo, meme Pohamba okwa tile wo kutya, Aapangi nAaniilonga yalwe yUuhaku otaya ka endaenda nOosikola nomahala galwe ga tothwa mo ya ka wende nokutuntila aanona hoka.kOosikola hoka kwa yilwe ongashi nee kOsikola ya Shikango, kOosikola mbali dhopOdibo, kElao Combined school, kOsikola yaanona ya Nghiteke, pOnengali, pOnghala, pEngela, pu Weyulu, pEdundja, pOmwandi wElao, poumbada, pOshitutuma, pOkauva, pOmunyekadi, pOfifiya, pOmutaku, pEembidi, pOnamunama, pOndapona, pOnakambuda, pOndholongo ya Hangwena, pOsikola ya Shikango, pOndikokelwa nopOsiko yopombanda ya Ponhofi.Meme Pohamba ota ti kutya omasiku ga zi ko oya koneka lela omadhidhiliko gomukithi nguka gwoshiligalala, gwi iteyela unene mOshitopolwa sha Hangwena, unene pokati kasho, ngashi unene momudhingoloko gwEngela, gwa Shikango, Odibo nomomudhingoloko. Omuwiliki gwUuhaku mOhangwena a tile kutya unene otagu zilile ngaa pOshikangompoka. Tashi vulika tagu ya po okuzilila mo Angola. Omapopyo ga kala po otaga ti kutya mo Angola kamu na natango omatuntilo ge li nawa, unene ngashi kombinga yOshiligalala noshowo kombinga yOpolio, nomikithi nee dhatya ngeyi ohadhi taagulukithwa kaakalimo yaahoka nenge kAanamibia mboka haya ka talela po hoka noku dhi eta koNamibia. Okwa ti kutya sigo oompaka mboka ya hulitha taku fekelwa kutya oya dhipagwa komukithi gwoshiligalala oye vulithe paantu yatatu. Kuyelel Kaansela gwOshikandjohogololo sha Shikango tate Usko Nambinga, okwa igidhile mOradio kutya kOshikandjohogololo she okwa fa ku na omukithi gw0shiligalala, oshoka okwa sile aanona yaali yomegumbo limwe. Kamwe ka hulithila mOshipangelo sha Dibo, ko kamwe taka hulithile kegumbo. kIitopolwa yIipangelo yimwe mOukwanyama, ano mOshitopolwa sha Hangwena, ngashi kEenhana, meme Pohamba ota ti mo inamu konekwa nokulopotwa manga omukithi nguka.kEpulo, Omuwiliki gwUuhaku mOshitopolwa sha Shana, Omundohotola Naftali Hamata kuyele okwa tile kutya sigo opo mpaka, yo mOshana inaya lopotelwa mwe ya omukithi nguka gwoshiligalala. ‘Shapo opo ngaa tagu ya, inagu thika mo natango,’ Hamata ta ti ngawo.