Etuntilo lyiimuna moshitopolwa sha Caparivi otali ende nawa

IIMUNA yi li 22 000 lwaampoka moshitopolwa sha Caprivi oya li nale ya tuntilwa opo kaayi kwatwe komukithi gwombulwa oshiwike sha zi ko, Ndohotola gumwe gwiinamwenyo moshitopolwa shika osha popi ngaaka.

Ndohotola Frank Chitate okwa ti oshikonga shetuntilo lyiimuna ndyoka lya tameke mEtiyali lyoshiwike sha zi ko, otali ende nawa lela. Ta ti, oye na omiti dhowenda yiimuna dha gwana sha pitilila dhi li nokuli lwopomayovi 180 000.Omiti ndhika odha landwa kEpangelo okuzilila ko South Afrika koshimaliwa shOondola/N$108 000.Oshiwike shika, aanambelewatonateli yiiyamakuti moshitopolwa sha Caprivi oya tindi okugandja uuyelele kutya ngashiingeyi iiyamakuti ingapi ya sa komukithi nguka, taya ti kutya shika otaya vulu ashike oku shi gandja uuna ye na opelemeta okuza kOmukukuluntuwiliki gwOshikondo shEtontalo lyOoparka dhIiyamakutu mUuministeli wEgameno lyUuntshitwe nOmatalelopo, Ben Bytell.Bytell okwa lombwele The Namibian oshiwike shika kutya ye ina lopotelwa nande eso limwe lyoshiyamakuti sha si komukithi nguka.”Onda uvu ashike kutya iiyamakuti yimwe oya sa mu Botswana,” ta popi ngaaka.Nande ongaaka, Chitate okwa li a lombwele Oshifo shika oshiwike sha zi ko kutya oongolo 20, oondjamba 10 noonyati mbali odha sa komukithi taku fekelwa kutya ombulwa momahala ge li uushiinda noshikunino shiiyamakuti sha Chobe National Park mu Botswana, hoka taku fekelwa oko kwa zi omukithi nguka gu ye mu Namibia.Chitate okwa ti omakonakono ngoka ga ningwa mombinzi ya mbali dhomoondjamba ndhika omulongo (10), oshizemo otashi ulike kutya odha sa kombulwa.Omuniilonga gumwe omukuluntu mOhotela ya Caprivi River Lodge, ngoka ina hala edhina lye li tumbulwe mpaka, okwa lombwele Oshifo shika kutya yo omukithi nguka oye gu uva, ihe kapu na aatalelipo yawo ya kaleka okuya kwawo kOhotela yawo.Chitate okwa ti aatalelipo koshitopolwa sha Caprivi kaye li moshiponga shokuninga ekwatathano nonyama yiinamwenyo ya sa kombulwa.Ta ti, yo oyi ikwata ashike aakwashigwana mboka tashi vulika ya lye iinamwenyo mbyoka ya sa komukithi nguka.Okwa ningi eindilo kaakalimo yomoshitopolwa shika kaaya lye nande onyama yiinamwenyo yi isila.Ta ti, oye na omiti dhowenda yiimuna dha gwana sha pitilila dhi li nokuli lwopomayovi 180 000.Omiti ndhika odha landwa kEpangelo okuzilila ko South Afrika koshimaliwa shOondola/N$108 000.Oshiwike shika, aanambelewatonateli yiiyamakuti moshitopolwa sha Caprivi oya tindi okugandja uuyelele kutya ngashiingeyi iiyamakuti ingapi ya sa komukithi nguka, taya ti kutya shika otaya vulu ashike oku shi gandja uuna ye na opelemeta okuza kOmukukuluntuwiliki gwOshikondo shEtontalo lyOoparka dhIiyamakutu mUuministeli wEgameno lyUuntshitwe nOmatalelopo, Ben Bytell.Bytell okwa lombwele The Namibian oshiwike shika kutya ye ina lopotelwa nande eso limwe lyoshiyamakuti sha si komukithi nguka. “Onda uvu ashike kutya iiyamakuti yimwe oya sa mu Botswana,” ta popi ngaaka.Nande ongaaka, Chitate okwa li a lombwele Oshifo shika oshiwike sha zi ko kutya oongolo 20, oondjamba 10 noonyati mbali odha sa komukithi taku fekelwa kutya ombulwa momahala ge li uushiinda noshikunino shiiyamakuti sha Chobe National Park mu Botswana, hoka taku fekelwa oko kwa zi omukithi nguka gu ye mu Namibia.Chitate okwa ti omakonakono ngoka ga ningwa mombinzi ya mbali dhomoondjamba ndhika omulongo (10), oshizemo otashi ulike kutya odha sa kombulwa.Omuniilonga gumwe omukuluntu mOhotela ya Caprivi River Lodge, ngoka ina hala edhina lye li tumbulwe mpaka, okwa lombwele Oshifo shika kutya yo omukithi nguka oye gu uva, ihe kapu na aatalelipo yawo ya kaleka okuya kwawo kOhotela yawo.Chitate okwa ti aatalelipo koshitopolwa sha Caprivi kaye li moshiponga shokuninga ekwatathano nonyama yiinamwenyo ya sa kombulwa.Ta ti, yo oyi ikwata ashike aakwashigwana mboka tashi vulika ya lye iinamwenyo mbyoka ya sa komukithi nguka.Okwa ningi eindilo kaakalimo yomoshitopolwa shika kaaya lye nande onyama yiinamwenyo yi isila.