Etopoko mo-NPL shi nasha noshipundi mo-NFA

IILYO yo-NPL oyi li kaa yu uvitile nawa etokolo lyomunashipundi gwo-NPL, Johnny Doeseb lyokutinda oshipundi mewiliko lyo-NFA.

Oshikondo shomaudhano shoshifo shika osha kundanekwa kutya Doeseb ina hala oku ya poshipundi shoka, sha landula shoka shokokongeresa yo-NFA ndjoka ya li ko muDesemba gwomumvo gwa yi, Mokongeresa moka, ngoka a li a hala poshipundi shuupresidende wo-NFA, Ranga Haikali, aawiliki yooliha ndhoka dha landula ndjoka yopombanda yetanga lyokoompadhi yokUumbugantu woshilongo, yomoshitopolwa shaKhomas noshaHardap oya li yi iteka mo momahogololo moka mwa li mwa hogololwa okomitiyewiliki ompe yo-NFA. Shoka osha li nee she eta Frans Mbidi noyakwawo yalwe mewiliko lyo-NFA ya hogololwe ashike pwaa na mboka ya li taye ya kondjitha.

Shoka shaDoeseb okwa kundanwa tashi ku ungaungwa nasho kewiliko lyo-NPL koshigongi shawo shotango shokomumvo. Oosipana odhindji inahdi nyanyukilwa etokolo ndyoka lyaDoeseb lyokutinda oku ya poshipundi shoka mo-NFA. Oosipana ndhoka inaadhi nyanyukilwa etokolo ndyoka lyaDoeseb odhi indila nokuli opo ewilikongundu lyo-NPL li ninge oshigongi shomeendelelo moka ya hala Doeseb e ke ya yelithile nawa mushoka noku talulule etokolo lye ndyoka a ninga. Sho nee Muinjo a za ko koshipundi shuupresidende wo-NFA, Haikali okwa ndopa okunana ko aayambidhidhi yaMuinjo nopeha lyaashoka oya kala yu uvithwa nayi kushoka kutya mokongeresa yo-NFA ndjoka ya li ko oyendji yomomawiliko ga yooloka ge li kohi yo-NFA oya li taya yambidhidha Frans Mbidi.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.