Etokolo lya Ndeitunga lya ekelwahi mOmpangu yOpombanda

OMPANGU yOpombanda oya gandja elombwelo mEtitatu kutya kakukutu kOpolisi Inspekta-Ndjayi gwOpolisi ya Namibia na galulule etokolo lye okukutha miilonga pakathimbo Komanda gwOshikondo shIimbuluma mOpolisi (Serious Crime Unit), Inspekta Omukuluntu Oscar Sheehama.

Palombwelo lyOmupanguli Annel Silungwe, Ompangu oya popi mEtitatu kutya Omukuluntu gwOpolisi ina ya komeho netokolo lye ndyoka a ningi momasiku 13 Septemba okukutha Sheehama miilonga pakathimbo. Inspekta-Ndjayi Sebastian Ndeitunga okwa lombwelwa wo a kale a shunitha Sheehama ponkatu ye mpoka a kala sigo okesiku ndyoka a kuthwa miilonga konima yeso lya Lazarus Kandara ngoka i idhipaga omanga e li momake gOpolisi.Kandara okwi idhipaga momasiku 24 gaAguste pOsasiona yOpolisi ya Venduka omanga a li ta ka patelwa mo.Kandara oye a li omukuluntuwiliki gwokampani yedhina Avid Investments Corporation ndjoka ya pewa yi pungule oshimaliwa shoomiliyuna omilongo ndatu (N$30 million) okuza ku Social Security Commission (SSC) mu Januali nuumvo.Oshimaliwa shika osha li shi na nee okushunithwa konima yoomwedhi ne kwa gwedhwa iishoshela.Konima sho Avid a ndopa okushunitha oshimaliwa shoka, SSC okwa yi kOmpangu yOpombanda nokupewa uuthemba wokupata okampani ndjoka.Pethimbo tuu ndyoka Ompangu yOpombanda oya kwatelekomeho omapulapulo ku monike kutya oshimaliwa shoka sha pewa Avid Investments ku SSC osha yi naanaa pevi nosha longithwa shike.Kandara okwa li a dhitikwa nokutulwa miityaka moshipotha shuulingilingi nuufuthi konima sho a gandja uumbangi we mOmpangu omasiku gaali.Konima yoowili ne sho ya galukile ishewe kOsasiona yOpolisi mOvenduka, Kandara okwa kutha aniwa ondjembo yombistoli yoomilimeta omugoyi ndjoka a li a holeka nokwiiyaha montulo.Otaku popiwa kutya otashi vulika Kandara a kale a mona ondjembo ndjoka pethimbo a li a thindikilwa kegumbo lye opo andola a konge iinguma, iikutu, omiti dhe nosho tuu ongulohi tuu ndjoka a dhitikwa.Kandara opo owala a sila mpoka.Sheehama kali gumwe gwomaanambelewa mboka ya li ya thindikila Kandara kegumbo lye.Okwa gandja owala elombwelo kaapolisi mboka ye li kohi ye kutya naya kale ya thindikila Kandara kegumbo noku mu galulila kOsasiona yOpolisi hoka ta ka patelwa mo.Omasiku omulongo nagatano ga piti po konima yeso lyaKandara, Ndeitunga okwa gandja elombwelo kutya Sheehama naanambelewa yalwe mbeyaka ya li ya thindikila Kandara kegumbo naya kuthwe miilonga pakathimbo.Ndeitunga okwa gandja elombwelo ndika konima yesiku limwe sho a pewa olopota yomakonakono gomeni kombinga yeso lya Kandara.Molopota ndjoka Omunambelewa Komanda gwOshikondo shOmanyenyeto nOmazulo Komufala Hubert Mootseng okwa popi kutya Kandara okwi idhipaga.Mootseng okwa popi kutya Kandara okwa mono ondjembo sha etwa kuuhasha waanambelewa yOpolisi mboka ya li taye mu tonatele.Mootseng okwa ti ishewe kutya aanambelewa mboka yOpolisi naya tamanekelwe oshipotha shuuhasha, ihe inaya ningilwa sha manga sigo omakonakono kombinga yeidhipago lya Kandara taga pu.Nando ongaaka Ndeitunga ina zimina pamwe nethaneko lya Mootseng, nokwa gandja elombwelo kutya aanambelewa mboka yane naya ningilwe oshipotha shuuhasha nokutamanekwa.Pamapopyo ge mwene, Ndeitunga okwa popi kutya aapolisi oya ndopa okukeelela Kandara kiidhipage sho ye mu pe ompito okumona ondjembo ndjoka a longitha okwiidhipaga.Ndeitunga ina hiya Sheehama a holoke komeho gokakomitiye komazulo omanga ina kuthwa miilonga.Omunaveta gwa Sheehama, Dave Smuts, okwa pataneke oshinima shika ta ti inashi ningwa pauyuku.Ta ti oshapuka molwashoka Sheehama ina pewa ompito okugandja ombinga ye moshinima shika omanga ina kuthwa miilonga pakathimbo.Omunaveta gwEpangelo, Nixon Marcus, okwa popile omukalo ngoka gwa longithwa okukutha Sheehama nayakwawo miilonga.Okwa popi nokuli kutya molwashoka omuntu okwa si omanga e li miikaha yOpolisi noshigwana osha tegelela Opolisi yi katuke onkatu, oshayela kutya otashi vulika aanambelewa mboka ya kuthwe miilonga pwaa na okuholoka komeho gokakomitiye komazulo.Smuts okwa yamukula ishewe ngeyi kutya muule womasiku ngoka omilongo mbali lwaampoka, Inspekta-Ndjayi okwa li nee e na okwiithana Sheehama opo a pulakene kutya ye ota ti ngiini.Marcus okwa yi mo ishewe kutya pakatendo koveta yOpolisi, omunambelewa ota vulu okukuthwa miilonga meendelelo ngele nani oshi li muuwanawa wEtanga lyOpolisi.Omatompelo gOmupanguli Silungwe mokuninga etokolo moshipotha shika inatu vula okuga mona mOmpangu yOpombanda mEtitatu moka.Inspekta-Ndjayi Sebastian Ndeitunga okwa lombwelwa wo a kale a shunitha Sheehama ponkatu ye mpoka a kala sigo okesiku ndyoka a kuthwa miilonga konima yeso lya Lazarus Kandara ngoka i idhipaga omanga e li momake gOpolisi.Kandara okwi idhipaga momasiku 24 gaAguste pOsasiona yOpolisi ya Venduka omanga a li ta ka patelwa mo.Kandara oye a li omukuluntuwiliki gwokampani yedhina Avid Investments Corporation ndjoka ya pewa yi pungule oshimaliwa shoomiliyuna omilongo ndatu (N$30 million) okuza ku Social Security Commission (SSC) mu Januali nuumvo.Oshimaliwa shika osha li shi na nee okushunithwa konima yoomwedhi ne kwa gwedhwa iishoshela.Konima sho Avid a ndopa okushunitha oshimaliwa shoka, SSC okwa yi kOmpangu yOpombanda nokupewa uuthemba wokupata okampani ndjoka.Pethimbo tuu ndyoka Ompangu yOpombanda oya kwatelekomeho omapulapulo ku monike kutya oshimaliwa shoka sha pewa Avid Investments ku SSC osha yi naanaa pevi nosha longithwa shike.Kandara okwa li a dhitikwa nokutulwa miityaka moshipotha shuulingilingi nuufuthi konima sho a gandja uumbangi we mOmpangu omasiku gaali.Konima yoowili ne sho ya galukile ishewe kOsasiona yOpolisi mOvenduka, Kandara okwa kutha aniwa ondjembo yombistoli yoomilimeta omugoyi ndjoka a li a holeka nokwiiyaha montulo.Otaku popiwa kutya otashi vulika Kandara a kale a mona ondjembo ndjoka pethimbo a li a thindikilwa kegumbo lye opo andola a konge iinguma, iikutu, omiti dhe nosho tuu ongulohi tuu ndjoka a dhitikwa.Kandara opo owala a sila mpoka.Sheehama kali gumwe gwomaanambelewa mboka ya li ya thindikila Kandara kegumbo lye.Okwa gandja owala elombwelo kaapolisi mboka ye li kohi ye kutya naya kale ya thindikila Kandara kegumbo noku mu galulila kOsasiona yOpolisi hoka ta ka patelwa mo.Omasiku omulongo nagatano ga piti po konima yeso lyaKandara, Ndeitunga okwa gandja elombwelo kutya Sheehama naanambelewa yalwe mbeyaka ya li ya thindikila Kandara kegumbo naya kuthwe miilonga pakathimbo.Ndeitunga okwa gandja elombwelo ndika konima yesiku limwe sho a pewa olopota yomakonakono gomeni kombinga yeso lya Kandara.Molopota ndjoka Omunambelewa Komanda gwOshikondo shOmanyenyeto nOmazulo Komufala Hubert Mootseng okwa popi kutya Kandara okwi idhipaga.Mootseng okwa popi kutya Kandara okwa mono ondjembo sha etwa kuuhasha waanambelewa yOpolisi mboka ya li taye mu tonatele.Mootseng okwa ti ishewe kutya aanambelewa mboka yOpolisi naya tamanekelwe oshipotha shuuhasha, ihe inaya ningilwa sha manga sigo omakonakono kombinga yeidhipago lya Kandara taga pu.Nando ongaaka Ndeitunga ina zimina pamwe nethaneko lya Mootseng, nokwa gandja elombwelo kutya aanambelewa mboka yane naya ningilwe oshipotha shuuhasha nokutamanekwa.Pamapopyo ge mwene, Ndeitunga okwa popi kutya aapolisi oya ndopa okukeelela Kandara kiidhipage sho ye mu pe ompito okumona ondjembo ndjoka a longitha okwiidhipaga.Ndeitunga ina hiya Sheehama a holoke komeho gokakomitiye komazulo omanga ina kuthwa miilonga.Omunaveta gwa Sheehama, Dave Smuts, okwa pataneke oshinima shika ta ti inashi ningwa pauyuku.Ta ti oshapuka molwashoka Sheehama ina pewa ompito okugandja ombinga ye moshinima shika omanga ina kuthwa miilonga pakathimbo.Omunaveta gwEpangelo, Nixon Marcus, okwa popile omukalo ngoka gwa longithwa okukutha Sheehama nayakwawo miilonga.Okwa popi nokuli kutya molwashoka omuntu okwa si omanga e li miikaha yOpolisi noshigwana osha tegelela Opolisi yi katuke onkatu, oshayela kutya otashi vulika aanambelewa mboka ya kuthwe miilonga pwaa na okuholoka komeho gokakomitiye komazulo.Smuts okwa yamukula ishewe ngeyi kutya muule womasiku ngoka omilongo mbali lwaampoka, Inspekta-Ndjayi okwa li nee e na okwiithana Sheehama opo a pulakene kutya ye ota ti ngiini.Marcus okwa yi mo ishewe kutya pakatendo koveta yOpolisi, omunambelewa ota vulu okukuthwa miilonga meendelelo ngele nani oshi li muuwanawa wEtanga lyOpolisi.Omatompelo gOmupanguli Silungwe mokuninga etokolo moshipotha shika inatu vula okuga mona mOmpangu yOpombanda mEtitatu moka.