Eskom otashi vulika a ka ‘sitope’ okugandja olusheno ku Namibia

S OUTH Afrika otashi vulika a ka sitope okugandja olusheno ku Namibia, ngele oshilongo shika (South Afrika) osha yi mompumwe yolusheno okuza mu Aguste nuumvo, Ominista yEemina nIikwankondo ya Namibia, Erkki Nghimtina, osho a popi ngaaka.

Pethimbo ta yamukula komapulo goshilyo sho DTA mOmutumba gwOpashigwana McHenry Venaani mEtine lya zi ko, Nghimtina okwa ti okondalaka yegandjo lyolusheno ndjoka Namibia e na nehangano egandji lyolusheno lya South Afrika Eskom, otayi pu ko mu Juli nuumvo na pakondalaka ndjika, kamu na okatendo tali ti South Afrika ota ka hulitha po okulanditha olusheno ku Namibia ngele okwa yi mompumwe yolusheno. “Okuza mu Aguste 2007, Eskom ota vulu okukutha po egandjo lyolusheno ku Namibia, ngele eindilo lyolusheno moshilongo olya pitilile mpoka lu thike,” Minista Nghimtina ta popi ngaaka.Okwa ti Uuministeli wawo owa tota po okangundu kokuungaunga noshinima shika muule wethimbo efipu, methimbo lyopokati nomethimbo ele.Okwa ti okangundu haka oke li pokumana omathaneko gako, ngoka taga ka pewa kOkabinete muule wethimbo efupi.Nghimtina okwa ti Eskom okwa li mompumwe yolusheno momumvo 2005 nosho wo omumvo gwa zi ko, konima sho oshidhigi sholusheno pu Koeberg moshitopolwa sha Kapa sha li sha teka nosho wo petameko lyomumvo nguka sho natango oshitaasi shika sha li sha teka.Pethimbo ndika, NamPower okwa li a hwameke oshitaasi she sholusheno shomakala sha Van Eck mOvenduka.Namibia oha landa olusheno lwoopelesenda 50 ku South Afrika, halu zi unene koshitaasi sha Koeberg.Nghimtina okwa ti oonkundathana kombinga yokweetapo olusheno lwOhasa mu Namibia, odhi li ponkatu ya hugunina.Ihe aniwa mboka taya ka thikameka oshitaasi shika oya gandja ondando yi li pombanda noonkondo yokulanditha olusheno lwOhasa.”Shika osha tula omutenge omudhigu komapepe ga Namibia.Ngele inalu kondololwa nawa, shika otashi ka etela uupyakadhi omapipi taga ka landula, molwashoka ondando ndjika otayi ka pewa ookastoma muule woomvula 22 twa thinda,” Nghimtina ta popi ngaaka.”Okuza mu Aguste 2007, Eskom ota vulu okukutha po egandjo lyolusheno ku Namibia, ngele eindilo lyolusheno moshilongo olya pitilile mpoka lu thike,” Minista Nghimtina ta popi ngaaka.Okwa ti Uuministeli wawo owa tota po okangundu kokuungaunga noshinima shika muule wethimbo efipu, methimbo lyopokati nomethimbo ele.Okwa ti okangundu haka oke li pokumana omathaneko gako, ngoka taga ka pewa kOkabinete muule wethimbo efupi.Nghimtina okwa ti Eskom okwa li mompumwe yolusheno momumvo 2005 nosho wo omumvo gwa zi ko, konima sho oshidhigi sholusheno pu Koeberg moshitopolwa sha Kapa sha li sha teka nosho wo petameko lyomumvo nguka sho natango oshitaasi shika sha li sha teka.Pethimbo ndika, NamPower okwa li a hwameke oshitaasi she sholusheno shomakala sha Van Eck mOvenduka.Namibia oha landa olusheno lwoopelesenda 50 ku South Afrika, halu zi unene koshitaasi sha Koeberg.Nghimtina okwa ti oonkundathana kombinga yokweetapo olusheno lwOhasa mu Namibia, odhi li ponkatu ya hugunina.Ihe aniwa mboka taya ka thikameka oshitaasi shika oya gandja ondando yi li pombanda noonkondo yokulanditha olusheno lwOhasa.”Shika osha tula omutenge omudhigu komapepe ga Namibia.Ngele inalu kondololwa nawa, shika otashi ka etela uupyakadhi omapipi taga ka landula, molwashoka ondando ndjika otayi ka pewa ookastoma muule woomvula 22 twa thinda,” Nghimtina ta popi ngaaka.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.