Epangulo lyaangoka a tete ko omutse gwa mukwawo nokugu ulikila aantu lya uthwa

O MULUMENTU ngoka ta fekelelwa edhipago lyomulumentu omukwawo sho e mu tete omutse noku ya nago poondingosho momudhingoloko gwa Eenhana ota ka holoka mOmpangu yOpombanda mOshakati mu Apilili nuumvo.

Joseph Hakoonde Ngoya gwomimvo 33 okwa holokele lwotango komeho gOmuapanguli Judge Sylvester Mainga mOmpangu yOpombanda mEtine lyoshiwike sha zi ko mOvenduka. Ngoya ota tamanekelwa edhipago lyomunamimvo 57 Elias Kahandja Shoombe pomukunda Ongumi momudhingoloko gwEenhana moshitopolwa sha Ohangwea mu Septemba omumvo gwa zi ko.Pahokololo nomapopyo ngoka ga taalelwa ku Ngoya sho taka holoka mOmpangu, Epangelo otali popi kutya Ngoya okwa li a lombwele omukulukadhi gwa Shoombe opo a londodhe omusamane gwe kutya mpoka tapu ka tsakanena Shoombe na Ngoya otapu ka sa omuntu.Esiku ya tsakanena, opwa si shili omuntu, nomuntu ngoka okwa li nee Shoombe, tali popi ngaaka.Omushangwa otagu popi kutya pethimbo Shoombe ya tsakanene, Ngoya okwe mu tsu nombele, nokonima okwa tete ko omutse gwe.”Omutamanekwa nguka okwa kutha omutse gwa nakusa Shoombe e tayi nago kuundingosho hoka e ke gu ulikila aantu oyendji,” omushangwa gwomatamaneko tagu popi ngaaka.Pethimbo lyoshiningwanima shika Opolisi pOngumi moshitopolwa sha Ohangwena oya li ya lopota aniwa kutya Ngoya okwa fatulula nokupopya kutya okwa dhipaga Shoombe molwashoka okwa lala nomuholike gwe (gwa Ngoya) momumvo 2002.Opolisi oya li wo ya popi kutya pethimbo Ngoya a tete ko omutse gwa Shoombe okwa li e gu tsu koshiti nokuya nago puundingosho mpoka a ka pula aantu mboka a adha po ngele oye shi kutya omutse ngoka ogwa lye.”Onda dhipaga omukolokoshi nguka notamu vulu nee oku ka lopota oshinima shika kOpolisi,” ta lombwele aniwa ngaaka oohatoyi (oombangi).Omunaveta gwEpangelo Orben Sibaya okwa lombwele Omupanguli Mainga pethimbo Ngoya a holoka mOmpangu mEtine lya zi ko kutya, oshipotha she osha lundulilwa kOmpangu yOpombanda kOshakati – hoka Ompangu ndjika kwa tokolwa tayi ka kala ko okuza momasiku 18 Apilili nuumvo.Ngoya ota ka holoka nee mOmpangu hoka momasiku 18 gaApilili.Pokati nee mpoka otaku ningwa omalongekidho opo Ngoya a kongelwe omukalelipo gwopaveta moshipotha shika ngoka te ke mu kalelapo pethimbo lyepangulo lye.Ngoya okwa lombwele Omupanguli Mainga kutya ke na oshimaliwa shokufuta hahende – nOpolisi aniwa oye mu tindile a ka udhithe ofooloma yokupewa hahende nenge tutye ekwatho lyopaveta.Eindilo ndyoka olya ningwa nee mEtine lya zi ko konima owala sho Ngoya a holoka mOmpangu.Ngoya okwa kala konima yekumba okuza momasiku 3 Septemba omumvo gwa zi ko nota kala mokakuma sigo okesiku lyepangulo lye.Ngoya ota tamanekelwa edhipago lyomunamimvo 57 Elias Kahandja Shoombe pomukunda Ongumi momudhingoloko gwEenhana moshitopolwa sha Ohangwea mu Septemba omumvo gwa zi ko.Pahokololo nomapopyo ngoka ga taalelwa ku Ngoya sho taka holoka mOmpangu, Epangelo otali popi kutya Ngoya okwa li a lombwele omukulukadhi gwa Shoombe opo a londodhe omusamane gwe kutya mpoka tapu ka tsakanena Shoombe na Ngoya otapu ka sa omuntu.Esiku ya tsakanena, opwa si shili omuntu, nomuntu ngoka okwa li nee Shoombe, tali popi ngaaka.Omushangwa otagu popi kutya pethimbo Shoombe ya tsakanene, Ngoya okwe mu tsu nombele, nokonima okwa tete ko omutse gwe.”Omutamanekwa nguka okwa kutha omutse gwa nakusa Shoombe e tayi nago kuundingosho hoka e ke gu ulikila aantu oyendji,” omushangwa gwomatamaneko tagu popi ngaaka.Pethimbo lyoshiningwanima shika Opolisi pOngumi moshitopolwa sha Ohangwena oya li ya lopota aniwa kutya Ngoya okwa fatulula nokupopya kutya okwa dhipaga Shoombe molwashoka okwa lala nomuholike gwe (gwa Ngoya) momumvo 2002.Opolisi oya li wo ya popi kutya pethimbo Ngoya a tete ko omutse gwa Shoombe okwa li e gu tsu koshiti nokuya nago puundingosho mpoka a ka pula aantu mboka a adha po ngele oye shi kutya omutse ngoka ogwa lye. “Onda dhipaga omukolokoshi nguka notamu vulu nee oku ka lopota oshinima shika kOpolisi,” ta lombwele aniwa ngaaka oohatoyi (oombangi).Omunaveta gwEpangelo Orben Sibaya okwa lombwele Omupanguli Mainga pethimbo Ngoya a holoka mOmpangu mEtine lya zi ko kutya, oshipotha she osha lundulilwa kOmpangu yOpombanda kOshakati – hoka Ompangu ndjika kwa tokolwa tayi ka kala ko okuza momasiku 18 Apilili nuumvo.Ngoya ota ka holoka nee mOmpangu hoka momasiku 18 gaApilili.Pokati nee mpoka otaku ningwa omalongekidho opo Ngoya a kongelwe omukalelipo gwopaveta moshipotha shika ngoka te ke mu kalelapo pethimbo lyepangulo lye.Ngoya okwa lombwele Omupanguli Mainga kutya ke na oshimaliwa shokufuta hahende – nOpolisi aniwa oye mu tindile a ka udhithe ofooloma yokupewa hahende nenge tutye ekwatho lyopaveta.Eindilo ndyoka olya ningwa nee mEtine lya zi ko konima owala sho Ngoya a holoka mOmpangu.Ngoya okwa kala konima yekumba okuza momasiku 3 Septemba omumvo gwa zi ko nota kala mokakuma sigo okesiku lyepangulo lye.