Epangelo ta li landa iihauto yoomiliona 15

OSHIKONDO Shiilonga niiyenditho otashi landa omahauto goMashete gongushu yoodola oomiliona 15 okuga pa aawiliki yopapolitika.

Ehangano ndyoka lya li lya pewa otendela okulanda iihauto mbika noku yi gandja kepangelo Ongushu Trading CC, olya li lya ti ota li gandja omahauto ngoka koodola oomiliona 14,8. Omahauto taga popiwa ogoludhi lwoMashete gonomola E 500 ge li gatano, gonomola E350 geli gatano, naangoka gonomola yo E200 geli 15.Iihauto mbika ota ku tiwa ota yi landelwa aawiliki mboka yeli komutse gwomalutu gatatu gepangelo, kokutya Omuperesidende, Omupopi moshigongi shopashigwana, noshowo Omupanguli omukuluntu.Oongoloneya omulongo nayatatu mboka ya ulikilwe kOmuperesidende nayo otaya ka pewa woo omahauto ngoka. Ondando ndjoka ya ulikwa kwaamboka ya li ya hala oku pewa otendela ndjika oyili ngeyi, omashete gonomola ya E500 oyo N$845 500, omanga ndjoka yonomola ya E350 oyo N$655 396 nondando yonomola E200 oyo N$487 856.Ngele otendela ndjika oya pelwe M&Z Motors pehala lyoku yi gandja kaatendeli yalwe, andola iihauto mbika oya ka kotha oodola oomiliona 15,3.Pethimbno ndika omulandi gwiihauto iipe yOmashete iipe oye awike,moNamibia, M&Z Motors oha pula oodola 869 000 monomola E500, oodola 672 000 monomola E350 noodola 505 000 monomola E200. Opwa pningwa omapulo kutya osha piti ngiini kutya ehangano Ongushu Trading ndyoka lyaashiwike nawa olye shi pondola okudhengamo M&Z Motors motendela ndjika , kombinga yondando ndjoka lyo lya li ta li pula .Oshinima shika osho aniwa sha longithwa kamushanga takalele mOshikondo shIilonga, George Simataa oku tinda opo ehangano lyOngushu Trading li landele holomende iiyenditho mbyoka. Ota ku hokololwa kutya Uuministeli wiimaliwa ohawu kuthapo ofuto yo yiifendela ngele nakupewa otendela ota landa iilandithomwa mbyoka ya pumbiwa kepangelo, naashika osho sheeta ehangano ndyoka li vule oku landitha iihauto mbyoka kondando yili hwepo.Simataa ota lundilwa kutya aniwa okwa lombwele omunambelewa pongalashe yepangelo a fundje aniwa kombinga yOngushu nkene ya sindana po iilonga mbyoka. Omunambelewa ngoka aniwa okwa li a hekwa opo a tye Ongushu Trading CC oya popi naye kombinga yondando ndjoka ya gandjwa ku M&Z Motors. Simataa aniwa okwa lundulula etokolo lye nokwa gandja natango otendela ndjika kOngushu Trading CC, ndele aniwa okwa ti mbaka ina ya landa manga iiyenditho mbyoka sigo uuna ndoka pwa manithwa ekonakono.Simataa okwa galukile mOmbelewa ye Omaandaha.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.