Epangelo ta li ka longa mo mboka ye na omankolo omanene unene

O SHIWIKE sha zi ko poshigongi shiilyo yOkabinete shoka sha li koSwakopmund opwa li pwa ningwa etokolo kutya Epangelo nali longithe oveta onkulu hayi ithanwa Bantustan okukutha ko oondhalate nenge tutye omankolo ngoka ga tula meni omahala guulithilo shaali paveta.

Eningululo nenge tutye etopolululo lyevi olya li shimwe shomiikundathanwa mbyoka ya li ya kundathanwa kiilyo yOkabinete moshigongi moka wo mwali oohamushanga Aakuluntu mooministeli dhEpangelo. Omathimbo ga zi ko, Okabinete oka li ka ningi etokolo kutya kapu na omuntu ta ka pitikwa okutula mondhalate ehala li vulithe poohektera omulongo momahala guunafaalama wokomikunda.Metitano lya zi ko, yimwe yomoongundu ndhoka dha li tadhi ningi oonkundathana moshinima shika oya gandja epopilo kutya uuministeli wEvi nau tule miilonga etokolo ndyoka lyokabinete.Ongundu ndjika tayi popi ngeyi kutya aantu mboka ya tula omahala omanene momankolo momahala guunafaalama wokomikunda nomatompelo omawanawa, naya pewe ompito okuninga omaindilo opo ya pewe eziminino lyokukaleka omahala ngoka momankolo.Etokolo ndika lyOkabinete olya li lya ningwa nale omanga nokuli Omupresidende Hifikepunye Pohamba a li ominista yEvi, Omatulululo nOnzulonkalo.Oveta ndjoka tayi popiwa yi tulwe miilonga oyo ndjoka ya li ya ningwa komukolonyeki South Afrika pethimbo lyuukoloni.Oveta tayi popi kutya omahala gaayehe nosho wo omahala mpoka pu na omeya inaga tulwa momankolo, oya li ya ningwa nelalakano okukondolola aaluudhe yaatula omahala omanene momankolo momahala guulithilo gokomikunda.Mboka taya yono oveta otaya futithwa oopaunda dha Britain omulongo (shoka shi thike poondola/N$110) nenge a pewe omasiku 14 konima yekumba, nangele oowa tsikile nokupogola oto ka futithwa opaunda yimwe mesiku kehe to tsikile nokupogola.Okabinete oki ikwata kombinga yomawendo nosho wo okwaakondolola etulomoondhalate lyomahala, unene tuu miitopolwa ngaashi Omaheke, Otjozondjupa, Omusati, Ohangwena, Oshana, nOshikoto.Nando nee evi komahala gokomikunda olyaayehe kutya nee ogwoludhi luni nenge oku li ponkatu yini, aantu oyendji otaya tula moondhalate omahala omanene shoka sha eta uupyakadhi nompumbwe yomahala guulithilo mboka tau pumbiwa unene, ongundu ndjika tayi popi ngaaka.Ongundu ndjika tayi popi wo ngeyi kutya Okabinete nayi lombwele aaleli yopamuthigululwakalo yaagandje omavi kaantu shi vulithe mpoka ya pewa nenge tutye pomuthika ngoka ya pewa.”Otashi pumbiwa okumanguluka komangambeko ngoka,” tayi popi ishewe.Okomitoye yokabinete ndjoka wo tayi ka tala nokuninga nawa omapopilo ngoka otayi ka totwa omanga omumvo nguka inagu ya pehulilo.”Omumvo 2006 ogwo omumvo gwetulomiilonga,” Omuprima Nahas Angula ta popi ngaaka oshiwike sha zi ko poSwakopmund.Mboka taya pewa uusama moshinima shika shokutula omahala omanene moondhalate shaali paveta oye li aanafaalama aayamba nenge aanambelewa yEpangelo.Okabinete oka li ka popi kutya omahala gokomikunda otaga kala omaliko gEpangelo notaga tonatelwa kaaleli yopamuthigululwakalo mboka taye shi ningi peha lyEpangelo.Omathimbo ga zi ko, Okabinete oka li ka ningi etokolo kutya kapu na omuntu ta ka pitikwa okutula mondhalate ehala li vulithe poohektera omulongo momahala guunafaalama wokomikunda.Metitano lya zi ko, yimwe yomoongundu ndhoka dha li tadhi ningi oonkundathana moshinima shika oya gandja epopilo kutya uuministeli wEvi nau tule miilonga etokolo ndyoka lyokabinete.Ongundu ndjika tayi popi ngeyi kutya aantu mboka ya tula omahala omanene momankolo momahala guunafaalama wokomikunda nomatompelo omawanawa, naya pewe ompito okuninga omaindilo opo ya pewe eziminino lyokukaleka omahala ngoka momankolo.Etokolo ndika lyOkabinete olya li lya ningwa nale omanga nokuli Omupresidende Hifikepunye Pohamba a li ominista yEvi, Omatulululo nOnzulonkalo.Oveta ndjoka tayi popiwa yi tulwe miilonga oyo ndjoka ya li ya ningwa komukolonyeki South Afrika pethimbo lyuukoloni.Oveta tayi popi kutya omahala gaayehe nosho wo omahala mpoka pu na omeya inaga tulwa momankolo, oya li ya ningwa nelalakano okukondolola aaluudhe yaatula omahala omanene momankolo momahala guulithilo gokomikunda.Mboka taya yono oveta otaya futithwa oopaunda dha Britain omulongo (shoka shi thike poondola/N$110) nenge a pewe omasiku 14 konima yekumba, nangele oowa tsikile nokupogola oto ka futithwa opaunda yimwe mesiku kehe to tsikile nokupogola.Okabinete oki ikwata kombinga yomawendo nosho wo okwaakondolola etulomoondhalate lyomahala, unene tuu miitopolwa ngaashi Omaheke, Otjozondjupa, Omusati, Ohangwena, Oshana, nOshikoto.Nando nee evi komahala gokomikunda olyaayehe kutya nee ogwoludhi luni nenge oku li ponkatu yini, aantu oyendji otaya tula moondhalate omahala omanene shoka sha eta uupyakadhi nompumbwe yomahala guulithilo mboka tau pumbiwa unene, ongundu ndjika tayi popi ngaaka.Ongundu ndjika tayi popi wo ngeyi kutya Okabinete nayi lombwele aaleli yopamuthigululwakalo yaagandje omavi kaantu shi vulithe mpoka ya pewa nenge tutye pomuthika ngoka ya pewa.”Otashi pumbiwa okumanguluka komangambeko ngoka,” tayi popi ishewe.Okomitoye yokabinete ndjoka wo tayi ka tala nokuninga nawa omapopilo ngoka otayi ka totwa omanga omumvo nguka inagu ya pehulilo.”Omumvo 2006 ogwo omumvo gwetulomiilonga,” Omuprima Nahas Angula ta popi ngaaka oshiwike sha zi ko poSwakopmund.Mboka taya pewa uusama moshinima shika shokutula omahala omanene moondhalate shaali paveta oye li aanafaalama aayamba nenge aanambelewa yEpangelo.Okabinete oka li ka popi kutya omahala gokomikunda otaga kala omaliko gEpangelo notaga tonatelwa kaaleli yopamuthigululwakalo mboka taye shi ningi peha lyEpangelo.