Epangelo lya totopo ehangano lyalyo lyoomina

EPANGELO olya totopo ehangano lyalyo lyokumina, lyedhina Epangelo Mining.

Ominista yOomina nIikwankondo omusamane Erkki Nghimtina okwa tula ehangano ndika miilonga etine oshiwike sha yi . Oshinima shika okwa li eshi tseyitha nale petameko lyomumvo nguka sho a tula omutengenekwa thaneko gwiimaliwa poshitaafula megumbo lyopashigwana.Ehangano ota li ka mona iimaliwa yokutamekitha yoodola omiliona yimwe netata oku za Kuuministeli wOomina niikwankondo, ehangano ndika ota li kala lyepangelo okuudha.Omukuluntuwiliki opo ta kongwa a vule oku nana ehangano ndika, nooshowo oombelewa opo ta dhi longekidhwa.Nghimtina okwa ti epangelo olya ningi etokolo okuya miilonga yokumina pakuwilika noshowo okufula iikwamina, lyeshitalela melunduluko ndyoka lili muuyuni wiikwamina ngashingeyi. Okwa ti Namibia okwa mono nkene omahangano gopapangelo giikwamina taga longo mehumitho komeho lyoshikondo shoomina miilongo yawo. Okwa gandja oshiholelwa shAlrosa na Endiama omahangano goomina gopapangelo moAngola no Russia. Okwa ti pamukalo nguka omahangano ngaka oha ga monene iilongo yago iiyemo. Okwa ulike kutya iilongo mbyoka iiyamba miikwamina olundji inayi mona uuwanawa washa miifulwa mevi oshoka mbika oya falwa yi ka kutheko iilongo yilwe.Okwa tsikile ta ti shoka hashi thigala po osho ashike onkalo ombwinayi ya nika uunkundi nomudhingoloko gwa nayipikwa kiilonga yoku fula iikwamevi.Okwa ti mokudhikapo Epangelo Mining, epangelo olya hala aantu ya Namibia ya lye iiyimati yiikwamevi yawo pa ku mona mo uuyamba tawu zi moka.Ehangano ota li ka konga woo iikwamina mpoka inaa pa kongwa natango.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.