Epangelo lya keelela iikundaneki pelanditho lyomayego goondjamba

E PANGELO olya keelela iikundaneki ayihe moshilongo kaayi kala po pelanditho lyomayego goondjamba ndyoka lya ningwa ohela moshilandopangelo mOvenduka.

Uuministeli wOmidhongoloko inau ninga nando etseyitho lyopambelewa melanditho ndika tali ningwa kohi yehangano lyIigwanahangano lyedhina UN Convention on International Trade in Endangered Species (Cites). Ehangano ndika lyIigwanahangano oyali lya tseyitha ngeyi iiwike yontumba ya zi ko kutya Namibia, Botswana na South Afrika otaya ka pewa ompito yokulanditha omayego goondjamba momasiku 28 nosho wo 30 gaKotoba, notashi ka ningwa ishewe momasiku 3 naga 6 gaNovemba nuumvo.Pahokololo lyoonzo dhomauyelele, Aakiina nosho wo AaJapani mboka ya hala okulanda omayego ngoka, oya li ya thiki mu Namibia nokutala moompungulilo dhomayego ngoka mOmaandaha.”Oshidhigu okulundulula omulandu gu na sha nelanditho lyomayego ngoka goondjamba,” Omupevi Minista mUuministeli wOmidhongoloko Leo Jooste ta lombwele ngaaka iikundaneki mOvenduka mOmaandaha – shika okwa li e shi tseyitha konima sho iikundaneki yomoshilongo nosho wo mbyoka yopaigwana ya kala nokupula yi kalepo pelanditho lyomayego ngoka.Ehangano lyedhina International Association for Animal Welfare (IFAW) olya li lya tseyithilwa kaanambelewa yUuministeli wOmidhongoloko nOmatalelopo kutya itaya ka pitikwa okukala po pelanditho lyomayego ngoka.”Uuministeli owetu tindile thiluthilu ompito yokukala po pelanditho,” Menindjela gwa IFAW muumbugantu wa Afrika, Christina Pretorius, ta lombwele ngaaka The Namibian mOmaandaha.Pethimbo lyomalanditho gomayego goondjamba ngoka ga li ga ningilwa mOvenduka konyala oomvula omugoyi dha zi ko, iikundaneki oya li ya pitikwa okukala po.Pethimbo lyoshigongi shoka sha li mu Geneva mu Juli nuumvo, Cites okwa li a pitike Namibia a landithe omayego ge ku Kiina na Japana.Pethimbo lyoshigongi osho tuu shoka, Kiina okwa li a indile ku Cites kutya okwa hala okupewa uuthemba okulanda omayego goondjamba gootona dhi li 100 kuza ku Namibia, Botswana na South Afrika.Pethimbo lyoshigongi sha Cites oshiti 14 shoka sha li mu Netherlands omumvo gwa zi ko, Namibia okwa li a pitikwa okulanditha omayego goondjamba gootona omugoyi, Botswana ootona 44, South Afrika ootona 54 omanga Zimbabwe ootona ne.Nando ongaaka, iilongo mbika ine oya li ya pulwa ku Cites yi kale ya kwashilipaleka kutya omadhipago goondjamba shaali paveta nenge tutye oprograma ndjoka hayi ithanwa Monitoring of Illegal Killing of Elephants (Mike) oya tulwa miilonga nakupwe omanga elanditho lyomayego goondjamba ina li ningwa.Konima yelanditho ndika, ilongo mbika ine yomuumbugantu wa Afrika itayi ka pitikwa we yi landithe omayego goondjamba uule woomvula omugoyi tadhi landula.Pokati ka Maalitsa na Apilili nuumvo, Amushanga gwa Cites okwa li a ende miilongo mbika ine nokuninga omakonakono a tale ngele ondumba yomayego ngoka taga landithwa oga shangithwa tuu shili nosho wo ngele oge li tuu paveta.Iilongo mbika ine, oya li ya landitha omayego ku Japan monakuziwa, ashike pethimbo oya pewa wo uuthemba wokulanditha ku Japan nosho wo ku Kiina shoka tash ke ya pa oondando dhi li hwepo.Kiina oku na okuulika kutya omayego ngoka ta landa otaga ka kala momaalaka gomeni na itaga ka pita mo okuya pondje.Yamwe mboka ye na sha negameno lyomidhingoloko niiyamakuti, otaya popi kutya elanditho lyomayego goondjamba otali ka tsa aantu omukumo ya dhipage iiyamakuti shaali paveta.Omayego goondjamba iinima mbyoka hayi landithwa unene pamaalaka gopaluudhe muumbudhi nohaga etele oonakulanditha oshimaliwa shoomiliyuna omumvo kehe konima sho omayego goondjamba ga li ga keelelwa okulandithwa ku Cites momumvop 1989.Ehangano ndika lyIigwanahangano oyali lya tseyitha ngeyi iiwike yontumba ya zi ko kutya Namibia, Botswana na South Afrika otaya ka pewa ompito yokulanditha omayego goondjamba momasiku 28 nosho wo 30 gaKotoba, notashi ka ningwa ishewe momasiku 3 naga 6 gaNovemba nuumvo.Pahokololo lyoonzo dhomauyelele, Aakiina nosho wo AaJapani mboka ya hala okulanda omayego ngoka, oya li ya thiki mu Namibia nokutala moompungulilo dhomayego ngoka mOmaandaha.”Oshidhigu okulundulula omulandu gu na sha nelanditho lyomayego ngoka goondjamba,” Omupevi Minista mUuministeli wOmidhongoloko Leo Jooste ta lombwele ngaaka iikundaneki mOvenduka mOmaandaha – shika okwa li e shi tseyitha konima sho iikundaneki yomoshilongo nosho wo mbyoka yopaigwana ya kala nokupula yi kalepo pelanditho lyomayego ngoka.Ehangano lyedhina International Association for Animal Welfare (IFAW) olya li lya tseyithilwa kaanambelewa yUuministeli wOmidhongoloko nOmatalelopo kutya itaya ka pitikwa okukala po pelanditho lyomayego ngoka.”Uuministeli owetu tindile thiluthilu ompito yokukala po pelanditho,” Menindjela gwa IFAW muumbugantu wa Afrika, Christina Pretorius, ta lombwele ngaaka The Namibian mOmaandaha.Pethimbo lyomalanditho gomayego goondjamba ngoka ga li ga ningilwa mOvenduka konyala oomvula omugoyi dha zi ko, iikundaneki oya li ya pitikwa okukala po.Pethimbo lyoshigongi shoka sha li mu Geneva mu Juli nuumvo, Cites okwa li a pitike Namibia a landithe omayego ge ku Kiina na Japana.Pethimbo lyoshigongi osho tuu shoka, Kiina okwa li a indile ku Cites kutya okwa hala okupewa uuthemba okulanda omayego goondjamba gootona dhi li 100 kuza ku Namibia, Botswana na South Afrika.Pethimbo lyoshigongi sha Cites oshiti 14 shoka sha li mu Netherlands omumvo gwa zi ko, Namibia okwa li a pitikwa okulanditha omayego goondjamba gootona omugoyi, Botswana ootona 44, South Afrika ootona 54 omanga Zimbabwe ootona ne.Nando ongaaka, iilongo mbika ine oya li ya pulwa ku Cites yi kale ya kwashilipaleka kutya omadhipago goondjamba shaali paveta nenge tutye oprograma ndjoka hayi ithanwa Monitoring of Illegal Killing of Elephants (Mike) oya tulwa miilonga nakupwe omanga elanditho lyomayego goondjamba ina li ningwa.Konima yelanditho ndika, ilongo mbika ine yomuumbugantu wa Afrika itayi ka pitikwa we yi landithe omayego goondjamba uule woomvula omugoyi tadhi landula.Pokati ka Maalitsa na Apilili nuumvo, Amushanga gwa Cites okwa li a ende miilongo mbika ine nokuninga omakonakono a tale ngele ondumba yomayego ngoka taga landithwa oga shangithwa tuu shili nosho wo ngele oge li tuu paveta.Iilongo mbika ine, oya li ya landitha omayego ku Japan monakuziwa, ashike pethimbo oya pewa wo uuthemba wokulanditha ku Japan nosho wo ku Kiina shoka tash ke ya pa oondando dhi li hwepo.Kiina oku na okuulika kutya omayego ngoka ta landa otaga ka kala momaalaka gomeni na itaga ka pita mo okuya pondje.Yamwe mboka ye na sha negameno lyomidhingoloko niiyamakuti, otaya popi kutya elanditho lyomayego goondjamba otali ka tsa aantu omukumo ya dhipage iiyamakuti shaali paveta.Omayego goondjamba iinima mbyoka hayi landithwa unene pamaalaka gopaluudhe muumbudhi nohaga etele oonakulanditha oshimaliwa shoomiliyuna omumvo kehe konima sho omayego goondjamba ga li ga keelelwa okulandithwa ku Cites momumvop 1989.