Epangelo lya ekelahi oshipotha sha Morgan Tsvangirai

HARARE – Onkundana okuzilila ku Harare sha Zimbabwe otayi ti kutya Epangelo olya ekelehi oshipotha shonkambadhala yokudhipaga Omupresidende Robert Mugabe shoka lya li lya ningile Morgan Tsvangirai.

Nande ongaaka, Omunavetakalelipo gwEpangelo Florence Ziyambi ina gandja omatompelo kutya omolwashike Epangelo lya ekelehi oshipotha shika, mokwa mwa li wo mwa kwatelwa omapopyo kutya mu June 2003, Tsvangirai okwa li a hala okuumba ko Epangelo lya Mugabe okupitila momahololomadhiladhilo. Mu Oktoba gwomumvu gwa zi ko, Ompangu yOpombanda kaya li ya mono ondo Tsvangirai momapopyo kutya okwa li a hala okudhipaga Mugabe.Okuza mpoka, Epangelo olya li lya tseyitha kutha otali ka kondjitha etokolo lyOmpangu ndika, ihe konima ekelehi eindilo ndika.Andola Tsvangirai okwa li a monika ondjo moshipotha shekengelelo, andola okwa pewa egeelo lyondholongo yaaluhe.Tsvangirai oku li omuwiliki gwongundu onene yompilamena mu Zimbabwe ya Movement for Democratic Change (MDC).Kepulo kutya omolwashike mbela sha eta Epangelo petokolo lyokweekelahi oshinima shika, Omunaveta gwa Tsvangirai, Eric Matinenga, okwa ti, “molwashoka ke na nande shoka a ninga.”Okwa ti Epangelo otali vulu natango okugalulila Tsvangirai oshipotha shika ngele olya hala, “ihe kanbdi wete omuntu e na oondunge ta ka ninga ngaaka.”Tsvangirai ye mwene okwa tindi okutya sha koshinima shika, ihe aanmbelewa ya MDC oya popi kutya ota ka popitha aanankundana mu shika mEtiyali lyoshiwike tu uka.Ya totwa po momumvo 1999, ongundu ya MDC oye na aayambidhidhi oyendji moondoolopa, moka omo mu na aantu taya nana nondatu kombinga yuuhupilo, shoka taku popiwa kutya osha etwa kEpangelo lya Mugabe sho itali lele nawa oshilongo.Ihe Mugabe, ngoka koshipundi shUupresidende a yi ko momumvo 1980 sho Zimbabwe a zi ko kondjoko yuukoloni wAaingilisa, okwa ekelehi kokule omapopyo ga MDC, ta ti, Tsvangirai oku li opaapeta yAaingilisa, mboka ta popi kutya oya kwatela komeho oshikonga shooproganda dhi li ompinge nEpangelo lye.- Nampa-ReutersMu Oktoba gwomumvu gwa zi ko, Ompangu yOpombanda kaya li ya mono ondo Tsvangirai momapopyo kutya okwa li a hala okudhipaga Mugabe.Okuza mpoka, Epangelo olya li lya tseyitha kutha otali ka kondjitha etokolo lyOmpangu ndika, ihe konima ekelehi eindilo ndika.Andola Tsvangirai okwa li a monika ondjo moshipotha shekengelelo, andola okwa pewa egeelo lyondholongo yaaluhe.Tsvangirai oku li omuwiliki gwongundu onene yompilamena mu Zimbabwe ya Movement for Democratic Change (MDC).Kepulo kutya omolwashike mbela sha eta Epangelo petokolo lyokweekelahi oshinima shika, Omunaveta gwa Tsvangirai, Eric Matinenga, okwa ti, “molwashoka ke na nande shoka a ninga.”Okwa ti Epangelo otali vulu natango okugalulila Tsvangirai oshipotha shika ngele olya hala, “ihe kanbdi wete omuntu e na oondunge ta ka ninga ngaaka.”Tsvangirai ye mwene okwa tindi okutya sha koshinima shika, ihe aanmbelewa ya MDC oya popi kutya ota ka popitha aanankundana mu shika mEtiyali lyoshiwike tu uka.Ya totwa po momumvo 1999, ongundu ya MDC oye na aayambidhidhi oyendji moondoolopa, moka omo mu na aantu taya nana nondatu kombinga yuuhupilo, shoka taku popiwa kutya osha etwa kEpangelo lya Mugabe sho itali lele nawa oshilongo.Ihe Mugabe, ngoka koshipundi shUupresidende a yi ko momumvo 1980 sho Zimbabwe a zi ko kondjoko yuukoloni wAaingilisa, okwa ekelehi kokule omapopyo ga MDC, ta ti, Tsvangirai oku li opaapeta yAaingilisa, mboka ta popi kutya oya kwatela komeho oshikonga shooproganda dhi li ompinge nEpangelo lye.- Nampa-Reuters