Endjala ta yambidhidha elongo lyuungomba

NGOLONEYA gwoshitopolwa Omusati, omusmane Erginus Endjala, okwi indile AaNamibia ya kuthe ombinga meyambulopo lyeliko okupitila melongo lyuungomba.

Endjala eindilo ndika okwe li ningi pethimbo lyoshituthi shendiki lyomadheulo gopaungomba, Nakayale Vocational Training Centre, moshitopolwa shaMusati popepi nOutapi oshiwike sha zi ko.

Ngoloneya Endjala okwa ti itaku vulu okutegelelwa ehumokomeho ngele kapu na uunongo wa likolwa okupitila momadheulo gopaungomba.

Okwa gwedha po kutya iilongo oya tungwa kaaniilonga yokomake – aanuungomba.

Endjala okwa tsikile ko ta ti elongo lyuungomba olyo tali longekidhile aanyasha oompito dhiilonga, ta yambidhidha ondungethaneko yoHarambee ndjoka ya hala okwiindjipaleka omwaalu gwaadheulwa okuza paantu 15 000 mo2015 okuya paantu 25 000 mo2020. Okwi indile ku lengwe ko uungomba opo ku yambulwe po eliko lyoshilongo. Okwa ti shika oshi na okuningwa pamuhanga ngele oshigwana osha hala oku shi pondola.

Mosenda yaNakayale omu na aadheuli 14 naadheulwa 223, taa dheulilwa iimpungulonga ya yooloka, mewiliko lyomukuluntuwiliki gwendiki Erick Nenghwanya nomunashipundi gwewilikongundu lyoshiputudhilo shika Gervasius Kashindi.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.