Endiki lyetegameno

OMUPRIMA Minista Nahas Angula pamwe naamushangandjayi gwa FIFA oya egulula endiki lyetegameno lyetanga lyokoompadhi moKatutura ehuliloshiwike lya piti.Angula okwa indile aaleli yuudhano wetanga ya longithe nawa endiki ndyoka omolwa uuwanawa woshigwana.Angula okwa pe ewiliko lya Olympic yashewa ya Namibia omayele kutya nayi soshimpwiyu opo endiki ndika li longithwe ngaashi lya tungilwa.

Olutu lwOlympic ya shewa olwo talu wilike endiki ndika.Endiki ndika lya tungwa moKatutura olili, limwe lyomomandiki omilongo 20 ngoka ga tungithwa kehangano lyomahangano guudhano wetanga lyokoompadhi lyopaigwana [FIFA] ongo oshitopolwa shehumithokomeho omolwa uudhano wetanga lyokoompadhi muuyuni mboka wa liko mo South Africa oomwedhi ndatu dha piti.Omandiki gatya ngaaka ogena elalakano oku humitha komeho elongo lyuundjolowele noshowo lyetanga mokati kaakwashigwana yaali nawa moAfrica.Angula okwa ti aawiliki yendiki ndika oye na okusoshimpwiyu kutya opena iinyangadhalwa ta yi ningwa pehala mpoka esiku kehe molwa uuwanawa waagundjuka unene tuu mboka yomo Katutura, oshoka ndika olyo etompelo kutya endiki ndika lya tungwa moKatutura.Okwa ti okwa hala okumona aagundjuka oyendji taya dheulwa oku pitila mendiki ndika opo li etepo aaleli yokomongula.Okwa indile olutu lwoOlympic yashewa lusiloshimpwiyu kutya endiki ndika olili nawa. Endiki ndika olyo etitatu lyoludhi nduka lya egululwa menenevi konima yaandyoka lya egululilwe mo Khayelitsha moCapa mo South Africa, naandyoka lya Mathare mo Nairobi sha Kenya.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.