Enata Uulumbu a fumvikwa pOniimwandi

O MUKALIMO gwomomukunda Uukwedhidhi popepi nUukwangula mUukwambi mOshitopolwa sha Shana Enata Onemwegatya Nekulu ya Victor Uulumbu gwoomvula 38 ngoka a si eso li nyanyaleka noli limbilika sho a pile mondunda yawo yokulala okupendukila Osoondaha ye ti 10 Juni 2007, okwa fumvikwa kengathithi lyaalilasa pOniimwandi okuzilila mOngeleka ya Katoolika ka Roman yUuladhi pOniimwandi meti 14 June 2007.

Opolisi ya Shakati oya kwata po omusamane gwe Matheus Wilibald Ambunda gwoomvula dhi li lwopo 40 lwaampoka, shi na sha neso lya Enata. Ye mu kwata ongulohi yOsoondaha ndjika ya zi ko.Ye mu adha aniwa a lala megumbo limwe mUupindi mOshakati.Omukonakoni Omukuluntu gwIipotha iinene mOpolisi mOshakati Chief Inspekta Golden Naanda, okwa lombwela The Namibian kutya Ambunda ngoka a holoka mOmpangu ya Mengestrata Omaandaha ga zi ko, okwiihokolola kOpolisi kutya oye a fikila omulukadhi gwe mondunda yawo yokulala.Aniwa oya li taya nyenyeta shi na sha aniwa na Enata te mu popi kutya oha li po iikombo yaantu, e te mu dhenge nokusa po.Ambunda ta ti aniwa kutya sho ya tameke okunyenyeta, okwa kutha ondhimbo nokudhenga Enata sigo ta si.Sho a mona aniwa kutya okwa sa, okwa kutha omahooli e te ga tile kolutu lwe nosho wo mondunda yawo yokulala yiipeleki, moka mwa li omudhimba gwa nakusa Enata noku yi tomeka omulilo noya pi po thilu kumwe na Enata.Ta tameke wo ta fike po oondunda adhihe ndhomegumbo lyawo moka dhi li hamano lwaampoka nokufadhuka po ta ka holama momawendo ge li muumbangalantu wegumbo lyawo.Aashiinda sho ya mono omulilo gwayeka, oya matukile ko.Ashike pegumbo aniwa inaya adha po omuntu noya tameke taye gu dhimi.Ashike ogwe ya nyenge.Oya ithana Opolisi nakadhimamulilo gwa Shakati, mboka ye ya meendelelo.Opolisi, Elelo lya Shakati kumwe naashiinda oya tameke taya dhimi omulilo ngoka gwa adhika gwa fika po nale oshitopolwa oshinene shegumbo lyawo.Mokudhima omulilo oyiitsu momuntu a pila mo, noyendji oya tengeneke kutya omukulukadhi gwa Ambunda ashike.Ano meme Enata.Ambunda ota hokololele Opolisi kutya sho Opolisi, kumwe naashiinda taya dhimi omulilo ngoka , ye okwiiholeka ashike momawendo ngoka gopomukunda gwawo mpoka, a tala ko.Iinima ayihe yomegumbo lyawo moka, mwa kwatelwa niilya, oya pila mo momulilo ngoka.Oondunda adhihe dha li moka odha pya po thiluthilu kumwe niinima mbyoka ya li mo.Opolisi mokukonaakona nokupewa omauyelele kaashiinda nokaakwanezimo mboka ya li mpoka, oya tameke nee tayi kongo Ambunda nguka uusiku mboka noshowo ongula nomutenya gwOsoondaha ayihe ndjoka ya zi ko.kOngulohi lela yOsoondaha, Opolisi oya mono uuyelele kutya Ambunda oku li peni, nashi ya yi mpoka ya lombwela, oye mu adha a lala megumbo limwe mUupindi mOshakati, noye mu kwata.Komapulo, Ambunda ta hokololele nee Opolisi nkene sha enda, ano nkene e shi ninga.Chief Inspecta Naanda ota ti kutya Ambunda okwa ningilwa iipotha yi li iyali.Ano, a ningilwa oshipotha shefiko lyegumbo noshedhipago.Okwa holokele mOmpangu ya Mangestrata Omaandaha ga zi ko mOshakati noshipotha she oshuundulilwa komeho omolu omakonaakono.Ina pewa uuthemba wokwiifutila mo mondholongo.Aaendithi yefumviko lye mOngeleka ya Uuladhi moka oya li meme Elotis Benjamin, Ania Ferdinand, kuku Getrud Gabriel (Gwangapi) nayakwawo yalwe.mEuvitho lye kuku Getrud Gabriel, okwa indile koshigwana sha Kalunga, sha Namibia, shi ethe po uukolokoshi nomautondwe ngoka taga fala mokwiidhipagathana, ngashi sha ningilwa nakusa Enata kOmulumentu gwe.Ta ti nakusa Enata okwa sila oshili ye.A li ina hala okulya iikulya inayi enda nokuya po pauyuki, megumbo lyawo moka.Na osho she mu dhipagitha.Kuku Getrud ta ti wo kutya Enata nguka, ya hokanene nomuholike gwe Matheus Ambunda momumvo 1990, pondjokana mpoka okwa zile po uule wethimbo lyontumba omolu omahepeko, ashike okwa ka tokola a shune natango kondjokana ye ndjika.” Nani ota shuna komalwa nokuningilwa nee shoka she mu ningilwa.Ano a dhipagwa ngaa nee kwaangoka a kala te mu hepeke shito nokwa li e mu ningitha etokolo a thige po ondjokana ye ndjoka,” Kuku Getrud ta ti ngawo.”Enata okwa ninga nawa sho a shuna kondjokana, oko a ka sile, molwashoka sho ya hokanene okwa ganene kutya ota kala nomulumentu gwe sigo okusa, kutya nee opu kale iihuna yi thike peni,” Kuku Getrud ta ti ngawo nokugwedha po kutya “Aanelago oomboka taa hepekwa sho taya longo uuwanawa nokupopya uuyuki noshili , oshoka oshilongo shegulu oshawo,”.”Nakusa Enata, ngele tamu pulakene, okwa li ta popi oshili.Ina hala okulya iinima ya yakwa, na osho she mu dhipagitha.Osho ano ye omunelago, oshoka okwa sila oshili ye nuuyuki,” Kuku Getrud ta ti nokutsikila ko ta ti kutya nakusa Enata okwa kala Omukriste omudhiginini.Nakusa Enata okwa thiga ko nee omusamane gwe Matheus Ambunda noshowo oyana yaali Martha Ambunda 17 na Tobias Ambunda 16 na meme gwe Kuku Beatha Kandjeke.Ye mu kwata ongulohi yOsoondaha ndjika ya zi ko.Ye mu adha aniwa a lala megumbo limwe mUupindi mOshakati.Omukonakoni Omukuluntu gwIipotha iinene mOpolisi mOshakati Chief Inspekta Golden Naanda, okwa lombwela The Namibian kutya Ambunda ngoka a holoka mOmpangu ya Mengestrata Omaandaha ga zi ko, okwiihokolola kOpolisi kutya oye a fikila omulukadhi gwe mondunda yawo yokulala.Aniwa oya li taya nyenyeta shi na sha aniwa na Enata te mu popi kutya oha li po iikombo yaantu, e te mu dhenge nokusa po.Ambunda ta ti aniwa kutya sho ya tameke okunyenyeta, okwa kutha ondhimbo nokudhenga Enata sigo ta si.Sho a mona aniwa kutya okwa sa, okwa kutha omahooli e te ga tile kolutu lwe nosho wo mondunda yawo yokulala yiipeleki, moka mwa li omudhimba gwa nakusa Enata noku yi tomeka omulilo noya pi po thilu kumwe na Enata.Ta tameke wo ta fike po oondunda adhihe ndhomegumbo lyawo moka dhi li hamano lwaampoka nokufadhuka po ta ka holama momawendo ge li muumbangalantu wegumbo lyawo.Aashiinda sho ya mono omulilo gwayeka, oya matukile ko.Ashike pegumbo aniwa inaya adha po omuntu noya tameke taye gu dhimi.Ashike ogwe ya nyenge.Oya ithana Opolisi nakadhimamulilo gwa Shakati, mboka ye ya meendelelo.Opolisi, Elelo lya Shakati kumwe naashiinda oya tameke taya dhimi omulilo ngoka gwa adhika gwa fika po nale oshitopolwa oshinene shegumbo lyawo.Mokudhima omulilo oyiitsu momuntu a pila mo, noyendji oya tengeneke kutya omukulukadhi gwa Ambunda ashike.Ano meme Enata.Ambunda ota hokololele Opolisi kutya sho Opolisi, kumwe naashiinda taya dhimi omulilo ngoka , ye okwiiholeka ashike momawendo ngoka gopomukunda gwawo mpoka, a tala ko.Iinima ayihe yomegumbo lyawo moka, mwa kwatelwa niilya, oya pila mo momulilo ngoka.Oondunda adhihe dha li moka odha pya po thiluthilu kumwe niinima mbyoka ya li mo.Opolisi mokukonaakona nokupewa omauyelele kaashiinda nokaakwanezimo mboka ya li mpoka, oya tameke nee tayi kongo Ambunda nguka uusiku mboka noshowo ongula nomutenya gwOsoondaha ayihe ndjoka ya zi ko.kOngulohi lela yOsoondaha, Opolisi oya mono uuyelele kutya Ambunda oku li peni, nashi ya yi mpoka ya lombwela, oye mu adha a lala megumbo limwe mUupindi mOshakati, noye mu kwata.Komapulo, Ambunda ta hokololele nee Opolisi nkene sha enda, ano nkene e shi ninga.Chief Inspecta Naanda ota ti kutya Ambunda okwa ningilwa iipotha yi li iyali.Ano, a ningilwa oshipotha shefiko lyegumbo noshedhipago.Okwa holokele mOmpangu ya Mangestrata Omaandaha ga zi ko mOshakati noshipotha she oshuundulilwa komeho omolu omakonaakono.Ina pewa uuthemba wokwiifutila mo mondholongo.Aaendithi yefumviko lye mOngeleka ya Uuladhi moka oya li meme Elotis Benjamin, Ania Ferdinand, kuku Getrud Gabriel (Gwangapi) nayakwawo yalwe.mEuvitho lye kuku Getrud Gabriel, okwa indile koshigwana sha Kalunga, sha Namibia, shi ethe po uukolokoshi nomautondwe ngoka taga fala mokwiidhipagathana, ngashi sha ningilwa nakusa Enata kOmulumentu gwe.Ta ti nakusa Enata okwa sila oshili ye.A li ina hala okulya iikulya inayi enda nokuya po pauyuki, megumbo lyawo moka.Na osho she mu dhipagitha.Kuku Getrud ta ti wo kutya Enata nguka, ya hokanene nomuholike gwe Matheus Ambunda momumvo 1990, pondjokana mpoka okwa zile po uule wethimbo lyontumba omolu omahepeko, ashike okwa ka tokola a shune natango kondjokana ye ndjika.” Nani ota shuna komalwa nokuningilwa nee shoka she mu ningilwa.Ano a dhipagwa ngaa nee kwaangoka a kala te mu hepeke shito
nokwa li e mu ningitha etokolo a thige po ondjokana ye ndjoka,” Kuku Getrud ta ti ngawo.”Enata okwa ninga nawa sho a shuna kondjokana, oko a ka sile, molwashoka sho ya hokanene okwa ganene kutya ota kala nomulumentu gwe sigo okusa, kutya nee opu kale iihuna yi thike peni,” Kuku Getrud ta ti ngawo nokugwedha po kutya “Aanelago oomboka taa hepekwa sho taya longo uuwanawa nokupopya uuyuki noshili , oshoka oshilongo shegulu oshawo,”.”Nakusa Enata, ngele tamu pulakene, okwa li ta popi oshili.Ina hala okulya iinima ya yakwa, na osho she mu dhipagitha.Osho ano ye omunelago, oshoka okwa sila oshili ye nuuyuki,” Kuku Getrud ta ti nokutsikila ko ta ti kutya nakusa Enata okwa kala Omukriste omudhiginini.Nakusa Enata okwa thiga ko nee omusamane gwe Matheus Ambunda noshowo oyana yaali Martha Ambunda 17 na Tobias Ambunda 16 na meme gwe Kuku Beatha Kandjeke.