ELONGITHO nayi lyoFacebook kuyamwe po yomaawiliki yewawa lyaanyasha moSwapo okwa kundanekwa li li ngashingeyi eshongo kongundu yoSwapo.
Ndhoka odha popiwa kuhamushangandjayi gwoSwapo, Nangolo Mbumba moonkundathana a li a ningi noNampa nokwa ti shoka oshi li lela ngashingeyi omukundu naantu yamwe po ohaya longitha oFacebook oku ula nayi nokutuka yakwawo.
Mbumba okwa ti ongundu yoSwapo oyi shi po yamwe po mboka haya longitha nee oFacebook ndjoka nokwa ti ke wete naanaa shi li omukundu ngele ookuume otaya kwatathana nokuninga omategu (omashendjo) koFacebook hoka.
Mbumba okwa ti otashi kala ashike uupyakadhi ngele taku longithwa oFacebook okugandja omauyelele inaaga kolekwa, ano omauvauvila nomifofodholo.
Oshifo shika shoThe Namibian osha lopotele mOmaandaha goshiwike tuu shika tu li kutya ewiliko lyewawa lyaanyasha moSwapo okwa li kwa ningwa eindilo natango li kuthwe miilonga pakathimbo neindilo ndyoka olya ningilwe moshigongi shoka sha li ko ehuliloshiwike twa zi sholutuwiliki lwongundu tayi pangele yoSwapo.
Mbumba okwa ti omukundu gu li po ogwo ngoka gwiilyo yewawa lyaanyasha moSwapo hayi tula ko sha koFacebook ya popya mo aaleli yoSwapo.
“Iilyo mbyoka ohayi longitha shoka oku ulathana omadhina nenge okugandja uusama kwaambyoka yi li po nale mondjokonona yoshilongo nokonima wo hoka ya za”, Mbumba a ti ngawo nokugwedha po kutya inashi simana naanaa okutula koFacebook shi na sha nokomikunda hoka twa zeni, momazimo moka twa zeni nomalaka ngoka hatu vulu okupopya.
Amushangandjayi gwoSwapo, Nangolo Mbumba okwi indile kiilyo ayihe yoSwapoopo yaa longithe we nayi oFacebook ndjoka.
Okwe shi yelitha wo nawa kutya inashi simana okukala tatwi itangele naampoka twa za nosha simana osho owala shoka kutya atuheni aaNamibia ashike, na omo twa valelwa moNamibia muka.
Okwa ti otashi kala oshiwanawa ngele oFacebook otayi longithwa ashike mokwi ipa omayele nkene oshilongo shi na oku ya komeho pamahupilo nankene shoka shi li po shi na okutopolelwa nawa kehe gumwe.
Sho kwali kwa kwatathanwa naye, amushangandjayi gwewawa lyaanyasha moSwapo, Elijah Ngurare okwa ti shoka shi li koFacebook sho-SPYL haku kundathanwa mbyoka yaanyasha inashi totwa po kewawa ndyoka lyaanyasha moSwapo.
Ngurare okwa ti mboka haya longitha nayi oFacebook ndjoka naya katukilwe onkatu.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
