Elenga lya Amuteya lya hulitha

O NKUNDANA ye tu zilila momukunda Amuteya mOndonga otayi ti kutya Elenga enene lya Amuteya tatekulu Wilibald Mwandingi, a tseyika wo nawa nedhina Toteya, okwa manene oondjenda dhe mOshipangelo sha Nandjokwe mOsoondaha ya zi ko konima yuuwehame nomepipi lyomimvo.

Omupopiliko gwElelo lya Nndonga Elenga enene tatekulu Boas Mweendeleli mokukoleka eso lya tatekulu Toteya, okwa ti kutya nakusa okwa hakukililwe komukithi gwelondo lyombinzi momumvo 2003, esiku limwe manga ye li mOmutumba gwElelo lyoshilongo pOluno. Okuza mpoka, omukithi ngoka ogwa kala tagu mu eta mo sigo tagu mu faalele nokuli.Nakusa Toteya okwa thiga ko omukulukadhi gwe memeJosephina Fillipus-Mwandingi, aanona, aatekulu nuutekulu.Ota fumvikwa mOlyomakay geti 18 Novemba 2006 pu Amuteya okuzilila pegumbo lye.Oshituthidhimbulutho she otashi ningilwa nasho pegumbo lye ngula mEtitano komatango.Tatekulu Mweendeleli ota ti nakusa Toteya okwa pangela Oshikandjo she shoka okuza mu Novemba 1975.Onkee tatekulu Mweendeleli ota ti kutya Elelo lyOndonga, pamwe nOmukwaniilwa tatekulu Immanuel Kauluma Elifas, oya dhengwa pevi keso lyElenga lyawo ndika notaya gandja omahekeleko omanene koonakuthigwapo, ngashi Omushelekadhi, meme Josephina, aanona, aatekulu, ezimo alihe nosho wo kaalelwa yElenga ndika.Okuza mpoka, omukithi ngoka ogwa kala tagu mu eta mo sigo tagu mu faalele nokuli.Nakusa Toteya okwa thiga ko omukulukadhi gwe memeJosephina Fillipus-Mwandingi, aanona, aatekulu nuutekulu.Ota fumvikwa mOlyomakay geti 18 Novemba 2006 pu Amuteya okuzilila pegumbo lye.Oshituthidhimbulutho she otashi ningilwa nasho pegumbo lye ngula mEtitano komatango.Tatekulu Mweendeleli ota ti nakusa Toteya okwa pangela Oshikandjo she shoka okuza mu Novemba 1975.Onkee tatekulu Mweendeleli ota ti kutya Elelo lyOndonga, pamwe nOmukwaniilwa tatekulu Immanuel Kauluma Elifas, oya dhengwa pevi keso lyElenga lyawo ndika notaya gandja omahekeleko omanene koonakuthigwapo, ngashi Omushelekadhi, meme Josephina, aanona, aatekulu, ezimo alihe nosho wo kaalelwa yElenga ndika.