Elanditho lyokawe pondje ya Namibia lya shuna pevi

Elanditho lyokawe pondje yaNamibia olya gu pevi noopelesenda omi-30 omvula ya ziko.

Shika oshaningwa shaashi aalandi aanene yokawe oondjato dhawo ka dhi li nawa, omolwa omahupilo muuyuni gashuna pevi. Nonando Namdeb okwa fulu uuwe wookarata oomiliona mbali oshikwanu yimwe omvula yaziko ehangano olya landithapo ashike uuwe wookarata dhi vule konyala omiliona yimwe netata, shi li pevi okuyeleka nuuwe wookarata oomiliona mbali noshikwanu ndatu lwaampoka shoka Namdeb a longo mo 2007.Okuyeleka noma 2006 elanditho lyokawe omvula ya ziko olya shuna pevi noopelesenda omilongo ndatu nandatu pahokolo lyomahupilo lyopokati komvula lyo Standard Bank Group Economics. Endjandjukununo ndika olya faathana naandyoka lyashangwa kuNamdeb mwene. Ehangano enene lyokawe oMaandaha goshiwike shika olya tile kutya olya li lya kaleke elanditho lyuuwe muNovomba kaalandi aahogololwa, na ishewe elanditho lyalyo lyuuwe kaalandi mbaka mu December 2008 olya li eshona okuyeleka noshito. Shika osha e ta nee kutya ehangano likale nokawe okendji ina ka landwa moompungulilo dhalyo. Opo li soshimpwiyu kutya eyadhimo lyalyo otali tsikile muuyuni konima ngele omahupilo gahuhulukwa, Namdeb okwa li a shonopeke iilonga yokufula okawe,ta kala inaa futa oodividende dhoodola dha Namibia oomiliona 51 kooyene yehangano, noshowo okupula epangelo li mu silohenda kaafute oshimaliwa shono ha futu kehe omvula molwaashoka e na uuthemba wokufukula okawe mo Namibia.Eshunomonima lyelongo lyokawe kuNamdeb omushangwa ota gu ti otali ka kala li na oshilanduli oshidhigu komahupilo goshilongo omumvo nguka. Iiyemo okuza melanditho lyokawe moomwedhi ndatu dhonuumvo oya li ashike oodola dhaNamibia oomiliona 430 ya gwa pevi noopelesenda omi 65 okuyeleka noodola dhaNamibia obiliona yimwe oshikwanu mbali dha li dha landithwa oomwedhi ndatu petameko lyoma2008 ngaashi sha nyolwa ko Mbaanga ya Namibia(Bank of Namibia).Ngele osha talelwa komvula nomvula elanditho lyokawe pondje olya gwa nayi noopelesenda omi 76 okuza poodola dhaNamibia obiliona yimwe oshikwanu hetatu moshitine shotango shomumvo 2008.’Ekoko lyomahupilo ga Namibia olya egamena kelanditho lyiikwamina unene tuu uuwe no uraana’, omutseyimahupilo Jan Duvenhage gwa Standard Bank Group ta ti momushangwa gwe gwomokati komvula. Momumvo 2006 uuwe owa li oopelesenda omi 70 dhiikwamina ya landithwa pondje pangushu yoodola dha Amerika, wa landulwa kouraana yi li poopelesenda omulongo nantano,ta ku ya ozinc yi li poopelesenda heyali,oshingoli nongopolo oyeeta mo kehe shimwe oopelesenda ndatu polwa sho.Duvenhage ota ti okushitalela ke gwo noopelesenda ntano lyokulanditha iilongomwa yaNamibia pondje ndyoka lya tegelelwa, ekoko lyomahupilo goshilongo ota li ka gwa sigo oshikwanu heyali kohi yonola(minus 0,7) mo 2009. Ombaanga ya Namibia nayo uupyakadhi wokawe itaaka landwa owe eta opo yi talulule etengeneko lyayo shina nekoko lyomahupilo agehe goshilongo yi ye poopelesenda oshikwanu hamano kohi yonola(minus 0,6). Shika oshowo sha dhana onkandangala mokutengeneka kwomutseyimahupilo gwaOld Mutual Namibia Group, omusamane Robin Sherbourne sho a ti e gwo pevi lyomahupilo otali yi sigo opoopelesenda mbali oshinkwanu mbali kohi yonola(minus 2,2 %).Ehangano lyopokati lyomayalulo(Central Bureau of Statistics)CBS nalyo olya gandja ethano itaa li eta omukumo kombinga yelongo lyokawe sigo oompaka nuumvo.Okuyeleka noomwedhi dhafaathana omvula yaziko elongo lyokawe olya gu pevi noopelesenda adhihe dhili kohi yonola ngaashi tashi landula muApilili 2009 oopelesenda 39,7 muMai onoopelesenda 54,4. Efano ndika olyo ashike etsikilo lyegwo pevi lyokulonga okawe ndyoka lya tamekele moshitinemumvo shotango nuumvo sho okulonga okawe kwa gu noopelesenda tadhi landula kohi yonola oopelesenda ethele,omilongo heyali nandatu oshikwanu ntano nosho oopelesenda omilongo ntano nahetatu oshikwanu ne, mu January, February nosho tuu mu Maalitsa okuyeleka nefulo lyokawe omumvo 2008 pethimbo lyafaathana.