Ekuma lyOkapale ka Shakati lya teka po ombinga yimwe

E KUMA lyOkapale okanene kOmaudhano ka Shakati, ongula yohela olya piti lya teka po, lya tewa po kombepo onene yoshikungulu ndjoka yi iteyele mOshakati moka ongulohi yOmaandaha ngaka ga zi ko noya landulilwe komvula yopokati.

Kakele kekuma, nomakende gokOpaviliuna onene, unene tuu ekende enene lyomOshitopolwa shAanenentu (VIP) nalyo olya tatulwa po nayi koshikungulu shoka. Omunambelewa Omukuluntu gwOmaudhano mOshitopolwa shomoNooli, meme Sunday Haitembu, ngoka a uvithwa nayi kegwepo lyekumo noketatuko lyekende nenge lyomakende pokapale mpoka, ta lombwele The Namibian kutya egwepo lyekuma olya eta uupyakadhi uunene kethigathanopo lyetanga lyokoompadhi ndjoka lya tegelelwa li ka kaleko mehuliloshiwike lyetii 3 sigo 4 Novemba 2006, ngashi naanaa lya longekidhwa ko Castle Bar King Kauluma Football Club nolya kwashilipalekwa nOoN$10,000 ku tate Martin Iipinge gwoCastle Bar pOluno mOndangwa.Nande ongaaka, meme Haitembu ota ti oku na ngaa einekelo kutya pamwe Oshikondo shIilonga, shoka osho shi na oshinakugwanithwa shokukaleka po Okapale haka ke li nawa, tashi ka longa meendelelo nokuwapaleka mpoka pwa mbonyonwa kombepo omanga esiku lyokutameka ethigathanopo ndika inali thika.Ashike nee, meme Haitembu ota ti kutya oku na uumbanda uunene wombepo nomvula, ndjoka e wete tayi zi ko natango.Kokutya ngele okwa zi natango ombepo onene ya fa ndjoka yongulohi yOmaandaha nenge yi vule po, nena omuntu owa tegelela ekuma lyokapale hoka, ndjoka lya tungwa miipapula yOosamende, li ka gwepo ombinga onene nenge ngaa a lihe, oshoka nani inali tungwa lya kola notali vulu okugwa po ashike nuupu uuna ku na ombepo nomvula onene.”Ondiinekela Oshikondo shIilonga otashi ka ninga po sha shomupondo manga kuyele opo uudhano mboka wa thanekwa wu vule okuya komeho, molwashoka aalongekidhi yuudhano mbuka oya longekidha nale iinima yawo ya mana,” meme Haitembu ta ti ngawo.Omunambelewa Omukuluntu gwOmaudhano mOshitopolwa shomoNooli, meme Sunday Haitembu, ngoka a uvithwa nayi kegwepo lyekumo noketatuko lyekende nenge lyomakende pokapale mpoka, ta lombwele The Namibian kutya egwepo lyekuma olya eta uupyakadhi uunene kethigathanopo lyetanga lyokoompadhi ndjoka lya tegelelwa li ka kaleko mehuliloshiwike lyetii 3 sigo 4 Novemba 2006, ngashi naanaa lya longekidhwa ko Castle Bar King Kauluma Football Club nolya kwashilipalekwa nOoN$10,000 ku tate Martin Iipinge gwoCastle Bar pOluno mOndangwa.Nande ongaaka, meme Haitembu ota ti oku na ngaa einekelo kutya pamwe Oshikondo shIilonga, shoka osho shi na oshinakugwanithwa shokukaleka po Okapale haka ke li nawa, tashi ka longa meendelelo nokuwapaleka mpoka pwa mbonyonwa kombepo omanga esiku lyokutameka ethigathanopo ndika inali thika.Ashike nee, meme Haitembu ota ti kutya oku na uumbanda uunene wombepo nomvula, ndjoka e wete tayi zi ko natango.Kokutya ngele okwa zi natango ombepo onene ya fa ndjoka yongulohi yOmaandaha nenge yi vule po, nena omuntu owa tegelela ekuma lyokapale hoka, ndjoka lya tungwa miipapula yOosamende, li ka gwepo ombinga onene nenge ngaa a lihe, oshoka nani inali tungwa lya kola notali vulu okugwa po ashike nuupu uuna ku na ombepo nomvula onene.”Ondiinekela Oshikondo shIilonga otashi ka ninga po sha shomupondo manga kuyele opo uudhano mboka wa thanekwa wu vule okuya komeho, molwashoka aalongekidhi yuudhano mbuka oya longekidha nale iinima yawo ya mana,” meme Haitembu ta ti ngawo.