Ehangano lyaNWR lya zimina okufuta meme Haipinge

O MUNIILONGA a geya gwOkampani yaama kEpangelo ya Namibia Wildlife Resorts (NWR), ongula yOmaandaha goshiwike shika okwa ndumbile iikwaipundi niilongithwa ye yilwe yomegumbo komeho gOombelewa dhOkampani ndjika, ta ti kutya okwa hala okumona Omukuluntuwiliki gwa NWR Tobie Aupundi.

Meme Ingrid Haipinge okwa li ta nyenyeta kutya iilongithwa ye yomegumbo oya li ya teyagulwa sho a li a kuthwa koonkondo mEgumbo lya NWR moka a li ha zi pehala lyaatalelipo lya NWR lya Gross Barmen Hotsprings (li li popepi nOkahandja) momumvo 2003. Haipinge okwa li a tidhwa miilonga mu Febuluali 2003, konima sho a li a ningilwa omapulapulo molwashoka aniwa okwa li a lwitha omuniilonga omukwawo.Nande ongaaka, Haipinge okwa tindi okuza mo mEgumbo lyOkampani.Momasiku 16 ga Septemba, Omapangu ya Mengestrata pOkahandja, paindilo lya NWR, oya li nee ya gandja elombwelo kutya Haipinge na ze mo megumbo ndika.Iinima ye oya li ya kuthwa mo megumbo e tayi tulwa momuti gu li popepi nomweelo gwokuya mehala ndika lyomavululukilo gaatalelipo.Okuza nee aniwa mpoka, iinima ye oya kala kohi yomuti ngoka Kotoba (2003) na momuti ngoka omo a kala moka nofamili ye taya mono iihuna.Momumvo 2005, Haipinge okwa ka ya kOmpangu yAaniilonga e ta ningile NWR oshipotha shokutidhwa miilonga kashi li pauyuuki.Ompangu oya li nee ya ningi etokolo kutya Haipinge okwa tidhwa kashi li pauyuuki na NWR na shune omukulukadhi nguka miilonga.Shika NWR okwe shi ningi momasiku 1 ga Septemba 2005.Momaandaha, Haipinge okwa li a popi kutya aantu mboka ya kutha mo iinima ye megumbo lye lyiilonga, oye yi teyagula – mwa kwatelwa wo oohauto dhe mbali na NWR oku na okumu futa mu shika.”Ngaka omaliko gandje.Onda hala okushuninwa omaliko gandje,” Haipinge osho i igidha ngaaka, a kundukidhwa kaantu oyendji ya li ya haluka okumona oombeta, omalashe, iitaafula niikutu, ya ndumbala komeho gOombelewa dha NWR.Shika okwe shi popi konina sho Menindjela gwOonzo dhOpantu gwa NWR Olavi Hamwele, e mu lombwele kutya ngele okwa hala okumona Aupindi, oku na natango okuninga oshilage.Nande ongaaka, Haipinge okwa popi kutya ye komeho gOombelewa dha NWR ita zi ko manga ina mona Aupindi.Konima yokathimbo, Hamwele okwa ka pitika ngaaka Haipinge a ye kOmbelewa ya Aupindi, e ke mu lombwele uudhigu we.Aupindi okwa lombwele iikundaneki mOvenduka omutunya gwOmaandaha kutya NWR ota ke mu landela iinima ye ayihe mbyoka ya yonagulwa, pethimbo a tidhwa megumbo lyiilonga.Haipinge okwa li nee a indilwa a gandje omusholondondo gwiinima ye ayihe mbyoka ya yonagulwa nosho wo kutya oya li ya kotha ingapi.Muni gwa Venduka okwa li a kwathele Haipinge osheenditho shokufala oondongelwa dhe hoka e dhi kuthile okuza pOombelelwa dha NWR.Haipinge okwa popi kutya ye okwa nyanyukilwa noonkondo Ewiliko lya NWR, mewiliko lya Aupindi, sho lya tokola oku mu shunithila iinima ye mbyoka ya teyagulwa.Ta ti, Elelo ekulu lya NWR olya kala ashike nokumwiipwilikila.Haipinge okwa li a tidhwa miilonga mu Febuluali 2003, konima sho a li a ningilwa omapulapulo molwashoka aniwa okwa li a lwitha omuniilonga omukwawo.Nande ongaaka, Haipinge okwa tindi okuza mo mEgumbo lyOkampani.Momasiku 16 ga Septemba, Omapangu ya Mengestrata pOkahandja, paindilo lya NWR, oya li nee ya gandja elombwelo kutya Haipinge na ze mo megumbo ndika.Iinima ye oya li ya kuthwa mo megumbo e tayi tulwa momuti gu li popepi nomweelo gwokuya mehala ndika lyomavululukilo gaatalelipo.Okuza nee aniwa mpoka, iinima ye oya kala kohi yomuti ngoka Kotoba (2003) na momuti ngoka omo a kala moka nofamili ye taya mono iihuna.Momumvo 2005, Haipinge okwa ka ya kOmpangu yAaniilonga e ta ningile NWR oshipotha shokutidhwa miilonga kashi li pauyuuki.Ompangu oya li nee ya ningi etokolo kutya Haipinge okwa tidhwa kashi li pauyuuki na NWR na shune omukulukadhi nguka miilonga.Shika NWR okwe shi ningi momasiku 1 ga Septemba 2005.Momaandaha, Haipinge okwa li a popi kutya aantu mboka ya kutha mo iinima ye megumbo lye lyiilonga, oye yi teyagula – mwa kwatelwa wo oohauto dhe mbali na NWR oku na okumu futa mu shika.”Ngaka omaliko gandje.Onda hala okushuninwa omaliko gandje,” Haipinge osho i igidha ngaaka, a kundukidhwa kaantu oyendji ya li ya haluka okumona oombeta, omalashe, iitaafula niikutu, ya ndumbala komeho gOombelewa dha NWR.Shika okwe shi popi konina sho Menindjela gwOonzo dhOpantu gwa NWR Olavi Hamwele, e mu lombwele kutya ngele okwa hala okumona Aupindi, oku na natango okuninga oshilage.Nande ongaaka, Haipinge okwa popi kutya ye komeho gOombelewa dha NWR ita zi ko manga ina mona Aupindi.Konima yokathimbo, Hamwele okwa ka pitika ngaaka Haipinge a ye kOmbelewa ya Aupindi, e ke mu lombwele uudhigu we.Aupindi okwa lombwele iikundaneki mOvenduka omutunya gwOmaandaha kutya NWR ota ke mu landela iinima ye ayihe mbyoka ya yonagulwa, pethimbo a tidhwa megumbo lyiilonga.Haipinge okwa li nee a indilwa a gandje omusholondondo gwiinima ye ayihe mbyoka ya yonagulwa nosho wo kutya oya li ya kotha ingapi.Muni gwa Venduka okwa li a kwathele Haipinge osheenditho shokufala oondongelwa dhe hoka e dhi kuthile okuza pOombelelwa dha NWR.Haipinge okwa popi kutya ye okwa nyanyukilwa noonkondo Ewiliko lya NWR, mewiliko lya Aupindi, sho lya tokola oku mu shunithila iinima ye mbyoka ya teyagulwa.Ta ti, Elelo ekulu lya NWR olya kala ashike nokumwiipwilikila.