Ehangano lyAapanguli lya yamukula keponokelo lyOmupanguli Kanime

K ATU na esiku limwe tuka tile nenge tuka tilithwe kutya nee okulye, Aapanguli moNamibia taya ti ngaaka momushangwa gwawo ngoka ya pititha Omaandaha goshiwike shika, taya kondema nonyanya eponokelo lyegumbo lyOmupanguli gwomOngwediva nOshakati Thomas Kanime noomboma dhomahooli ongula onenene yeti 1 Aguste 2007.

“Epangelo lyoshigwana shetu olya thikama lya kola kombinga yUuthemba wOmuntu, Uudemokoli nomukalo gwOkupangela tagu lelwa nokupangelwa kOveta,” Aapanguli taya ti ngawo nokugwedha ko kutya ayihe oya ndjandjukununwa nawa mEkotampango lyoshilongo nomOoveta dhOmpangu yoshilongo. Aapanguli taya ti esimaneko lyUuthemba wOmuntu nEpangelo lyOveta nUudemokoli moshilongo shetu ngashi miilongo iikwawo oyi ikwatelela kuudemokoli wa manguluka nosho wo nokomukalo gwOompangu dha manguluka.Oompangu dha manguluka, okutya Oompangu dha manguluka shili.Itadhi nwethwa mo nande okulye nenge koshike, notadhi pangula dha manguluka, dhaa na ondjoolola kutya olye ta pangulwa nenge oolye taya pangulwa.Oompangu dha manguluka odho oshinima oshinene koshigwana kehe na odho oshipewa oshiwanawa komukalo gwokupangela kehe gu li paudemokoli nokohi yevuliko lyOveta.Tashi ti ngele Oompangu dhetu dha manguluka nodhi li pauyuuki odha piyaganekwa kiinima ngashi mbika yokuponokela Aapanguli yetu moshilongo kaantu yamwe mboka ya piyagana moshigwana shetu, nena osha yela kutya ombili, egameno nengungumano tatu tyapula nena monkalo yetu yopapolotika, yonkalonawa yesiku kehe yoshigwana shetu, otayi ka kala ya piyagana noonkondo.”Iilyo yEhangano lyAapanguli, otwa kundana nehaluko enene kutya oshilyo shetu shimwe, ano Omupanguli Thomas Kanime gwokOshitopolwa sha Mengestrata sha Shakati okwa li a ponokelwa nOomboma dhOmahooli megumbo lye mOngwediva, ashike omoluufule we nomolu okweendelela kwe, Omupanguli Kanime, ngoka pamwe naanegumbo lye ya li ye na okukala ya dhipagwa kaaponokeli yawo mboka, okwe shi pondola okukala eponokelo ndyoka moshipala nokuhupa ngaaka naanegumbo lye,” Aapanguli taya ti ngawo nokugwedha po kutya yo otaya pangula nonyanya notaya kondema eponokelo ndyoka.”Tse ongiilyo yEhangano lyAapanguli lya Namibia, otatu gandja uukwawowanakali kOmupanguli omukwetu Kanime negumbo lye moshinima shika,” Aapanguli taya ti ngaaka.Taya ti wo kutya otaya indile kAapanguli ayehe ya kale ya thikama ya kola muukumwe monkalo yatya ngeyi noya tsikile taya longo iilonga yawo nemanguluko, nonuufule, inaya tila sha, ngashi ye yi inekelelwa kEkotampango lyoshilongo.Ya tsikile nokuyakula oshigwana ngashi ye shi inekelelwa, yaa na ondjoolola neningilokoombunda, ngashi naanaa sha shangwa mOoveta dha Namibia a manguluka.Aapanguli taya ti esimaneko lyUuthemba wOmuntu nEpangelo lyOveta nUudemokoli moshilongo shetu ngashi miilongo iikwawo oyi ikwatelela kuudemokoli wa manguluka nosho wo nokomukalo gwOompangu dha manguluka.Oompangu dha manguluka, okutya Oompangu dha manguluka shili.Itadhi nwethwa mo nande okulye nenge koshike, notadhi pangula dha manguluka, dhaa na ondjoolola kutya olye ta pangulwa nenge oolye taya pangulwa.Oompangu dha manguluka odho oshinima oshinene koshigwana kehe na odho oshipewa oshiwanawa komukalo gwokupangela kehe gu li paudemokoli nokohi yevuliko lyOveta.Tashi ti ngele Oompangu dhetu dha manguluka nodhi li pauyuuki odha piyaganekwa kiinima ngashi mbika yokuponokela Aapanguli yetu moshilongo kaantu yamwe mboka ya piyagana moshigwana shetu, nena osha yela kutya ombili, egameno nengungumano tatu tyapula nena monkalo yetu yopapolotika, yonkalonawa yesiku kehe yoshigwana shetu, otayi ka kala ya piyagana noonkondo.”Iilyo yEhangano lyAapanguli, otwa kundana nehaluko enene kutya oshilyo shetu shimwe, ano Omupanguli Thomas Kanime gwokOshitopolwa sha Mengestrata sha Shakati okwa li a ponokelwa nOomboma dhOmahooli megumbo lye mOngwediva, ashike omoluufule we nomolu okweendelela kwe, Omupanguli Kanime, ngoka pamwe naanegumbo lye ya li ye na okukala ya dhipagwa kaaponokeli yawo mboka, okwe shi pondola okukala eponokelo ndyoka moshipala nokuhupa ngaaka naanegumbo lye,” Aapanguli taya ti ngawo nokugwedha po kutya yo otaya pangula nonyanya notaya kondema eponokelo ndyoka.”Tse ongiilyo yEhangano lyAapanguli lya Namibia, otatu gandja uukwawowanakali kOmupanguli omukwetu Kanime negumbo lye moshinima shika,” Aapanguli taya ti ngaaka.Taya ti wo kutya otaya indile kAapanguli ayehe ya kale ya thikama ya kola muukumwe monkalo yatya ngeyi noya tsikile taya longo iilonga yawo nemanguluko, nonuufule, inaya tila sha, ngashi ye yi inekelelwa kEkotampango lyoshilongo.Ya tsikile nokuyakula oshigwana ngashi ye shi inekelelwa, yaa na ondjoolola neningilokoombunda, ngashi naanaa sha shangwa mOoveta dha Namibia a manguluka.