Egwedhelo lyondando yomeya otali ka dhenga oohepele

OMUWILIKI gwOngeleka Onkwaevaangeli pa Lutheri mOrepublika ya Namibia, Omubiisofi Zephania Kameeta, okwa ningi eindilo kOmalelo goondoolopa kutya naga kale tango haga tala onkalo yaantu mboka taya nana nondatu kombinga yuuhupilo manga inaga gwedhela ondando yomeya.

Kameeta shika okwe shi popi u ukilila etseyitho lya Muni gwa Venduka oshiwike sha zi ko kutya okwa gwedhela ondando yomeya okuza momasiku 1 ga Juli. Omubiisofi Kameeta okwa ti oshinima shika otashi lilitha aantu mboka ye li oohepele, molwashoka itaya ka vula okufuta.Kameeta, ngoka a li nale Omunashipundi gwopevi gwOmutumba gwOpashigwana, okwa ti olusheno ota lu vulu okutalika ko ong’oshinima shuuhona, ihe ngele omuntu ita vulu okukala ke na omeya.Ano omeya ogo omwenyo.Ondando yokukala nomeya mOvenduka oya gwedhelwa noopelesenda 12 omanga ndjoka yelongitho pauhandimwe ya gwedhelwa noopelesenda 10.Muni okwa ti egwedhelo lyondando yomeya, olya ningwa molwashoka ehangano egandjimeya lya NamWater nalyo olya gwedhela wo ondando yalyo noopelesenda 12 okuza mu April 2005.Ehangando egandjilusheno lya NamPower nalyo olya gwedhela ondando yolusheno noopelesenda 15, shoka Muni gwa Venduka ta ti osho wo she ya thiminike ya gwedhele olusheno lwoounita noopelesenda 12, omanga ndoka lwokakalata lwa gwedhelwa noopelesenda hamano.Ehangano egandjilusheno miitopolwa yokOnooli lya Nored, nalyo olya gwedhela wo ondando yolusheno noopelesenda ne oshinkwanu ntano, okuza mEtitano lya zi ko.Pethimbo ndika, opu na oondolopa odhindji dhi na oongunga dhoshimaliwa oshindji sha NamWater na NamPower.Omalelo goondoolopa ndhika ngashi Karibib na Opuwo otaga popi kutya shika osha etwa kaakalimo mboka inaya hala okufuta, omanga aakalimo taya ulike omumwe kOmalelo goondoolopa dhawo, taya ti kutya ogo itaga longo nawa mokuwilika oondoolopa.Lwopokati mpoka, ehangano egameni lyuuthemba wOmuntu lyopashigwana/National Soceity for Human Rights (NSHR), olya popi kutya egwedhelo lyondando yomeya mOvenduka otali ka gwedha ko ashike konkugo yaantu mboka ye li oohepele.Movenduka, oshimaliwa shomeya shoka hashi futwa kegumbo komwedhi, osha li pOondola/N$210 lwaampoka.Omukuluntuwiliki gwa NSHR Phil Ya Nangolo okwa ti egwedhelo lyondando yomeya oshinima sh na okukondemwa noonkondo adhihe.Kepulo, Omugandjimulombo gwa NamWater Johanness Shigwedha, okwa ti egwedhelo lyondando yomeya olya etwa kondando yiilongitho (yokwoopaleka omeya) ndjoka yi li pombanda.”Otu na okulundulula ondando yomeya omumvo kehe.Opu na oveta kutya ondando yomeya oyi na okugwedhelwa omumvo kehe, ihe kayi na okugwedhelwa noopelesenda dha konda po 20,” Shigwedha ta popi ngaaka.Ta ti, egwedhelo lyondando yomeya noopelesenda 12, inali gwana nokuli okumona mo oshimaliwa shoka taya longitha megandjo lyomeya moshilongo.”Ihe ndika etokolo lyOkabenete na otu na okwiiyutha kulyo,” ta tsikile ko ngaaka.Omubiisofi Kameeta okwa ti oshinima shika otashi lilitha aantu mboka ye li oohepele, molwashoka itaya ka vula okufuta.Kameeta, ngoka a li nale Omunashipundi gwopevi gwOmutumba gwOpashigwana, okwa ti olusheno ota lu vulu okutalika ko ong’oshinima shuuhona, ihe ngele omuntu ita vulu okukala ke na omeya.Ano omeya ogo omwenyo.Ondando yokukala nomeya mOvenduka oya gwedhelwa noopelesenda 12 omanga ndjoka yelongitho pauhandimwe ya gwedhelwa noopelesenda 10.Muni okwa ti egwedhelo lyondando yomeya, olya ningwa molwashoka ehangano egandjimeya lya NamWater nalyo olya gwedhela wo ondando yalyo noopelesenda 12 okuza mu April 2005.Ehangando egandjilusheno lya NamPower nalyo olya gwedhela ondando yolusheno noopelesenda 15, shoka Muni gwa Venduka ta ti osho wo she ya thiminike ya gwedhele olusheno lwoounita noopelesenda 12, omanga ndoka lwokakalata lwa gwedhelwa noopelesenda hamano.Ehangano egandjilusheno miitopolwa yokOnooli lya Nored, nalyo olya gwedhela wo ondando yolusheno noopelesenda ne oshinkwanu ntano, okuza mEtitano lya zi ko.Pethimbo ndika, opu na oondolopa odhindji dhi na oongunga dhoshimaliwa oshindji sha NamWater na NamPower.Omalelo goondoolopa ndhika ngashi Karibib na Opuwo otaga popi kutya shika osha etwa kaakalimo mboka inaya hala okufuta, omanga aakalimo taya ulike omumwe kOmalelo goondoolopa dhawo, taya ti kutya ogo itaga longo nawa mokuwilika oondoolopa.Lwopokati mpoka, ehangano egameni lyuuthemba wOmuntu lyopashigwana/National Soceity for Human Rights (NSHR), olya popi kutya egwedhelo lyondando yomeya mOvenduka otali ka gwedha ko ashike konkugo yaantu mboka ye li oohepele.Movenduka, oshimaliwa shomeya shoka hashi futwa kegumbo komwedhi, osha li pOondola/N$210 lwaampoka.Omukuluntuwiliki gwa NSHR Phil Ya Nangolo okwa ti egwedhelo lyondando yomeya oshinima sh na okukondemwa noonkondo adhihe.Kepulo, Omugandjimulombo gwa NamWater Johanness Shigwedha, okwa ti egwedhelo lyondando yomeya olya etwa kondando yiilongitho (yokwoopaleka omeya) ndjoka yi li pombanda.”Otu na okulundulula ondando yomeya omumvo kehe.Opu na oveta kutya ondando yomeya oyi na okugwedhelwa omumvo kehe, ihe kayi na okugwedhelwa noopelesenda dha konda po 20,” Shigwedha ta popi ngaaka.Ta ti, egwedhelo lyondando yomeya noopelesenda 12, inali gwana nokuli okumona mo oshimaliwa shoka taya longitha megandjo lyomeya moshilongo.”Ihe ndika etokolo lyOkabenete na otu na okwiiyutha kulyo,” ta tsikile ko ngaaka.