Egumbo tali fikwa po koombepo dhanyata

O OMBEPO dha nyata ndhoka omathimbo ga zi ko dha kala tadhi fike po omagumbo gaakalimo muumbangalantu, dhi iteyela megumbo lya tate Veiko Kalunde Iyambo momukunda Omafufu popepi nOkankolo mOndonga mOshitopolwa sha Shikoto nogu li tagu ningi mo omuyonena omunene lela.

Pauyelele mboka twa mona po, wa gandjwa komonakadhona gwa tate Iyambo, ano ku Ester Iyambo-Shipalanga, pamushangwa, otau ti kutya omulilo omutilithi kagu shiwike kutya otagu zi peni, ogwa kala nogu li tagu hepeke nayi egumbo lya tate Veiko Kalunde Iyambo uule wOomwedhi ne dha pita po ngashiingeyi. Ogwa fika po iinima ye oyindji lela mwa kwatelwa niilya poshipale wo nokuli.Ester ta ti mu Maalitsa nuumvo omulilo ngoka ogwiiteyele megumbo lya tate gwawo Iyambo e tagu fike mo oondunda dhOshiwambo dhi li omulongonandatu (13) niinima mbyoka ya li mo.Tagu sitopa po manga uule wOmwedhi nomasiku gane nokuza mpoka ogwe ya ishewe meti 17 Apilili 2005 nokufika mo oondunda dhoondhopi dhi li mbali niinima mbyoka ya li mo.Meti 6 Mei 2005, ogwa galuka ishewee tagu fike mo thilu oondunda mbali.Tagu galuka ishewe mu Mei nokufika mo oondunda oompe dhi li hamano (6) niiketha yiikutu yi ili iyali noshowo iilya poshipale, oshigandhi shimwe shuudha iilya, ombete niikwambete.Onkundana ompeempeeka otayi ti kutya omulilo nguka onkee tagu tsikile natango na tate Iyambo ke na we einekelo lyasha nokwa tegelela ashike eliko lye li pye po alihe thiluthilu pwaana ekwatho lyasha.Megumbo lya tate Iyambo omu na aantu ye li 11.Okanona kamwe komuunona mboka une hau hiti osikola, otaku tiwa kutya kosikola itaka yi ko we molwashoka omulilo ngoka ogwe ka ya momadhilaadhilo noonkondo na itaka vulu we nokuli okudhilaadhila nawa.mEgumbo omu na ashike gumwe ngoka ha longo.Omulilo ngoka shampa tagu fike ngawo, ohagu kala tagu nuka okuza kondunda ndjika nokuya konkwawo, sigo tagu dhi mana ko.Ester ta ti aanegumbo ngashiingeyi kaye na we mpoka taya kala noya thiminikwa konkalo ya kale ashike ye li pondje mombepo na opo taya lala pondje mpoka.Kutya nee oto yi kokandjugo, opu na okukala gumwe ngoka ta talaatala ngele otapu holoka uupyakadhi womulilo.Onkalo itayi pitike aanegumbo mbaka ya ze po mpoka, nokomapya gawo itaya yi ko we ya ka lime.Ta ti kutya oshinima shika osha lopotwa ethimbo nethimbo mOradio ya NBC Oshiwambo, ashike onkee tagu tsikile.Onkalamwenyo yaanegumbo lyaandja tate Iyambo, kayi li we megameno noye li lela ya pumbwa ekwatho monkalo yesiku kehe.Ogwa fika po iinima ye oyindji lela mwa kwatelwa niilya poshipale wo nokuli.Ester ta ti mu Maalitsa nuumvo omulilo ngoka ogwiiteyele megumbo lya tate gwawo Iyambo e tagu fike mo oondunda dhOshiwambo dhi li omulongonandatu (13) niinima mbyoka ya li mo.Tagu sitopa po manga uule wOmwedhi nomasiku gane nokuza mpoka ogwe ya ishewe meti 17 Apilili 2005 nokufika mo oondunda dhoondhopi dhi li mbali niinima mbyoka ya li mo.Meti 6 Mei 2005, ogwa galuka ishewee tagu fike mo thilu oondunda mbali.Tagu galuka ishewe mu Mei nokufika mo oondunda oompe dhi li hamano (6) niiketha yiikutu yi ili iyali noshowo iilya poshipale, oshigandhi shimwe shuudha iilya, ombete niikwambete.Onkundana ompeempeeka otayi ti kutya omulilo nguka onkee tagu tsikile natango na tate Iyambo ke na we einekelo lyasha nokwa tegelela ashike eliko lye li pye po alihe thiluthilu pwaana ekwatho lyasha.Megumbo lya tate Iyambo omu na aantu ye li 11.Okanona kamwe komuunona mboka une hau hiti osikola, otaku tiwa kutya kosikola itaka yi ko we molwashoka omulilo ngoka ogwe ka ya momadhilaadhilo noonkondo na itaka vulu we nokuli okudhilaadhila nawa.mEgumbo omu na ashike gumwe ngoka ha longo.Omulilo ngoka shampa tagu fike ngawo, ohagu kala tagu nuka okuza kondunda ndjika nokuya konkwawo, sigo tagu dhi mana ko.Ester ta ti aanegumbo ngashiingeyi kaye na we mpoka taya kala noya thiminikwa konkalo ya kale ashike ye li pondje mombepo na opo taya lala pondje mpoka.Kutya nee oto yi kokandjugo, opu na okukala gumwe ngoka ta talaatala ngele otapu holoka uupyakadhi womulilo.Onkalo itayi pitike aanegumbo mbaka ya ze po mpoka, nokomapya gawo itaya yi ko we ya ka lime.Ta ti kutya oshinima shika osha lopotwa ethimbo nethimbo mOradio ya NBC Oshiwambo, ashike onkee tagu tsikile.Onkalamwenyo yaanegumbo lyaandja tate Iyambo, kayi li we megameno noye li lela ya pumbwa ekwatho monkalo yesiku kehe.