Egumbo lyomusamane Shimbaba lya pya ombinga yimwe

MOKATOPE E GUMBO lya tatekulu Junias Hamalwa Shimbaba gwoomvula omilongo heyali (70) mOkatope popepi nOngwediva mOshitopolwa sha Shana olya pi po ombinga yimwe ongula yeti 10 Oktoba 2007 thiluthilu nomwa pila wo eliko olindji lyawo unene tuu oondundai, iilya, ikwakuliwa yilwe, iipungulilo niipungulwa.

Omulilo otaku tiwa kutya ogwa zilile mondunda onene yokutema, yi li kelugo nogwa kwata nee koondunda komatala kombinga yegumbo ndjoka nosho wo kiiti nokoondunda dhiigandhi/dhomashisha. Sho gwa teme ngawo, tatekulu Shimbaba ota ti, megumbo inamu adhika omukuluntu, uunona ashike wa li mo, nashi nee ye ke ya oya adha omulilo gwa lyakateka po nale oshitopolwa oshinene shegumbo, unene tuu shelugo lya meekulu Kakululwa.Tatekulu Shimbaba, ta lombwele The Namibian kutya ombinga onene, nenge ayihe yomukulukadhi gwe meekulu Kakululwa ya Simon, oya pya po thiluthilu.Ta ti oondunda onene dhokupungula dhi li heyali, mwa kwatelwa yimwe yokulala, odha pya po, nomwa pila nee iinima ayihe yomukulukadhi gwe noyaanona naatekulu yawo yamwe.Oombete dhokulala aakadhona mboka aanene nuunona nadho odha pila mo kumwe noonguyo dhawo nodhuunona.Tatekulu Shimbaba ta ti kutya eshisha/oshigandhi shawo shimwe sha li shuudha iilya osha pya po thiluthilu niilya yasho.Omausila ga adhika kelugo oga pya po noya thigala po yaa na manga iikulya.”Elugo olya dhima po thiluthilu,” tatekulu Shimbaba, ta yambidhidhwa komukulukadhi gwe meekulu Kakululwa, ta ti ngawo.Oombiga dhokupungula mo iinima ya meme Kakululwa nadho odha pya po naayihe ya li mo oya pya po thiluthilu.Iimbale ye yokukwatela, oombuto, omandini gokukateka omeya nosho tuu, oga pya po.Oonguyo dha meekulu Kakululwa dhimwe noshowo dhaanona naandhoka dhosikola nadho odha pya po.”Otwa thigala pomutenya lela shili,” meekulu Kakululwa ta ti ngawo.Ayehe mbaka yaali, tatekulu Shimbaba na meekulu Kakululwa otaya ti kutya otaya pandula Kalunga molwashoka inamu pila omuntu.”Megumbo omu na uutekulu wetu uushona oundji.Wa li tau vulu okupila mo, ashike kesilohenda lya tate Kalunga, inau pila mo nande,” tatekulu Shimbaba ta ti ngawo.Megumbo oye li mo omulongo.Kepulo kutya nge megumbo omu na omuntu ha longo, tatekulu Shimbaba okwa ti kutya kamu na nande omuntu gumwe ha longo.Ohaya hupu ashike mOpenzela ndyoka hayi kwatwa kuye nokomukulukadhi gwe.”Oyo ashike hatu hupitha nayo aanegumbo lyetu, opuwo.Katu na iilonga.Aakadhona mboka ye li mo aanene nayo kaye na iilonga.Ayehe kumwe nuunona wawo, otaya hupu ashike mopenzela yetu ndyoka opuwo,” tatekulu Shimbaba ta hokololele The Namibian ngawo nokwiindila koshigwana oshisihenda shi ya kwathele muupyakadhi wawo mbuka uunene nomoluhepo mlwawo nduka olunene ye lu pewa komulilo.”Otatu ka pandula kehe ngoka te ke tu kwathela, unene tuu niiti yokudhikitha mpoka pwa pya, iihenguti, omwiidhi, oondunda, iikulya ngashi omausila, iilya nosho tuu,” tatekulu Shimbaba ta ti ngawo nokugandja wo onomola yokambo kawo kOmbaanga, uuna pu na ngoka a hala oku ya kwathela noshimaliwa.Tatekulu Shimbaba ota vulu nee okumonika kongodhi ye yonomola 081 287 1549.Sho gwa teme ngawo, tatekulu Shimbaba ota ti, megumbo inamu adhika omukuluntu, uunona ashike wa li mo, nashi nee ye ke ya oya adha omulilo gwa lyakateka po nale oshitopolwa oshinene shegumbo, unene tuu shelugo lya meekulu Kakululwa.Tatekulu Shimbaba, ta lombwele The Namibian kutya ombinga onene, nenge ayihe yomukulukadhi gwe meekulu Kakululwa ya Simon, oya pya po thiluthilu.Ta ti oondunda onene dhokupungula dhi li heyali, mwa kwatelwa yimwe yokulala, odha pya po, nomwa pila nee iinima ayihe yomukulukadhi gwe noyaanona naatekulu yawo yamwe.Oombete dhokulala aakadhona mboka aanene nuunona nadho odha pila mo kumwe noonguyo dhawo nodhuunona.Tatekulu Shimbaba ta ti kutya eshisha/oshigandhi shawo shimwe sha li shuudha iilya osha pya po thiluthilu niilya yasho.Omausila ga adhika kelugo oga pya po noya thigala po yaa na manga iikulya.”Elugo olya dhima po thiluthilu,” tatekulu Shimbaba, ta yambidhidhwa komukulukadhi gwe meekulu Kakululwa, ta ti ngawo.Oombiga dhokupungula mo iinima ya meme Kakululwa nadho odha pya po naayihe ya li mo oya pya po thiluthilu.Iimbale ye yokukwatela, oombuto, omandini gokukateka omeya nosho tuu, oga pya po.Oonguyo dha meekulu Kakululwa dhimwe noshowo dhaanona naandhoka dhosikola nadho odha pya po.”Otwa thigala pomutenya lela shili,” meekulu Kakululwa ta ti ngawo.Ayehe mbaka yaali, tatekulu Shimbaba na meekulu Kakululwa otaya ti kutya otaya pandula Kalunga molwashoka inamu pila omuntu.”Megumbo omu na uutekulu wetu uushona oundji.Wa li tau vulu okupila mo, ashike kesilohenda lya tate Kalunga, inau pila mo nande,” tatekulu Shimbaba ta ti ngawo.Megumbo oye li mo omulongo.Kepulo kutya nge megumbo omu na omuntu ha longo, tatekulu Shimbaba okwa ti kutya kamu na nande omuntu gumwe ha longo.Ohaya hupu ashike mOpenzela ndyoka hayi kwatwa kuye nokomukulukadhi gwe.”Oyo ashike hatu hupitha nayo aanegumbo lyetu, opuwo.Katu na iilonga.Aakadhona mboka ye li mo aanene nayo kaye na iilonga.Ayehe kumwe nuunona wawo, otaya hupu ashike mopenzela yetu ndyoka opuwo,” tatekulu Shimbaba ta hokololele The Namibian ngawo nokwiindila koshigwana oshisihenda shi ya kwathele muupyakadhi wawo mbuka uunene nomoluhepo mlwawo nduka olunene ye lu pewa komulilo.”Otatu ka pandula kehe ngoka te ke tu kwathela, unene tuu niiti yokudhikitha mpoka pwa pya, iihenguti, omwiidhi, oondunda, iikulya ngashi omausila, iilya nosho tuu,” tatekulu Shimbaba ta ti ngawo nokugandja wo onomola yokambo kawo kOmbaanga, uuna pu na ngoka a hala oku ya kwathela noshimaliwa.Tatekulu Shimbaba ota vulu nee okumonika kongodhi ye yonomola 081 287 1549.