Egumbo lya meme Rosalia Robert mOshakati lya pya po

O MUKALIMO gwomOlukanda Evululuko moshitopolwa shoka hashi ithanwa Hifikepunye Pohamba mEvululuko moka, meme Rosalia Robert (38), okwi itsa omutse koongolo sho egumbo lye lyiipeleki lya pi po thiluthilu komulilo pokati kuusiku weti 19 June 2007.

Omulilo, ota ti, ogwa etwa kokalehite, hoka gumwe gwomaanegumbo lye a dhimbwa okukadhima sho a kotha. Inamu pila omuntu, oshoka oonakukalamo oye shi pondola okuza mo nokufadhuka po.Ashike nee iinima ayihe yomegumbo oya pila mo.Rosalia ota ti kutya okwa hupa ko ashike niikutu mbyoka yi li kolutu, iinima ye ayihe oya pila mo.Okuza ngaa kombete yokulala, komakumbatha gokwiisiikila, iikutu, oongaku, iikwatelwa, iikulya, iimaliwa, oodokumende dhe dhopaumwene nodhaanona nosho wo yilwe, oya pila mo.”Otandi pula nokwiindila kaasihenda ya kwathele ndje muupyakadhi wandje mbuka,” meme Rosalia ta ti ngawo nokugwedha po ta ti kutya oshiponga shomulilo shika okwe shi lopota wo nale kumwene gwolukanda lwawo nosho wo kOmbelewa ya Kansela gwOshikandjohogololo shawo sha Shakatiuzilo tate Loth Kuushomwa ngoka a li wo nokuli e mu talele po nokutala omulilo sho gwe mu ningila.Pokati mpoka The Namibian okwa lopotelwa wo omagumbo gaali gomolukanda lwa Kandjengedi moshitopolwa sha Golfa mOshakati, nago ga pya komulilo.Momagumbo ngaka gaali, lya meme Selma David nolya tate Simon Shilongo, inamu pila wo omuntu, ashike iinima yawo ayihe oya pya po thiluthilu.Tate Shilongo, ngoka ha helufuna ashike kuye mwene, ngashi okutula uutiyelesa moondunda, ota ti kutya keshi kutya omulilo ogwa etwa koshike, ashike otaya fekele gwa etwa kOgaasa ndjoka ya li moka.Naye ota indile kaasihenda ye ya kwathele moshiponga shawo shika.Egumbo lya meme Selma otaku tiwa kutya nalyo olya fikwa po kokalehite.Meme Selma oku li ashike monkalo yomuntu gwaKalunga.E li moluhepo olunene nopethimbo ndika oha lala ashike kombanda yompile ye hoka.A yala uukumbatha, mboka a pelwe kaasihenda yomolukanda lwawo moka, kombanda yiipeleki mbyoka ya pya po na oko ne kombete ye hoka, nopethimbo ndika lyuutalala.Naye ota indile koshigwana oshisihenda shi mu tondokele onkugo noku mu kwathela muupyakadhi we mbuka.Inamu pila omuntu, oshoka oonakukalamo oye shi pondola okuza mo nokufadhuka po.Ashike nee iinima ayihe yomegumbo oya pila mo.Rosalia ota ti kutya okwa hupa ko ashike niikutu mbyoka yi li kolutu, iinima ye ayihe oya pila mo.Okuza ngaa kombete yokulala, komakumbatha gokwiisiikila, iikutu, oongaku, iikwatelwa, iikulya, iimaliwa, oodokumende dhe dhopaumwene nodhaanona nosho wo yilwe, oya pila mo.”Otandi pula nokwiindila kaasihenda ya kwathele ndje muupyakadhi wandje mbuka,” meme Rosalia ta ti ngawo nokugwedha po ta ti kutya oshiponga shomulilo shika okwe shi lopota wo nale kumwene gwolukanda lwawo nosho wo kOmbelewa ya Kansela gwOshikandjohogololo shawo sha Shakatiuzilo tate Loth Kuushomwa ngoka a li wo nokuli e mu talele po nokutala omulilo sho gwe mu ningila.Pokati mpoka The Namibian okwa lopotelwa wo omagumbo gaali gomolukanda lwa Kandjengedi moshitopolwa sha Golfa mOshakati, nago ga pya komulilo.Momagumbo ngaka gaali, lya meme Selma David nolya tate Simon Shilongo, inamu pila wo omuntu, ashike iinima yawo ayihe oya pya po thiluthilu.Tate Shilongo, ngoka ha helufuna ashike kuye mwene, ngashi okutula uutiyelesa moondunda, ota ti kutya keshi kutya omulilo ogwa etwa koshike, ashike otaya fekele gwa etwa kOgaasa ndjoka ya li moka.Naye ota indile kaasihenda ye ya kwathele moshiponga shawo shika.Egumbo lya meme Selma otaku tiwa kutya nalyo olya fikwa po kokalehite.Meme Selma oku li ashike monkalo yomuntu gwaKalunga.E li moluhepo olunene nopethimbo ndika oha lala ashike kombanda yompile ye hoka.A yala uukumbatha, mboka a pelwe kaasihenda yomolukanda lwawo moka, kombanda yiipeleki mbyoka ya pya po na oko ne kombete ye hoka, nopethimbo ndika lyuutalala.Naye ota indile koshigwana oshisihenda shi mu tondokele onkugo noku mu kwathela muupyakadhi we mbuka.