Egumbo epe lyEpangelo tali ka kotha oshimaliwa oshindji

O SHIMALIWA shoka tashi longithwa mokutunga Egumbo lyEpangelo epe (New State House) otaku ka monika ashike kutya oshi thike peni, ngele egumbo ndika lya pu okutungwa.

Shika osha hololwa mOparliamende pehulilo lyoshiwike sha zi ko. Omathimbo ga zi ko, oshimaliwa shika okwa li taku popiwa kutya oshi li pOondola/N$396 203 698, ihe sigo onena Egumbo ndika otali tungwa.Mu Apilili 2002, Omutumba gwOpashigwana ogwa li gwa tseyithilwa kutya Egumbo ndika otali ka tungwa kOondola oomiliyuna ethele nomilongo hetatu nahamano (N$186 million), ihe oshimaliwa shOondola oomiliyuna omathele gaali nomilongo hamano nane (N$264 million), osha li shu ukithwa ketungo lyEgumbo ndika mOpulanda ontiyali ya Namibia yomayambulopo.Omathimbo omashona ga piti po, okwa li ishewe kwa popiwa kutya Egumbo ndika otali tungwa koshimaliwa shOondola oomiliyuna omathele gane nomilongo ne (N$440 million), ihe konima osha ka undulilwa ishewe pOondola oomiliyuna omathele gatano (N$500 million).Ihe ngele Egumbo ndika lya pu lela okutungwa alihe, otashi vulika oshimaliwa shika shi ka konde po mpoka.Etungo lyEgumbo epe lyEpangelo olyo oshinima sha ningwa kEpangelo shi na ondilo noonkondo kaakuna we konima sho oshilongo sha manguluka.Egumbo ndika otali tungwa pehala hali ithanwa Ausblick.Ominista yIilonga nOmakwatathano Joel Kaapanda okwa ti iinima ngashi Oombelewa, oondunda dhokulala aaniilonga, oondunda dhOosekuliti naayenda, oya pwa nale okutungwa.Kaapanda ndhika okwe dhi popi pethimbo a li ta yamukula kepulo lyOmuwiliki gwongundu yo DTA mOmutumba gwOpashigwana Katuutire Kaura mEtine lya zi ko.Oshimaliwa shOondola/N$296 203 698 (shoka osho sha popiwa tango), ina shi kwatela mo aniwa iikwaipundi yoondunda ndhoka dha pwa okutungwa.Natango opu na wo oshinima oshinene shi na okuningwa na shika sho osho nee okapale kokunambela edhigadhaga, ehala lyOmupresidende ye mwene niilonga yegandjo lyolusheno kEgumbo ndika.”Aantu mboka ya gumwa ketungo lyEgumbo ndika nayo oye na wo okufutwa,” Kaapanda ta popi ngaaka.”Omwaalu aguhe gwoshimaliwa shoka sha longithwa metungo lyEgumbo epe lyEpangelo, otagu tseyika ashike ngele oproyeka ndjika ya pu,” Kaapanda ta tsikile ko ngaaka.Kaapanda ina popya ngele oshimaliwa shOondola oomiliyuna omilongo mbali na ne shOplota ndjoka Muni gwa Venduka a landitha pu tungwe Egumbo ndika, nasho otashi ka kwatelwa mo wo moshimaliwa shika.Omathimbo ga zi ko, oshimaliwa shika okwa li taku popiwa kutya oshi li pOondola/N$396 203 698, ihe sigo onena Egumbo ndika otali tungwa.Mu Apilili 2002, Omutumba gwOpashigwana ogwa li gwa tseyithilwa kutya Egumbo ndika otali ka tungwa kOondola oomiliyuna ethele nomilongo hetatu nahamano (N$186 million), ihe oshimaliwa shOondola oomiliyuna omathele gaali nomilongo hamano nane (N$264 million), osha li shu ukithwa ketungo lyEgumbo ndika mOpulanda ontiyali ya Namibia yomayambulopo.Omathimbo omashona ga piti po, okwa li ishewe kwa popiwa kutya Egumbo ndika otali tungwa koshimaliwa shOondola oomiliyuna omathele gane nomilongo ne (N$440 million), ihe konima osha ka undulilwa ishewe pOondola oomiliyuna omathele gatano (N$500 million).Ihe ngele Egumbo ndika lya pu lela okutungwa alihe, otashi vulika oshimaliwa shika shi ka konde po mpoka.Etungo lyEgumbo epe lyEpangelo olyo oshinima sha ningwa kEpangelo shi na ondilo noonkondo kaakuna we konima sho oshilongo sha manguluka.Egumbo ndika otali tungwa pehala hali ithanwa Ausblick.Ominista yIilonga nOmakwatathano Joel Kaapanda okwa ti iinima ngashi Oombelewa, oondunda dhokulala aaniilonga, oondunda dhOosekuliti naayenda, oya pwa nale okutungwa.Kaapanda ndhika okwe dhi popi pethimbo a li ta yamukula kepulo lyOmuwiliki gwongundu yo DTA mOmutumba gwOpashigwana Katuutire Kaura mEtine lya zi ko.Oshimaliwa shOondola/N$296 203 698 (shoka osho sha popiwa tango), ina shi kwatela mo aniwa iikwaipundi yoondunda ndhoka dha pwa okutungwa.Natango opu na wo oshinima oshinene shi na okuningwa na shika sho osho nee okapale kokunambela edhigadhaga, ehala lyOmupresidende ye mwene niilonga yegandjo lyolusheno kEgumbo ndika.”Aantu mboka ya gumwa ketungo lyEgumbo ndika nayo oye na wo okufutwa,” Kaapanda ta popi ngaaka.”Omwaalu aguhe gwoshimaliwa shoka sha longithwa metungo lyEgumbo epe lyEpangelo, otagu tseyika ashike ngele oproyeka ndjika ya pu,” Kaapanda ta tsikile ko ngaaka.Kaapanda ina popya ngele oshimaliwa shOondola oomiliyuna omilongo mbali na ne shOplota ndjoka Muni gwa Venduka a landitha pu tungwe Egumbo ndika, nasho otashi ka kwatelwa mo wo moshimaliwa shika.