Domini na Kambau ya yapulilwa Uudiakoni

METI 10 Desemba 2005 olya li ishewe esiku enene mOngeleka ya Katoolika ka Roma moNamibia sho mwa yapulwa ishewe aalithi yoonzi dha Kalunga ye li yaali.

Ano mwa yapulwa tate Dominikus Ipinge gwokOmege mUukwambi mOshitopolwa sha Shana ongOmudiakoni noshowo tate Tadeus Kambau Erastus gwomOniimwandi mUukwambi mOshitopolwa sha Shana. Aadiakoni mbaka yaali, haya longele ayehe kONAMDEB, oya yapulwa kOmumbiishofi Omukuluntu gwOngeleka ya Katolika moNamibia Omusimanekwa Liborius Ndumbukuti Nashenda, sha ningilwa pEgongalo lya Mege mUukwambi.Oya li pamwe nAakulukadhi yawo noshowo aanona yawo, aathikameni yawo, aakwanezimo nookuume.mEsiku omo tuu moma Omudiakoni Kambau nomukulukadhi gwe meme Alina Erastus oya dhana wo Oshituthihango shawo shOshisiliveri, shoka sha yapulwa nokukolekwa ku Pata Omukuluntu mOmbelewa yOmumbiishofi Omukuluntu mOvenduka Frans Huben.Pethimbo te ya pula, Omumbiishofi Omukuluntu Nashenda okwe ya lombwele kutya oya yapulilwa oshilonga oshiyapuki shokulitha oonzi dha Kalunga, oshigwana sha Kalunga, onkee oye na oku longa neifupipiko noneitulomo enene mokuuvithila oshigwana sha Kalunga shika Omulombo omutowe gwOhapu ya Kalunga.Ta ti naye shi kwathe momaudhigu gasho ogendjigendji, moka mwa kwatelwa omaluhepo, omikithi ngashi ndhoka itadhi aludhwa dho HIV-AIDS nosho tuu.Omumbiishofi omukuluntu ta ningi eindilo lya thinda mOshigwana moka, unene tuu shoka oshigundjuka shi kuthe eithano lyUusita woonzi dha Kalunga, oshoka Ongeleka ya Kalunga oya pumbwa Aasita, ano Oopata, Oombiishofi nAawiliki yopaendondo dhi ili nodhi ili mOngeleka.Aadiakoni mbaka yaali, haya longele ayehe kONAMDEB, oya yapulwa kOmumbiishofi Omukuluntu gwOngeleka ya Katolika moNamibia Omusimanekwa Liborius Ndumbukuti Nashenda, sha ningilwa pEgongalo lya Mege mUukwambi.Oya li pamwe nAakulukadhi yawo noshowo aanona yawo, aathikameni yawo, aakwanezimo nookuume.mEsiku omo tuu moma Omudiakoni Kambau nomukulukadhi gwe meme Alina Erastus oya dhana wo Oshituthihango shawo shOshisiliveri, shoka sha yapulwa nokukolekwa ku Pata Omukuluntu mOmbelewa yOmumbiishofi Omukuluntu mOvenduka Frans Huben.Pethimbo te ya pula, Omumbiishofi Omukuluntu Nashenda okwe ya lombwele kutya oya yapulilwa oshilonga oshiyapuki shokulitha oonzi dha Kalunga, oshigwana sha Kalunga, onkee oye na oku longa neifupipiko noneitulomo enene mokuuvithila oshigwana sha Kalunga shika Omulombo omutowe gwOhapu ya Kalunga.Ta ti naye shi kwathe momaudhigu gasho ogendjigendji, moka mwa kwatelwa omaluhepo, omikithi ngashi ndhoka itadhi aludhwa dho HIV-AIDS nosho tuu.Omumbiishofi omukuluntu ta ningi eindilo lya thinda mOshigwana moka, unene tuu shoka oshigundjuka shi kuthe eithano lyUusita woonzi dha Kalunga, oshoka Ongeleka ya Kalunga oya pumbwa Aasita, ano Oopata, Oombiishofi nAawiliki yopaendondo dhi ili nodhi ili mOngeleka.