Diescho ota popitha oshigwana mOshakati nena

OMULONGWANTU gwa Namibia Omuprofessore Joseph Diescho, kongulohi yonena ota ka popitha oshigwana mOshakati kombinga yoongundu dhoopolotika mUudemokoli noshowo taka yamukula kepulo kutya Namibia ngele tashi ya kombinga yUudemokoli, oku li tuu mondjila yuuka nenge ahawe.

Omuprofessore Diescho otaku tiwa kutya ota ende noshilongo ashihe ta ningi iigongiilonga, ta popi kombinga yiitsa mbika iyali noshowo kwiikwawo oyindji ya pamba oongundu dhoopolotika muudemokoli, uudemokoli nosho tuu.Iikonga ye yiigongi mbika oya longekidhwa kOmbelewa ya Ombudsman palongelokumwe nEhangano lya Konrad Adenauer Stiftung. Oshigongi she shokomatango lela gonena mOshakati otashi ka ningilwa mOshakati Country Hotel, tashi tameke pohamano yokomatango notashi kala ko sigo opomugoyi gwokongulohi.Oshigwana otashi lombwelwa shi ye shi kiipulakenene ko shoshene sho omulongwantu gwa Namibia nguka ta popi kombinga yoongundu dhoopolotika muudemokoli nokepulo kutya Namibia ngele tashi ya kuudemokoli oku li tuu mondjila yuuka. Diescho okwa tegelelwa a ka popye oshindji lela kombinga yiitsa mbika notashi vulika a ka tegelele wo omapulo nomagwedhelopo ogendji okuzilila maanashigongi she shika.