Danger Ashipala omugandjimayele omukuluntu kOmutaleli Ndjayi gwopolisi,okwa mana oondjenda moomposi dhe uusiku woSoondaha mepipi lyomimvo 62.
Omupopiliko gwopolisi, Komufala gwopevi, Hophni Hamufungu okwa koleke kutya, Ashipala okwa mana oondjenda.Ashipala ngoka oye omutotipo gwetanga lya shewa lyopolisi, okwa adhika koyana noku naku muhingila, a hulitha mondunda ye pegumbo lye momukunda gwa Academia , moWindhoek koongulasha dhomaandaha.Ashipala oku shiwike nawa metanga lyegameno lya Namibia nonando okwa si omupolisi.Mboka ya longa pamwe naye oye mu hokolola ongo omukwiita ependa nokwa pyokoka.Minista yegameno, Charles Namoloh okwa ti Ashipala okwa li omugandjimalombwelo gwoPlan ependa no iha tonyala.Okwa ti Namibia okwa kanitha ependa limwe sho a popi moonkundathana pangodhi.Namoloh okwa ti okwa tsakanena na Ashipala pomumvo 1976 sho nguka a li kakukutu kokundaadha gwoPlan .Pethimbo ndyoka, Ashipala okwa li ena oshinakugwanithwa sho ku ponokela oontanda dhomatanga gomukolonyeki South Africa muumbangalantu wopokati wa Namibia.Ashipala okwa simana wo sho oye a kwata omukwiita gumwe gwaSouth Africa lyokatongotongo, Johan van der Mescht pontanda yopElundu mo 1978.Omumvo ogo tuu ngoka Ashipala , yo na Martin Shalli, Martin Nashandi na Namoloh oya toto po etanga lya shewa lyoPlan ndyoka konima lya ka tseyikwa nedhina Typhoon.Ashipala okwa pewa iilonga yokuwilika etanga ndyoka sigo 1986, sho a ningwa omuwiliki gwoshitopolwa shokuumbangalantu zilo miita yekondjelomanguluko.Konima yemanguluko,Ashipala okwa li gumwe gwaawiliki yetanga lyegameno lya Namibia.Okwa li nondondo yuu Leitenanda Colonel nokwa li mewiliko lyo Battalion ontintatu, sigo omomumvo 1995.Mu January 1996 Ashipala okwa falwa kopolisi pondondo yuukomufala, mewiliko lyoshitayi shopolisi sha shewa. Shika osha li shi na oshinakugwanithwa shoku tonatela oongamba noku keelela iilonga yomiyonena.Ashipala okwa kala miilonga mbika sigo omomumvo 2007 sho a yi mopenzela, omuwiliki gwopolisi Leitenanda Ndjayi, Sebastian Ndeitunga okwe mu kaleke miilonga ongo omugandji mayele omukuluntu omolwa ontseyo nuunongo we.Okwa kala miilonga mbyoka sigo oosho a mana oondjenda.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
