Komufalandjai wopolifi Joseph Shikongo okwa ulika inspkta Christina Van-Dunem Da Fonsech a ninge omukulunhu woshikondo shipe shopolifi shokwaamena ovatalelipo.
Eshiivifo eli okwa li la ningwa kukomufalandjai wopolifi Joseph Shikongo pefimbo kwa li ta popi nengafifi lovanambelewa vopolifi koIsrael Patric Iyambo Police College Etivali.
Shikongo okwa ti Da Fonsech oku na owino nomunambelewa ha dulu oilonga, ta ti euliko laye oli li omulandu umwe wokwaamena nokukwatela po eameno lovatalelipo nosho yo okwaamena efano laNamibia paunyuni.
“Oshinima eshi shopakafimbo otashi lalakanene okunghonopeka ewiliko, okuxwepopaleka elongelokumwe pondodo yopashiwana nokukwashilipaleka omulandu woilonga yopamufika mokwaamena ovatalelipo neenhele domatalelepo moshilongo,” Shikongo osho a ti ngaho.
Shikongo okwa ti oshikondo eshi otashi ka tala kokwaamena ovatalelipo, okukelela nokukonakona oimbuluma tai kumu ovatalelipo nokukwatela po efano laNamibia ongoshilongo shi na eameno.
Okwa ti oshikondo eshi otashi kwashilipaleke omudingonoko wa amenwa nowombili wovatalelipo vomeni loshilongo novopaunyuni okupitila mokunyamuku kwa endelela, omakonakono opamufika, elongelokumwe lovakufimbinga nomikalo da nuka po dokukelela ombuluma.
“Pakufimaneka eameno lovatalelipo, oshikondo otashi kufa ombinga payukililo meliko loshiwana nokuyambula po efano laNamibia kutya oshilongo shiwa nokutalela po,” osho a ti ngaho.
Shikongo natango okwa pandula ovanambelewa vopolifi molwoikonga yokukelela oimbuluma yomafiku aa, ta ti kutya opolifi i wetike, eenghendabala dopaholamo, omainda omeendjila, eepatolola, omakonakono nelongelokumwe moitopolwahoololo aishe oya hanga lela osho tashi lalakanenwa.
“Onda hala okupandula ovanambelewa aveshe ovo va kufa ombinga moikonga molwoilonga yavo yopamufika, omikalo, elitulemo newanifepo loilonga yavo.
Eenghendabala deni da mana mo, eeveli diledile nepwakuduko lokuyakula koshi yomikundu dihapu oda holola omhepo yetanga lopolifi yaNamibia,” Shikongo osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
