Cymot na shune miilonga aaniilonga mboka a tidha, Aipinge osho a tokola

O MUTSEYINAWA mokukandulapo omaupyakadhi pokati kaaniilonga naagandji yiilonga, Sacky Aipinge, okwa tokola kutya Okampani ya Cymot oyi na okushunitha miilonga aaniilonga 79 mboka ya tidhwa miilonga mu Mei nuumvo.

Aipinge oye a li omunashipundi poshigongi sha li pokati kaakalelipo yehangano lyaaniilonga lya Metals and Allied Namibian Workers Union (Manwu) noya Cymot mu June nuumvo, mpoka pwa li pwa kundathanwa eindilo lya Manwu kutya aaniilonga naya shumwe mo miilonga. Omukuluntuwiliki gwa Cymot Axel Theissen okwa lombwele The Namibian ongula yohela kutya Aipinge shika okwe shi tokola molwashoka aniwa Cymot ina lombwela nawa aaniilonga mbaka, kutya ngele itaya hulitha po ekanka lyawo e taya shuna kiilonga, otaya ka tidhwa.Nande ongaaka, Theissen okwa ti kutya aaniilonga mbaka oya li ya lombwelwa iikando iyali kutya ekanka lyawo kali li paveta na ngele itaya shuna kiilonga, otaya ka tidhwa.Theissen okwa ti Aipinge okwa tsa kumwe nayo kutya ekanka lyaaniilonga mbaka kalya li paveta na omukalo ngoka ya longitha mokuungaunga noshinima shika, ogu uka nogu li paveta yAaniilonga.”Tse otwa thikama natango mpaka kutya aaniilonga mbaka oya tidhwa na itaya ka shunwa nande miilonga,” Theissen osho a popi ngaaka.Ta ti, aaniilonga ashike ye li yatatu oyo taya ka shunwa miilonga.Okwa ti aaniilonga mbaka oye na okushunwa miilonga molwashoka kaya li ya kutha ombinga mekanka.Cymot okwa li aniwa e shi nayo oya kutha ombinga mekanka, ihe nani hasho.”Mbaka oya lombwelwa yi ilopote kiilonga ngula (nena),” Theissen ta popi.Okwa ti ngele Manwu okwa hala okukondjitha etokolo lyawo kutya aaniilonga mbaka 76 itaya ka shunwa miilonga, ondjila oya eguluka okuya kOmpangu yAaniilonga oya memanguluko.Ohela, Amushanga-Ndjayi gwa Manwu Moses Shiikwa okwa lombwele The Namibian kutya ngele Cymot ina hala okushuna miilonga aaniilonga ayehe, otaye ke shi fala ashike kOmpangu pwaa na omakwatakato.”Kandi wete taya ka kala ye na oshipotha mu shika,” Shiikwa ta popi ngaaka.Cymot okwa li a tidha miilonga aaniilonga mbaka sho ya tindi okuningilwa oshigongi oshikando oshitine.Cymot ota popi wo kutya ekanka ndyoka aaniilonga ya ningi kalya li paveta.Aaniilonga oya ningi ekanka konima sho omuniilonga pamwe naye (a li oshilyo shOkomitiye yaaniilonga mOkampani) Albertus Cloete, a thidhwa miilonga.Shika osha li sha geyitha aaniilonga, taya ti kutya, etidho lya Cloete kali li pauyuuki na shika okwe shi ningilwa molwashoka oku lile po uuwanawa wawo.Cymot okwa ti Cloete okwa tidhwa sho a tindi okuninga shoka ta lombwelwa kaahona ye.Aaniilonga oya tindi okuningilwa oshigongi molwashoka, oya li ye wete kuya Holger Fircoulombo (ngoka a kongwa ku Cymot oye a kale omunashipundi gwosho), ota ka kala ashike a gama kokOmpani.Okuza mpoka, Cymot okwa ka konga po nee Aipinge, ngoka aaniilonga na Manwu ya li ye wete kutya oku li nawa.Omukuluntuwiliki gwa Cymot Axel Theissen okwa lombwele The Namibian ongula yohela kutya Aipinge shika okwe shi tokola molwashoka aniwa Cymot ina lombwela nawa aaniilonga mbaka, kutya ngele itaya hulitha po ekanka lyawo e taya shuna kiilonga, otaya ka tidhwa.Nande ongaaka, Theissen okwa ti kutya aaniilonga mbaka oya li ya lombwelwa iikando iyali kutya ekanka lyawo kali li paveta na ngele itaya shuna kiilonga, otaya ka tidhwa.Theissen okwa ti Aipinge okwa tsa kumwe nayo kutya ekanka lyaaniilonga mbaka kalya li paveta na omukalo ngoka ya longitha mokuungaunga noshinima shika, ogu uka nogu li paveta yAaniilonga.”Tse otwa thikama natango mpaka kutya aaniilonga mbaka oya tidhwa na itaya ka shunwa nande miilonga,” Theissen osho a popi ngaaka.Ta ti, aaniilonga ashike ye li yatatu oyo taya ka shunwa miilonga.Okwa ti aaniilonga mbaka oye na okushunwa miilonga molwashoka kaya li ya kutha ombinga mekanka.Cymot okwa li aniwa e shi nayo oya kutha ombinga mekanka, ihe nani hasho.”Mbaka oya lombwelwa yi ilopote kiilonga ngula (nena),” Theissen ta popi.Okwa ti ngele Manwu okwa hala okukondjitha etokolo lyawo kutya aaniilonga mbaka 76 itaya ka shunwa miilonga, ondjila oya eguluka okuya kOmpangu yAaniilonga oya memanguluko.Ohela, Amushanga-Ndjayi gwa Manwu Moses Shiikwa okwa lombwele The Namibian kutya ngele Cymot ina hala okushuna miilonga aaniilonga ayehe, otaye ke shi fala ashike kOmpangu pwaa na omakwatakato.”Kandi wete taya ka kala ye na oshipotha mu shika,” Shiikwa ta popi ngaaka.Cymot okwa li a tidha miilonga aaniilonga mbaka sho ya tindi okuningilwa oshigongi oshikando oshitine.Cymot ota popi wo kutya ekanka ndyoka aaniilonga ya ningi kalya li paveta.Aaniilonga oya ningi ekanka konima sho omuniilonga pamwe naye (a li oshilyo shOkomitiye yaaniilonga mOkampani) Albertus Cloete, a thidhwa miilonga.Shika osha li sha geyitha aaniilonga, taya ti kutya, etidho lya Cloete kali li pauyuuki na shika okwe shi ningilwa molwashoka oku lile po uuwanawa wawo.Cymot okwa ti Cloete okwa tidhwa sho a tindi okuninga shoka ta lombwelwa kaahona ye.Aaniilonga oya tindi okuningilwa oshigongi molwashoka, oya li ye wete kuya Holger Fircoulombo (ngoka a kongwa ku Cymot oye a kale omunashipundi gwosho), ota ka kala ashike a gama kokOmpani.Okuza mpoka, Cymot okwa ka konga po nee Aipinge, ngoka aaniilonga na Manwu ya li ye wete kutya oku li nawa.