Botswana inahala oontauki

EPANGELO lya Botswana olya tokola kutya itali ka taamba ongundu yoontauki dhAaKongo dhi li 41, ndhoka ngashiingeyi dha akela pu Mamumo (shi li poongamba dha Namibia na Botswana).

Shika osha li sha kolekwa kOmukalelipo gwEhangano egameni lyoontatu lyIigwanahangano mu Namibia/United Nations High Commissioner for Refugees (UNCHR), Joyce Mends-Cole na Amushanga omukuluntu mUuministeli wIikwameni, Samuel Goagoseb, konima yoshigongi shoka ya li ya ningi naanambelewa yEpangelo lya Botswana.Oontauki dhika, adhihe dha li mOkamba yoontauki pOsire – yi li ookulo 220 kuumbangalantu-zilow a Venduka, odha li dha thigi po Okamaba ndjika tadhi nyenyeta kutya otadhi ningilwa omatilitho geso.Mokati koontauki dhika omu na aanona ye li 23 ye li mepipi lyoomvula okuza puyimwe sigo 17).Ehangano Egameni lyUuthemba wOmuntu mu Namibia/National Society for Human Rights (NSHR) olya ti oontauki dhika odha li aniwa dhe ya lombwele kutya oye li taya ningilwa omatilitho ogendji geso.Shika osho nee aniwa sha eta oontauki dhika kadhi itula megameno lyEpangelo lya Namibia, dha tilwa okuningwa nayi molwashoka odhi iilyo yehangano lyontumba nosho wo molwashoka ye na omadhiladho gopapoliyika ga yooloka.NSHR okwa ti odhindji dhomoontauki dhika odhi li iilyo yehangano lyedhina Association of the Voiceless, ndyoka lili ehangano lyuuthemba womuntu pOsire.Ehangano ndika olya li lya totwa po nelalakano okugamena uuthemba woontauki naakongi yuuholameno pOsire, moka mu na oontaiku dhi li
7 000 lwaampoka.Nande ongaaka, UNHCR na Mends-Cole ayehe oya ti kutya oshinima shika kaye shi shi. Mends-Cole okwa lombwele The Namibian kutya nonande ita vulu okupopila ko Botswana, ota vulu oku shi koleka kutya Epangelo lyoshilongo shoka ‘olya tala ko oontauki dhika ong’aantu ya mona egameno mu Namibia,’ na kaye wete ye na etompelo okuya ethele moshilongo shawo.Okwa ti oshinima shi li nawa koontauki dhika osho okugalukila ku Namibia, ta ti kutya shika oye shi lombwelwa wo.