Blair okwa hala Mugabe a kuthwe ko koshipundi

BERLIN – Ngoka a li nale Omuprimaminista gwa Britain, Tony Blair – okuwete kutya otashi ka kala shi li nawa ngele Omupresidende gwa Zimbabwe, Robert Mugabe – ta umbwa ko koshipundi shUupresidende.

Blair shika okwa li aniwa e shi lolmbwele Omangazina yimwe ya Ndowishi oshiwike shika. gNgele ota vulu okukuthwa ko, na kuthwe ko. Omulumentu nguka okwa teya po oshilongo she. Opu na aantu oyendji ya si moshilongo she, mboka kaya li ye na okusa, h Blair osho a lombwele Omangazina yedhina Stern ngaaka.Blair okwa li wo ekelehi omapopyo kutya ekwathano lye enene na Amarika na Israel osha eta a kale ke shi omuntu oopala okupewa iilonga ye yokuhangukununa Aajewsih nAapalestina. ‘Otandi vulu oku shi popya nuuyuuki kapu nande oshikando shimwe mokuungaunga noshinima shAapalestina – oshinima shekwathano lyandje na Amerika nenge na Israel sha li shaka kala uupyakadhi, h Blair ta popi ngaaka.Blair, ngoka a li a zi ko koshipundi shUuprimaminista mu June 2007 – okwa li kuume omunene gwa George Bush pethimbo iilongo mbika ya li ya ponokele Iraq m omumvo 2003. Blair okwa ye ku uvite nande nayi sho ya kutha ko Saddam Hussein koshipundi, nonande mu Iraq inaya adha mo iilwitho ya nika oshipundi, shoka osho sha li etompelo enene okuya mo. – Nampa-AFP