Bemba a zimima oshizemo shomahogololo

K INSHASA – Onkundana okuzilila ku Kanshasa shOrepublika yUundemokoli ya Congo (DRC) otayi ti kutya Jean-Pierre Bemba, ngoka a li omukondjithi omunene gwOmupresidende Joseph Kabila momahogololo gOpaupresidende ngoka ga ningwa momashilongo shika mu Oktoba, okwa zimina esindiko momahogololo ngaka.

Shika okwe shi ningi konima sho Ompangu yopombandambanda mu DRC ya ekelehi eindilo lye kutya iizemo yomahogololo nayi talululwe, molwashoka aniwa okwa nyokonwa. Bemba okwa ti ye okuuvitile nayi noonkondo Ompangu sho ya ekelehi eindilo lye mOmaandaha, manga inayi tseyitha kutya Kabila oye a sindana momahogololo ngaka ga ningwa momasiku 29 ga Oktoba.”Ihe omolu uuwanawa woshigwana nokukalekapo ombila nokukelela omakuyunguto, nena otandi gana komeho ga Kalunga nogoshigwana, kutya otandi kala nokukondja pu holoke omalunduluko, ongo’ongundu yompilamena ya kola,” Bemba osho a popi ngaaka pamushangwa.Okuza mu Auguste, mu Kinshasa omwa holoka omakuyunguto iikando itatu pokati kaakwiita yEpangelo naamati ya homata ya Bemba na omakuyunguto ngaka oga faalele oomwenyo dhaantu ye li 30.Ombinga yimwe yOmpangu yopombandambata oya li wo ya fikwa po oshiwike sha zi ko.Amushanga-Ndjayi gwIigwanahangano Kofi Annan okwa pandula Kabila mesindano lye e ta indile oongundu dhompilamena ashihe mu DRC shi taambe ko iizemo yomahogoolo.Kabila, ngoka oye e li Omupresidende omushona mu Afrika alihe, e na ashike omimvo 35, ota ka pangele DRC uule woomvula ntano.Ngaka ogo omahogololo gotango gopaundemokoli taga ningwa mu DRC muule woomvula dha konda pomilongo ne.Nampa-AFPBemba okwa ti ye okuuvitile nayi noonkondo Ompangu sho ya ekelehi eindilo lye mOmaandaha, manga inayi tseyitha kutya Kabila oye a sindana momahogololo ngaka ga ningwa momasiku 29 ga Oktoba.”Ihe omolu uuwanawa woshigwana nokukalekapo ombila nokukelela omakuyunguto, nena otandi gana komeho ga Kalunga nogoshigwana, kutya otandi kala nokukondja pu holoke omalunduluko, ongo’ongundu yompilamena ya kola,” Bemba osho a popi ngaaka pamushangwa.Okuza mu Auguste, mu Kinshasa omwa holoka omakuyunguto iikando itatu pokati kaakwiita yEpangelo naamati ya homata ya Bemba na omakuyunguto ngaka oga faalele oomwenyo dhaantu ye li 30.Ombinga yimwe yOmpangu yopombandambata oya li wo ya fikwa po oshiwike sha zi ko.Amushanga-Ndjayi gwIigwanahangano Kofi Annan okwa pandula Kabila mesindano lye e ta indile oongundu dhompilamena ashihe mu DRC shi taambe ko iizemo yomahogoolo.Kabila, ngoka oye e li Omupresidende omushona mu Afrika alihe, e na ashike omimvo 35, ota ka pangele DRC uule woomvula ntano.Ngaka ogo omahogololo gotango gopaundemokoli taga ningwa mu DRC muule woomvula dha konda pomilongo ne.Nampa-AFP