Ayehe ya lya po iimaliwa yoshigwana naya kwatwe: RDP ta ti

PETHIMBO ta popitha oshigongi sho Rally for Democracy and Progress (RDP)pOngenga moshitopolwa sha Hangwena mOlyomakaya ga zi ko, oshilyo oshikuluntu shOmutimangundu gwo RDP omusamane Khandi Nehova, okwa ti kutya aantu mboka ya kwatwa omasiku ga zi ko shi na sha nokulya po iimaliwa paulingilingi hayo ike ya kwatwe ihe ayehe tuu mboka yalopotelwe ya lya po iimaliwa yoshigwana paulingilingi nayo naya kwatwe po ndele taya ka pangulwa ngashi ngaa mbaka yongashiingeyi taye shi ningilwa.

Nehova ta ti kutya moNamibia, omathimbo ga zi ko, omwa kana oshimaliwa oshindji, ngashi shoka sho Social Security shOomiliona omilongondatu, sho NDC shOomiliona ethele, shAakwiita shOomiliona ndatu lwaampoka nosho tuu nosho tuu, ashike sigo opo mpaka inapu kwatwa nokupangulwa omuntu shi na sha nekano lyiimaliwa mbyoka.’Iimaiwa mbyoka oyi li peni, mboka ye yi kutha po paulingilingi oya kwatwa tuu, noya pangulwa tuu? Nange inaya kwatwa otaya ka kwatwa ano uunake nokupangulwa? Nehova ta pula ngawo. Ookapia taya popiwa momaulingilingi gIimaliwa yoSocial Security otu ya wete taya galuka, yo ye na ngaa iipotha yiimaliwa mbyoka. Oshike ano tashi ningwa po kEpangelo lyOswapo? omusamane Nehova ta tumbula nokupula ngawo. ‘Mboka ye shi ninga naya kwatwe ndele taya falwa kOmpangu. Tse sho twa kondjela emanguluko lyoshilongo shika katwa li tatu kondjo tu man guluke opo iimaliwa yoshigwana yi yeb yi yakwe po kuyamwe noku yi lya po. Epangelo lyoSwapo olya nyengwa okukondolola onkalo, onkee shigwana ka hogolole o RDP momahogololo ngoka twa thinda opo oshilongo shi shune koluuli hoka shi na okukala, oshoka Swapo ke shi wete we, okwa kanitha ondjila nomalalakano gemangululo nehumithokomeho lyoshilongi shika naantu yamo.Nehova okwa popya wo kombinga yOveta yokundaadha tayi popiwa. Ta ti kutya Oveta ndjoka oya nika oshiponga. ‘Oveta ndjoka oya shike? Naye yi pitithe utale. Ashike naya kale ye shi shi kutya natse ngele otwa yi koshipundi otatu ke ya kwata nayo,’ Nehova ta ti ngawo.Pethimbo naye ta popitha oshigongi shika, gumwe gwomaawiliki yo RDP mOshitopolwa mem Ndapeea Nghipandulwa okwa indile kAakwaRDP yi ishangithe Uukalata womahogololo. Ta ti inayi ishangitha ashike mboka wuukwashilyo, ihe yi ishngithe wo unene mboka womahogololo opo ya ka vule okuhogolola momahogololo ngoka tagey agOpaupresidende nogOshigongi shOpashigwana ngoka taga ka kala ko mu Novemba nuumvo.Meme Nghipandulwa ta pandula ayehe ye yile. ‘Tangi unene sho mwe ya koshigongi sheni ngeyi. Yamwe omwe ya mu ipwaakenene ko ne yene,nonande mwa li mwalombwelwa kutya inamu ya ko, kaleni momagumbo geni. Tangi unene sho mwa li mwe ya mengathithi ngeyi,’Nghipandulwa ta ti ngawo. Ta gwedha po ta ti kutya ngashiingeyi RDP okwa tokola toko okuya nehwahwameko lye komeho mIitopolwa ayihe moNooli nosho tuu. Nghipandulwa ta ti omalongekidho oge li metifa okukaninga oshigongi shawo kOutapi kOmusati.’kOutapi oko tu na okuya nonande twa li twa dhengelwa ko niihauto yetu. Ohauto yandje onkee yi na ondeika, na itandi yi kutha ko nande. Oko tayi kala hoka ongoshidhimbulukodhidhiliko. Ashike kOutapi oko tatu yi shampa ashike ethimbo lya thiki na oli lim popepi lela nokuthika,’Nghipandulwa ta ti ngawo nokugwedha po kutya meti 25 Juli 2009, otaya ka kala noshigongi oshinene kOnheleiwa koshitopolwa sha Musati, hoka kwa li oshigongi oshinene shOmukokolipresidende. ‘Oko twa thinda hoka, tu ka dhime po oompadhi dhOmukokolipresidende nokulombwela oshigwana shaahoka etumwalaka lyo RDP,’me Nghipandulwa ta ti ngawo nokwiindila koshigwana sha namibia shi ka hogolole RDP momahogololo tage ya, opo moshilongo mu ye elunduluko li li mondjila.