aPata Huberrt a fumnvikwa kengathithi poDobra

O MUHONGI gwOngeleka ya Katoolika ka Roma moNamibia, Pata Hubert Anton Sheetekela Knuf, ngoka a li Omukuluntu gwOshikandjongeleka shOngeleka ya Katoolika sha Katana nokwa manene oondjenda dhe ongulohi yOsoondaha ye ti 6 Aguste 2006 pOkatana, okwa fumvikwa poDobra popepi nOvenduka kengathithi lyaalilasa tali kwatelwa komeho kOmumbiishofi Omukuluntu gwOngeleki ya Katoolika ka Roma moNamibia Liborius Ndumbukuti Nashenda mOlyomakaya ngaka ga zi ko.

Ongundu onene yOopata, Ooseesita, Oobruta, Aadiakoni, Aaendithi yOmagongalo gi ili nogi ilili, ayehe ya za koombinga adhihe dha Namibia noshowo Ooitalli yOngeleka ya Katoolika nookuume ya za kOongeleka omwayinathana dhilwe, oya li ya gongala poDobra mpoka nokuthindikila kuume kawo Pata Sheetekela. Omudhimba gwa Pata Hubert Sheetekela, ngoka gwa zile kOkatana nOshakati ongulohi yEtine lya zi ko nokweetwa kOvenduka kEhangano lyokufumvika lya AVBOB, sha ningwa konima yoshituthidhimbulutho she mOngeleka ya Katana, shoka sha ningilwe kOmumbiishofi gwOngeleka ya Katoolika mOshikandjongeleka sha Ndjiva moAngola, Omusimanekwa Kevanhu, ogwa thikile ongula onene yOlyomakaya pOdobra nokufalwa mOngeleka ya Dobra moka mwa ningilwa Emisa lye lyefumviko mewiliko lyOmumbiishofi Omukuluntu Nashenda.Manga Emisa ndika inali tameka pomulongo gwongula esiku ndjoka, mboka ye yile koshituthifumviko sha Pata Sheetekela mpoka, oya kala manga taya tala oshipala she nokugandja esimaneko lyahugunina kuye.”Otwa gongala nena mOngeleka muka, twe ya tu thindikileni Pata gwetu, kuume ketweni, Hubert Anton Knuf, ngoka wo a tseyika nedhina Sheetekela, ngoka twa kala tu shi nawa pethimbo a kala ta longo mokati ketu noku tu yakula nawa pambepo nosho tuu.Pata gwetu nguka okwa kala ta longo mokati ketu nokwa longa pomahala ogendji lela, ngashi mOvenduka, mOkatutura, mOkhomasdal, mo Usakos, mOkahandja, mOshomeya, po St Boniface, kEpukiro noshowo nee pOkatana mpoka a huginine.Otwa hala oku mu galikanena opo a ende nawa okuya ku Kalunga ketu,” Omumbiishofi Omukuluntu Nashenda ta tamekitha Emisa eyapuki lyefumviko lya nakusa pata Sheetekela, ngawo.Euvitho olya li lya ningwa kuPata Frans van Wyk gwaKatana , ngoka yo na Pata Lukas Mosmedi, naye gwa Katana, ya kelela manga pehala mpoka pwa li nakusa Pata Sheetekela, pOkatana mpoka.Pata Van Wyk ta ti kutya muuyuni omu na aantu ye na omaukwatya gopaali.Gumwe okuholike, gumwe keholike, ashike ngele oya si omafumviko gawo ohaga udha tuu ndo.Efumbiko lyaangoka a kala ke holike kuyamwe, oyendji mboka ya kale kaye mu hole ohaye ya ashike okutala kutya okwa sa tuu shili, omanga lyaangoka a kala eholike, aalilasa haye ya ye na oluhodhi shili noku mu simaneka omolwiilonga iiwanawa e yi ya longela.”Ondi wete atuheni mbaka twa gongala nena pefumviko lya Pata Hubert, inatu fa mbeyaka haye ya ashike okutala, omutondi gwawo kutya okwa sa shili, ashike tseni otweya noluhodhi lwoshili lwohole yo ku mu hola oshoka okwe tu longela iilonga iiwanwa yeuvitho lyohapu ya Kalunga, oku tu pukulula, oku tu galikanena nokugalikana aluhe pwamwe natse,” Pata van Wyk ta ti.A sa ta uvitha Ohapu ya Kalunga nokugalikana.Ta ti kutya Osoondaha ndjoka a mana oondjenda dhe, okwa adhikile a ka ninga Emisa/Elongelokalunga Eyapuki kEhafo lya Johannes hoka i ihokololitha oyendji yaahoka, unene tuu Aakolekwa nonando esiku ndjoka a pita kiiyuvite nawa.Pata Frans Van Wyk ta ti kutya Pata Sheetekela nguka okwa tamekele Etitatu lyeti 2 Aguste kiiyuvite nawa nokwa pewa ngaa oopela dhuuwehame, mEtine lyoshiwike shoka, uuwehame owa kala tau yi komeho nomEtitano moka, okwa monene Dr Matheus Mojekwu, ngoka e mu pe Opela dhi li nawa dhuuyehame.Olyomakaya ngoka geti 5 Auguste 2006, okwa li e li po hwepo.Ongula yOsoondaha manga inaya kEhafo hoka, oye mu indile kaaye ko ngeno oshoka ke uvite nawa, ashike aniwa okwe ya lombwele kutya oku na oshinakugwnaithwa shokuuvithila aantu ya Kalunga Ohapu ya Kalunga noku na ashike okuya kEhafo hoka opo a ka yakule aantu ya Kalunga yaahoka.Okwa yi na shi a mana Emisa eyapuki okwa galukile kOkatana.Ta li omwiha nokukafuwa po.Ta penduka nokwa kala ta endaenda mOmisioni moka nokutalela po iinamwenyo ngashi iingulu yawo, oondjuhwa nOombaka, molwashoka okwa li e yi hole.Komatango Oopata, ohaya ka galikana manga inaya kalya uulalelo.Nakusa Pata Hubert, oye a yi mo mOkapela moka tango nokutameka ta galikana oye awike manga.Oopata yakwawo noye ya ye mu ndjoine.Ashike pokati komagalikano moka, Pata Hubert okwa zi mo mOngeleka moka nokuya kegumbo lyawo.Manga Oopata yakwawo taya tsikile negalikano, Pata Van Wyk ota ti oya uvu einyengo enene kegumbo lyawo hoka.”Onda matukile ko nonda adha Pata Hubert a gwila po mOmbelewa yondjugo ye yokulala.Onda ithana, Oopata yakwetu, aapangi nOondohotola, ashike atuhe inatu pondola po sha, Pata Hubert otwa a dha a sa nale, a ya nale nani ku Kalunga ke,” Pata Van Wyk ta hokola ngawo meuvitho lye nokutsikila ko ta ti kutya Pata Hubert okwa sa eso ewanawa, a adhika lela e li mekwatathano na Kalunga ke.Omudhimba gwa Pata Hubert Sheetekela, ngoka gwa zile kOkatana nOshakati ongulohi yEtine lya zi ko nokweetwa kOvenduka kEhangano lyokufumvika lya AVBOB, sha ningwa konima yoshituthidhimbulutho she mOngeleka ya Katana, shoka sha ningilwe kOmumbiishofi gwOngeleka ya Katoolika mOshikandjongeleka sha Ndjiva moAngola, Omusimanekwa Kevanhu, ogwa thikile ongula onene yOlyomakaya pOdobra nokufalwa mOngeleka ya Dobra moka mwa ningilwa Emisa lye lyefumviko mewiliko lyOmumbiishofi Omukuluntu Nashenda.Manga Emisa ndika inali tameka pomulongo gwongula esiku ndjoka, mboka ye yile koshituthifumviko sha Pata Sheetekela mpoka, oya kala manga taya tala oshipala she nokugandja esimaneko lyahugunina kuye.”Otwa gongala nena mOngeleka muka, twe ya tu thindikileni Pata gwetu, kuume ketweni, Hubert Anton Knuf, ngoka wo a tseyika nedhina Sheetekela, ngoka twa kala tu shi nawa pethimbo a kala ta longo mokati ketu noku tu yakula nawa pambepo nosho tuu.Pata gwetu nguka okwa kala ta longo mokati ketu nokwa longa pomahala ogendji lela, ngashi mOvenduka, mOkatutura, mOkhomasdal, mo Usakos, mOkahandja, mOshomeya, po St Boniface, kEpukiro noshowo nee pOkatana mpoka a huginine.Otwa hala oku mu galikanena opo a ende nawa okuya ku Kalunga ketu,” Omumbiishofi Omukuluntu Nashenda ta tamekitha Emisa eyapuki lyefumviko lya nakusa pata Sheetekela, ngawo.Euvitho olya li lya ningwa kuPata Frans van Wyk gwaKatana , ngoka yo na Pata Lukas Mosmedi, naye gwa Katana, ya kelela manga pehala mpoka pwa li nakusa Pata Sheetekela, pOkatana mpoka.Pata Van Wyk ta ti kutya muuyuni omu na aantu ye na omaukwatya gopaali.Gumwe okuholike, gumwe keholike, ashike ngele oya si omafumviko gawo ohaga udha tuu ndo.Efumbiko lyaangoka a kala ke holike kuyamwe, oyendji mboka ya kale kaye mu hole ohaye ya ashike okutala kutya okwa sa tuu shili, omanga lyaangoka a kala eholike, aalilasa haye ya ye na oluhodhi shili noku mu simaneka omolwiilonga iiwanawa e yi ya longela.”Ondi wete atuheni mbaka twa gongala nena pefumviko lya Pata Hubert, inatu fa mbeyaka haye ya ashike okutala, omutondi gwawo kutya okwa sa shili, ashike tseni otweya noluhodhi lwoshili lwohole yo ku mu hola oshoka okwe tu longela iilonga iiwanwa yeuvitho lyohapu ya Kalunga, oku tu pukulula, oku tu galikanena nokugalikana aluhe pwamwe natse,” Pata van Wyk ta ti.A sa ta uvitha Ohapu ya Kalunga nokugalikana.Ta ti kutya Osoondaha ndjoka a mana oondjenda dhe, okwa adhikile a ka ninga Emisa/Elongelokalunga Eyapuki kEhafo lya Johannes hoka i ihokololitha oyendji yaahoka, unene tuu Aakolekwa nonando esiku ndjoka a pita kiiyuvite nawa.Pata Frans Van Wyk ta ti kutya Pata Sheetekela nguka okwa tamekele Etitatu lyeti 2 Aguste kiiyuvite nawa nokwa pewa ngaa oopela dhuuwehame, mEtine lyoshiwike shoka, uuwehame owa kala tau yi komeho nomEtitano moka, okwa monene Dr Matheus Mojekwu, ngoka e mu pe Opela dhi li nawa dhuuyehame.Olyomakaya ngoka geti 5 Auguste 2006, okwa li e li po hwepo.Ongula yOsoondaha manga inaya kEhafo hoka, oye mu indile kaaye ko ngeno oshoka ke uvite nawa, ashike aniwa okwe ya lombwele kutya oku na oshinakugwnaithwa shokuuvithila aantu ya Kalunga Ohapu ya Kalunga noku na ashike okuya kEhafo hoka opo a ka yakule aantu ya Kalunga yaahoka.Okwa yi na shi a mana Emisa eyapuki okwa galukile kOkatana.Ta li omwiha nokukafuwa po.Ta penduka nokwa kala ta endaenda mOmisioni moka nokutalela po iinamwenyo ngashi iingulu yawo, oondjuhwa nOombaka, molwashoka okwa li e yi hole.Komatango Oopata, ohaya ka galikana manga inaya kalya uulalelo.Nakusa Pata Hubert, oye a yi mo mOkapela moka tango nokutameka ta galikana oye awike manga.Oopata yakwawo noye ya ye mu ndjoine.Ashike pokati komagalikano moka, Pata Hubert okwa zi mo mOngeleka moka nokuya kegumbo lyawo.Manga Oopata yakwawo taya tsikile negalikano, Pata Van Wyk ota ti oya uvu einyengo enene kegumbo lyawo hoka.”Onda matukile ko nonda adha Pata Hubert a gwila po mOmbelewa yondjugo ye yokulala.Onda ithana, Oopata yakwetu, aapangi nOondohotola, ashike atuhe inatu pondola po sha, Pata Hubert otwa a dha a sa nale, a ya nale nani ku Kalunga ke,” Pata Van Wyk ta hokola ngawo meuvitho lye nokutsikila ko ta ti kutya Pata Hubert okwa sa eso ewanawa, a adhika lela e li mekwatathano na Kalunga ke.