Albertina na Toivo otaya ti po hwepo mOshipangelo sha Shakati

ALBERTINA Hamwaama (gwoomvula 21) gwokomukunda Omundudu mOukwanyama ngoka moshitopolwa sha Hangwena ongula onene yOssondaha ya zi ko a monene oshiponga sho a tsuwa noombele, aniwa komuholike gwe Johannes Shaanika, oshowo omumati Toivo Mwandingi gwokEkoka moshitopowla sha Hangwena ngoka ya tsuwilwe nomukunda, aniwa ku John Abraham, Osoondaha ya zi ko, ndele naye ta taambelwa moshipangelo shEpangelo sha Shakati, ngashiingeyi otaya ti po hwepo moshipangelo moka.

Albertina ota hokolola kutya Johannes ngoka e na naye okanona kokamati komvula yimwe noomwedhi omugoyi lwamapoka, Olyomakaya ga zi ko okwe ya ku ye kOmundudu te mu lombwele kutya okwa ila ko okanona ke molwashoka okwa kundana kutya oku li hayi naalumentu yalwe yi ili.
Ongulohi yOlyomakaya ngoka oya lala ngaa, ashike lwokoongulasha hoka, Johannes okwe mu dhimukile nomapulo ngoka kutya ne mu lombwele omulumentu ngoka ha kala naye. ‘Nda li ku mu lombwela kutya kapu na oshinima shoka ta popi, Johannes, okwa kala noku mu pula pula oshinima shoka.
Ta ti kutya okwa uva nawa kutya oku na po omulumentu gumwe. Oya mwena po aniwa na Albertina okwa kotha. Ashike manga e li mooposi, okwe kiiyuva a tsuwa nombele mokusti kumwe nokwa penduka nziya. Mondunda oya adhika ya lala mo nokanona ke hoka nakakwawo kamwe, okakuluntu kashona. So nda penduka ngawo, otwa tameke nee tau kondjo, ye nokutsikila nee ta tsu ndje nombele ndjoka a li nayo, tandi tengeneke kutya oyokapi.
Ta tsu ndje nee momutse noshowo montulo, nokomaako sho tandi kandekele. Okanona ketu nako okwe ka teta nombele keke limwe. Aanona oya kugu, naakuluntu sho ye ya oya adha ndje nda gwa nale, kandi na we oonkondo. Ombinzi ya za ndje oyindji. Sho ta tsu ndje ota ti oku na ashike okudhipaga ndje nenge a lemaneke ndje. Ashike hewa inatsa ndje puuwinayi, ngeno pamwe okwa dhipaga ndje shili. Ondi na elago shili,’ Albertina ta hokololele The Namibian ngawo okuzilila mombete ye mOshipangelo shEpangelo sha Shakati mEtitatu lya zi ko.
Osoondaha ndjoka, Opolisi ya Hangwena oya lopota mOshitopowla mwa li mwa tsuwa aakalimo yatatu noombele, Albertina a kwatelwa mo.
Petrus Nghaangulwa gwoomvula kadhi shiwike manga kwali, gwomomukunda Opepela mOukwanyama mOshitopolwa sha Hangwena noshowo Toivo Mwandingi gwokomukunda Ekoka mOukwanyama moshitopowla sha Hangwena, nayo mOsoondaha tuu ndjoka ya zi ko oya tsilwe noombele noya tuminwe wo nayo kOshipangelo shEpangelo sha Shakati.
Petrus Nghaangulwa okwa lalekwa mo nale mEtitatu lyoshiwike shika, ashike Toivo Mwandingi, ngoka a tsuwa pomutima lela, shalongo ashike ombele ya kambaakana, ya uka koombati dhokolulyo, omo e li natango moshipangelo shEpangelo sha Shakati yo na Albertina. Toivo, ota ti naku mu tsa oye John Abraham, na ke shi kutya okwe mu tsila shike nombele, oshoka ina popya naye, na inaya umana naye nande.
Toivo ta ti puukamba wawo mpoka a tsilwa nombele wedhina Olupundi, okwa adhika ashike opo e ya po, na manga opo e li okuuvite ashike aantu bye li lwopuye taya ti, ‘to tsuwa nena nomukonda, na shi a ka tala okwa tsuwa nale lwopmutima. Ondi na elago oshoka omukonda inagu tsa gwa ukilila komutima, ogwa tsu gwa uka momunkulo, lwokoombati dhokolulyo, na osho sha hupitha dnje shoka ndi wete,’ Mwandingi ta ti ngaaka.
Omupopiliko gwOpolisi mOhangwena, Shisaande Abner Iitumba, okwa ti oonakweeta iiponga mbika, ano Johannes Shaanika, ngoka a tsu meme Albertina Hamwaama noombele, oshowo Elia Shindume gwoomvula 18 noshowo nee John Abraham, ngoka a tsu nombele Mwandingi, oya kwatwa po nale kOpolisi noya holokele moompangu dhOomangestrata kIitopolwa yawo.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.