Agribank ota ti ye ina mbangolota nando

E WILIKONGUNDU lyOmbaanga yUunamapya ya Agribank nOmuwilikikuluntu gwOmbaanga ndjika Leonard Ipumbu, oyi ikaleka kokule nolopota yiinewe yOmbaanga yomumvo 2004, taya popi kutya kashi shi shoshili kutya Ombaanga oyi li pokumbangolota.

Pethimbo ta tseyitha pambelewa olopota yokomumvo yOmbaanga yawo yomumvo 2004 mEtiyali lyoshiwike shika mOvenduka, Omunashipundi gwEwilikongundu lya Agribank, Hans-Gunther Stier, okwe shi zimine kutya Ombaanga oyi na omaliko ga gwana, ihe kayi na naanaa okeshe. Molopota ye yomumvo 2004, Omuyaluli gwelongitho lyiimaliwa yEpangelo Junias Kandjeke, okwa popi kutya ye ke wete Ombaanga ndjika tayi ka vula okuya komeho niilonga yayo monakuyiwa.Kandjeke okwa ti Ombaanga ndjika oya kanitha oshimaliwa shOondola oomiliyuna omilongo ndatu na hetali (N$37 million), momumvo 2003-2004.Nando ongaaka, Stier okwa ti egandjo lyomikuli mOmbaanga mu shoka hashi ithanwa Affirmative Action Loan Scheme (AALS) otali ka tsikila, uuna kwa monika oshimaliwa.Stier okwa ti Ombaanga oyi na ashike uupyakadhi wokukutha ko oshimaliwa shomikuli shoka ya kuthwa.Ihe aniwa shika itashi ti kutya oya mbangolota.Okwa ti olopota ya Kandjeke inayi gandja ethano li li mondjila kombinga yiinewe yOmbaanga yawo.Ta ti, momumvo 2003-2004 – omaliko niimaliwa mbyoka i ikalekela, oya li yi li pOomiliyuna omathele ga hamano nomilongo heyali na mbali (N$672 million) omanga omikulu ndhoka ya gandja niifuta yilwe ya li yi li pOondola oomiliyuna omathele gatano nomilongo ne na ne (N$544 million).Pethimbo ndika, Ombaanga ndjika oyi na oongunga dhOondola oomiliyuna ethele nomilongo hamano na hamano (N$166 million).Omumvo tagu ya, Ombaanga ndjika oya popi kutya oyi inekela ashike tayi ka mona ovenisa (oprofita) yOondola oomiliyuna ethele nomilongo ne (N$140 million), okuza momikuli dhOondola obiliona yimwe oshinkwanu mbali.Agribank okwa thikamenwa komaindilo gomikuli kumwe agehe taga ka pula Ombaanga Oondola oomiliyuna omilongo ntano na mbali (N$52 million).Omaindilo ngaka oga ziminwa nale kOmbaanga, ihe kapu na manga oshimaliwa.Agribank okwa ti omikuli ndhika okwa tegelelwa shi ka gandjwe manga omumvo nguka inagu idhenge pevi.Omaindilo gomikuli dhoshimaliwa shOondola oomiliyuna omilongo ndatu na mbali (N$32 million) inaga ziminwa natango.Stier okwa ti oshinima shokeshe itayi ende nawa osha etwa kethimbo ele ndyoka Ombaanga hayi kala ya tegelela opo aanafaalama mboka ya pewa omikuli ya fute.Ombaanga ohayi tegelele uule woomvula ne lwaampoka, opo oonakupewa omikuli ya galule oshimaliwa shayo.Omakwathelo goshimaliwa ku Agribank ohaga zi unene kOmbaanga ya Afrika yOmayambulopo.Molopota ye yomumvo 2004, Omuyaluli gwelongitho lyiimaliwa yEpangelo Junias Kandjeke, okwa popi kutya ye ke wete Ombaanga ndjika tayi ka vula okuya komeho niilonga yayo monakuyiwa.Kandjeke okwa ti Ombaanga ndjika oya kanitha oshimaliwa shOondola oomiliyuna omilongo ndatu na hetali (N$37 million), momumvo 2003-2004.Nando ongaaka, Stier okwa ti egandjo lyomikuli mOmbaanga mu shoka hashi ithanwa Affirmative Action Loan Scheme (AALS) otali ka tsikila, uuna kwa monika oshimaliwa.Stier okwa ti Ombaanga oyi na ashike uupyakadhi wokukutha ko oshimaliwa shomikuli shoka ya kuthwa.Ihe aniwa shika itashi ti kutya oya mbangolota.Okwa ti olopota ya Kandjeke inayi gandja ethano li li mondjila kombinga yiinewe yOmbaanga yawo.Ta ti, momumvo 2003-2004 – omaliko niimaliwa mbyoka i ikalekela, oya li yi li pOomiliyuna omathele ga hamano nomilongo heyali na mbali (N$672 million) omanga omikulu ndhoka ya gandja niifuta yilwe ya li yi li pOondola oomiliyuna omathele gatano nomilongo ne na ne (N$544 million). Pethimbo ndika, Ombaanga ndjika oyi na oongunga dhOondola oomiliyuna ethele nomilongo hamano na hamano (N$166 million).Omumvo tagu ya, Ombaanga ndjika oya popi kutya oyi inekela ashike tayi ka mona ovenisa (oprofita) yOondola oomiliyuna ethele nomilongo ne (N$140 million), okuza momikuli dhOondola obiliona yimwe oshinkwanu mbali.Agribank okwa thikamenwa komaindilo gomikuli kumwe agehe taga ka pula Ombaanga Oondola oomiliyuna omilongo ntano na mbali (N$52 million).Omaindilo ngaka oga ziminwa nale kOmbaanga, ihe kapu na manga oshimaliwa.Agribank okwa ti omikuli ndhika okwa tegelelwa shi ka gandjwe manga omumvo nguka inagu idhenge pevi.Omaindilo gomikuli dhoshimaliwa shOondola oomiliyuna omilongo ndatu na mbali (N$32 million) inaga ziminwa natango.Stier okwa ti oshinima shokeshe itayi ende nawa osha etwa kethimbo ele ndyoka Ombaanga hayi kala ya tegelela opo aanafaalama mboka ya pewa omikuli ya fute.Ombaanga ohayi tegelele uule woomvula ne lwaampoka, opo oonakupewa omikuli ya galule oshimaliwa shayo.Omakwathelo goshimaliwa ku Agribank ohaga zi unene kOmbaanga ya Afrika yOmayambulopo.