Afrika a mona Omupresidende omukiintu

M ONROVIA – Ngoka a li nale Ominista yIimaliwa mu Liberia meme Ellen Johnson-Sirleaf okwa ningi omukiintu gwotango ta hogololwa ong’Omupresidende gwoshilongo mu Afrika.

Iizemo yomahogololo ngoka ga ningwa mu Liberia omasiku ga zi ko oya tseyithwa mEtitatu lya zi ko moka mwa tseyithwa kutya meme Ellen oye a sindana momahogololo ngoka. Oshikondo shOmahogololo mu Liberia osha tseyitha ngeyi kutya iizemo yomahogololo ngoka ga ningilwe momasiku 8 Novemba oya ulike kutya omunasikola gwOyunivesiti ya Haward mIikwambaanga nIikwaliko oye a dhenge mo omudhanitanga omiliyolela George Weah niitsa nenge tutye noopelesenda 59,4, omanga Weah a zimo owala noopelesenda 40,6.”Sho Ellen Johnson-Sirleaf a zimo noopelesenda dhi vulithe pomilongo ntano momahogololo ngoka ga ningwa mu 8 Novemba, ota tseyithwa mpaka ong’omusindani gwomahogololo gOpaupresidende,” Omunashipundi gwa NEC, Frances Johnson Morris osho a tseyitha ngaaka pethimbo lyoshituthi shopambalewa moshilandopangelo Monrovia.”Ondu uvite ombili nuugumbo.Otandi pandula Aaliberia sho ya yambidhidha ndje,” omuhogololwa-presidende gwomimvo 67, ngoka a li a zala onguwo yoshiAfrika ta popi ngaaka omanga aayambidhidhi ye taye mu hambelele nokwiigidha mokule nenyanyu.Ombelewa yOmahogololo mu Liberia oya tseyitha pambelewa kutya Ellen Johnson-Sirleaf oye a sindana po omahogololo ngoka ga ningwa kuyele omwedhi nguka, nando nee otayi konakona enyenyeto lyopambelewa ndyoka lya ningwa ku Weah kutya omahogololo oga yakwa.Aayambidhidhi yomudhanitanga mosipana ya AC Milan oya ningi ehololomadhiladhilo momapandaanda shoka sha ka eta poompito dhimwe ye ki idhenge mumwe nOpolisi.Weah oku na aayambidhidhi oyendji mboka oyendji yomuyo ye li aagundjuka.aakonakoni naataleli yomahogololo yopaigwana oya hokolola kutya omahogololo ngoka oga enda nawa noga li lela pauyuuki.Mu Liberia omwa kala iita yopashigwana konyala uule womimvo 14.Aataleli yomahogololo oyandji okuza miilongo ya Afrika nosho wo omatanga gIigwanahangano ge li 15 000 oya li taya talele omahogololo ngoka.Ongundu ya Weah yedhina Congress for Democratic Change (CDC) oya popi kutya otayi tsikile nokukondjitha iizemo yomahogololo.”Otwa pula aayambidhidhi yetu ayehe opo ya ngungumane omanga ta tu landula oondjila dhopaveta,” Omunashipundi gwa CDC, Cole Bangaloe ta lombwele ngaaka oshitumikundaneki sha Reuters.Omatanga gIigwanahangano ge li uupathi taga yambidhidhwa kiihauto oga li taga tonatele ehala limwe mu Monrovia lwopopepi netungo lya Centennial Pavilion mpoka opo pwa tseyithilwa iizemo yomahogololo.Owino niilonga ya Johnson-Sirleaf oya kwatela mo okulonga mIigwanahangano, mOmbaanga yUuyuni nosho wo mo Citigroup.Weah gwomimvo 39 okwa ningi omudhanitanga shoka shemu eta nokuli pethimbo limwe a hogololwe omudhani dhingi gwokomumvo mu Fifa mUuyuni.Weah okwa putukila mondoolopa yiinyakwi mu Monrovia nokwa ka thiga po osikola yaanona sho a ningi omudhanitanga.Omuwiliki gwEtanga lyIigwanahangano mu Liberia, Alan Doss okwa hokolola kutya esindano lya Johnson-Sirleaf kali shi owala oshinima oshiwanawa kAaliberia yoyene ihe oshi li ondjokonona ombwaanawa mEnenevi.”Otandi halele meme Ellen Johnson-Sirleaf omayambeko sho a sindana momahogololo ngoka.Oye omukiintu gwotango mu Afrika ta hogololwa omutse gwoshilongo,” ta popi ngaaka.”Ondjila kayi shi ompu, ihe okwa tameke olweendo niilonga ye neyambidhidho lyAaliberia nosho wo ndyoka lyiigwana yopaigwana, Doss ta gwedha po ishewe ngaaka.Okwa pandula wo Weah sho a kutha ombinga momahogololo ngoka paundemokoli.Nando ongaaka, Ellen Johnson-Sirleaf okwa gana okuhanganitha Aaliberia mboka ya li ya topagulwa kiita yopashigwana moshilongo nokutungulula oshilongo shoka sha tuulagulwa kiita mbyoka ya dhipaga aantu omayovi ogendji nokuthiga yamwe yaana omalukalwa.Nando nee iita yopashigwana ya hula omimvo mbali dha zi ko sho Omupresidende Charles Tayler a yi muupongekwa, mu Monrovia nosho wo moondoolopa dhilwe kamu na omeya nolusheno.Aanadiplomaate oye na uumbanda mbuka kutya aaniita mboka taya yambidhidha Weah otashi vulika ya ka ete nokutukula uupyakadhi ngele okwa kana momahogololo.Ashike mboka ya li nale aawiliki yoongundu dhoorebele Prince Yormi Johnson na Sekou Cpnneh oya indile Weah a zimine kutya okwa ndopa momahogololo.Oshikondo shOmahogololo mu Liberia osha tseyitha ngeyi kutya iizemo yomahogololo ngoka ga ningilwe momasiku 8 Novemba oya ulike kutya omunasikola gwOyunivesiti ya Haward mIikwambaanga nIikwaliko oye a dhenge mo omudhanitanga omiliyolela George Weah niitsa nenge tutye noopelesenda 59,4, omanga Weah a zimo owala noopelesenda 40,6.”Sho Ellen Johnson-Sirleaf a zimo noopelesenda dhi vulithe pomilongo ntano momahogololo ngoka ga ningwa mu 8 Novemba, ota tseyithwa mpaka ong’omusindani gwomahogololo gOpaupresidende,” Omunashipundi gwa NEC, Frances Johnson Morris osho a tseyitha ngaaka pethimbo lyoshituthi shopambalewa moshilandopangelo Monrovia.”Ondu uvite ombili nuugumbo.Otandi pandula Aaliberia sho ya yambidhidha ndje,” omuhogololwa-presidende gwomimvo 67, ngoka a li a zala onguwo yoshiAfrika ta popi ngaaka omanga aayambidhidhi ye taye mu hambelele nokwiigidha mokule nenyanyu.Ombelewa yOmahogololo mu Liberia oya tseyitha pambelewa kutya Ellen Johnson-Sirleaf oye a sindana po omahogololo ngoka ga ningwa kuyele omwedhi nguka, nando nee otayi konakona enyenyeto lyopambelewa ndyoka lya ningwa ku Weah kutya omahogololo oga yakwa.Aayambidhidhi yomudhanitanga mosipana ya AC Milan oya ningi ehololomadhiladhilo momapandaanda shoka sha ka eta poompito dhimwe ye ki idhenge mumwe nOpolisi.Weah oku na aayambidhidhi oyendji mboka oyendji yomuyo ye li aagundjuka.aakonakoni naataleli yomahogololo yopaigwana oya hokolola kutya omahogololo ngoka oga enda nawa noga li lela pauyuuki.Mu Liberia omwa kala iita yopashigwana konyala uule womimvo 14.Aataleli yomahogololo oyandji okuza miilongo ya Afrika nosho wo omatanga gIigwanahangano ge li 15 000 oya li taya talele omahogololo ngoka.Ongundu ya Weah yedhina Congress for Democratic Change (CDC) oya popi kutya otayi tsikile nokukondjitha iizemo yomahogololo.”Otwa pula aayambidhidhi yetu ayehe opo ya ngungumane omanga ta tu landula oondjila dhopaveta,” Omunashipundi gwa CDC, Cole Bangaloe ta lombwele ngaaka oshitumikundaneki sha Reuters.Omatanga gIigwanahangano ge li uupathi taga yambidhidhwa kiihauto oga li taga tonatele ehala limwe mu Monrovia lwopopepi netungo lya Centennial Pavilion mpoka opo pwa tseyithilwa iizemo yomahogololo.Owino niilonga ya Johnson-Sirleaf oya kwatela mo okulonga mIigwanahangano, mOmbaanga yUuyuni nosho wo mo Citigroup.Weah gwomimvo 39 okwa ningi omudhanitanga shoka shemu eta nokuli pethimbo limwe a hogololwe omudhani dhingi gwokomumvo mu Fifa mUuyuni.Weah okwa putukila mondoolopa yiinyakwi mu Monrovia nokwa ka thiga po osikola yaanona sho a ningi omudhanitanga.Omuwiliki gwEtanga lyIigwanahangano mu Liberia, Alan Doss okwa hokolola kutya esindano lya Johnson-Sirleaf kali shi owala oshinima oshiwanawa kAaliberia yoyene ihe oshi li ondjokonona ombwaanawa mEnenevi.”Otandi halele meme Ellen Johnson-Sirleaf omayambeko sho a sindana momahogololo ngoka.Oye omukiintu gwotango mu Afrika ta hogololwa omutse gwoshilongo,” ta popi ngaaka.”Ondjila kayi shi ompu, ihe okwa tameke olweendo niilonga ye neyambidhidho lyAaliberia nosho wo ndyoka lyiigwana yopaigwana, Doss ta gwedha po ishewe ngaaka.Okwa pandula wo Weah sho a kutha ombinga momahogololo ngoka paundemokoli.Nando ongaaka, Ellen Johnson-Sirleaf okwa gana okuhanganitha Aaliberia mboka ya li ya topagulwa kiita yopashigwana moshilongo nokutungulula oshilongo shoka sha tuulagulwa kiita mbyoka ya dhipaga aantu omayovi ogendji nokuthiga yamwe yaana omalukalwa.Nando nee iita yopashigwana ya hula omimvo mbali dha zi ko sho Omupresidende Charles Tayler a yi muupongekwa, mu Monrovia nosho wo moondoolopa dhilwe kamu na omeya nolusheno.Aanadiplomaate oye na uumbanda mbuka kutya aaniita mboka taya yambidhidha Weah otashi vulika ya ka ete nokutukula uupyakadhi ngele okwa kana momahogololo.Ashike mboka ya li nale aawiliki yoongundu dhoorebele Prince Yormi Johnson na Sekou Cpnneh oya indile Weah a zimine kutya okwa ndopa momahogololo.