OMUNIILONGA gumwe pombaa yomalovu moShiwakopo okwa pewa egeelo lyondholongo oomvula ndatu netata oshiwike sha yi.
Deon Aebeb[27] okwa pewa egeelo ndika konima yokumonika ondjo muufuthi wiimaliwa yoodola 16000, okuza piilonga mpoka a li a kutwa ongo omuniilonga gwomombaa.Okwa li omuniilonga mombaa yedhina Swakopmund Laundry. Aebeb okwa zimine kutya oku na ondjo mokuyaka oshimaliwa shoka, a kala heshi kutha omwaalu omushona pethimbo oku za mu 2 ga Kotoba sigo 20 ga Kotoba. Okwa ti okwa li eli mompumbwe yoshimaliwa koomuma. Shika okwe shi longitha po okulanda iikutu noshowo oku ya kooparty pooclub dha yooloka moshilando shokomunkulofuta, osho a hokololele mengestrata, Bernhard Tjatjara. Metokolo lye mengestrata Tjatjara okwa ti oshinima oshiwinayi ooshika Aebeb okwa yaka molwa uufukedhi opo a ka ye kooparty, noshowo a kale nokumwenya onkalo yi li pombanda ndjoka ye itaa vulu oku futila.Okwa ti sho tuu a tameke oku kutha iimaliwa mbika no inaa kwatwa okwa tsikile noku kutha olutiyali nolutitatu okwa tsikile ngaaka. Sha hala okutya oshinima ine shininga ashike molwaasho a haluka koshimaliwa shili komeho ge ndele okwe shi longekidha nawa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
