Ackermans-Oshikango a gandja omagano giikutu kOothigwa pOdibo

POSHIKANGO O NGESHEFA ya tseyika nawa yedhina Ackermans yopOshikango mEtitatu lya zi ko oya gandja omagano giikutu koothigwa noshowo kaanona mboka ya mona iihuna yomEhangano Omwene Tumenge, tali adhika pOdibo mOukwanyama mOshitopolwa sha Hangwena nomomudhingoloko.

Omagano ngaka oga pewa nee Kansela gwOshikandjohogololo sha Shikango tate Nghiyavelwa Nambinga kOmukuluntu gwOpevi gwOsitola ya Ackermans pOshikango mpoka meme Saima Theofelus. Nambinga te ga pe Seesitela Pelita Haihambo Matrona gwOkoshipangelo sha Dibo, ngoka wo e li Omuunganeki gwEhangano lyawo ndyoka Omwene Tumenge.Odibo oyi li mOshikandjohogololo sha Kansela Nghiyavelwa Nambinga, sha Shikango, na Kansela Nambinga ota ti kutya naye oku li gumwe gwomwaamboka yomEhangano Omwene Tumenge, moka wo mu na iilyo oyindji yomOkomitiye yEhumithokomeho lyOshikandjohogololo sha Shikango.Ta ti sho nee ya mono oompumbwe oonene dhi newe koothigwa nokaanona ya mona iihuna mOshikandjohogololo she noshowo kaakulupe, aluhe ohayi nee kookuume ke yaanangeshefa ngashi Oackermans mbaka nosho tuu noku ya indila omakwatho, ya vule okukwathela nago oothigwa naananona ya mona iihuna mOshikandjohogololo shawo shoka sha Shikango, mwa kwatelwa wo naakulupe.Nambinga ta ti nee kutya Ackermans gumwe gwomaanangeshefa haye ya kwatha lela note ya pandula noonkondo sho natango e ya kwatha ngeyi.Ta ti mOshikandjohogololo oye na mo oyendji haya pile omagumbo nohaya kwathwa noonkondo ku Ackermans nayakwawo yalwe yomOshikango.”Otatu ya pandula shili noonkondo notatu ya halele ompolo ombwanawa , omukumo nepulokomeho lyiilonga yawo iiwanawa mbika mokati koshigwana yokukwathela oothigwa, oohepele naakulupe.Seesitela Haihambo naye ota pandula noonkondo Ackermans-Oshikango nosho tuu, sho te ya kwathele ngeyi.Ta ti shika oshikando oshititatu te ya kwathele.Ta ti ohe ya kwatha oonguyo dhaanona yoothigwa mbaka naamboka ya mona iihuna noshowo oongaku nomakumbatha.Meme Saima gwa Ackermans ota ti kutya omakwathelo ngoka haya gandja oshi li oshitopolwa shawo shonkalathano yawo noshigwana.Okukwathela mboka ya pumbwa ekwatho, ngashi naanaa oothigwa, oohepele noshowo aakulupe.”Tashi ti tse inatu hala ashike okukutha mo moshigwana, ihe otwiilongekidha wo okugalulila sha moshigwana okuza mwaashoka haye tu pe, nenge tu tye haye tu yambidhidha nasho, sho taya landa mOositola dhetu.Tse otu li lela twi ilongekidha okukwathela oshigwana, unene tuu shoka shoothigwa, shaanona ya mona iihuna noshowo aakulupe yetu, ngashi tatu shi ningi ngeyi,” Saima ta ti ngawo pethimbo ta gandja omagano ngaka ku Kaansela tate Nambinga na Seesitela Haihambo pOshikango mpoka omutenya gwEtitatu lyoshiwike shika.Nambinga te ga pe Seesitela Pelita Haihambo Matrona gwOkoshipangelo sha Dibo, ngoka wo e li Omuunganeki gwEhangano lyawo ndyoka Omwene Tumenge.Odibo oyi li mOshikandjohogololo sha Kansela Nghiyavelwa Nambinga, sha Shikango, na Kansela Nambinga ota ti kutya naye oku li gumwe gwomwaamboka yomEhangano Omwene Tumenge, moka wo mu na iilyo oyindji yomOkomitiye yEhumithokomeho lyOshikandjohogololo sha Shikango.Ta ti sho nee ya mono oompumbwe oonene dhi newe koothigwa nokaanona ya mona iihuna mOshikandjohogololo she noshowo kaakulupe, aluhe ohayi nee kookuume ke yaanangeshefa ngashi Oackermans mbaka nosho tuu noku ya indila omakwatho, ya vule okukwathela nago oothigwa naananona ya mona iihuna mOshikandjohogololo shawo shoka sha Shikango, mwa kwatelwa wo naakulupe.Nambinga ta ti nee kutya Ackermans gumwe gwomaanangeshefa haye ya kwatha lela note ya pandula noonkondo sho natango e ya kwatha ngeyi.Ta ti mOshikandjohogololo oye na mo oyendji haya pile omagumbo nohaya kwathwa noonkondo ku Ackermans nayakwawo yalwe yomOshikango.”Otatu ya pandula shili noonkondo notatu ya halele ompolo ombwanawa , omukumo nepulokomeho lyiilonga yawo iiwanawa mbika mokati koshigwana yokukwathela oothigwa, oohepele naakulupe.Seesitela Haihambo naye ota pandula noonkondo Ackermans-Oshikango nosho tuu, sho te ya kwathele ngeyi.Ta ti shika oshikando oshititatu te ya kwathele.Ta ti ohe ya kwatha oonguyo dhaanona yoothigwa mbaka naamboka ya mona iihuna noshowo oongaku nomakumbatha.Meme Saima gwa Ackermans ota ti kutya omakwathelo ngoka haya gandja oshi li oshitopolwa shawo shonkalathano yawo noshigwana.Okukwathela mboka ya pumbwa ekwatho, ngashi naanaa oothigwa, oohepele noshowo aakulupe.”Tashi ti tse inatu hala ashike okukutha mo moshigwana, ihe otwiilongekidha wo okugalulila sha moshigwana okuza mwaashoka haye tu pe, nenge tu tye haye tu yambidhidha nasho, sho taya landa mOositola dhetu.Tse otu li lela twi ilongekidha okukwathela oshigwana, unene tuu shoka shoothigwa, shaanona ya mona iihuna noshowo aakulupe yetu, ngashi tatu shi ningi ngeyi,” Saima ta ti ngawo pethimbo ta gandja omagano ngaka ku Kaansela tate Nambinga na Seesitela Haihambo pOshikango mpoka omutenya gwEtitatu lyoshiwike shika.