Aawiliki yo CoD yopaitopolwa kaye uvitile nawa ongundu yawo

A AKWATAKANITHI yongundu yo Congress of Democrats (CoD) miitopolwa ine yokOnooli, oya hala okufala ongundu yo kOmpangu ngele oya ningi nOkongresa yo CoD ya gwedhwapo ngashi sha tokolwa.

Omathimbo ga zi ko, Okomitiye ompitithi yOpashigwana yo CoD, oya li ya ningi etokolo kutya Okongresa ya gwedhwapo yo CoD nayi ningwe petata lyotango lya Mei po Keetmanshoop. Nande ongaaka, aakwatakanithi yo CoD moshitopolwa sha Shana, Oshikoto, Ohangwena nOmusati, otaya nyenyeta kutya etokolo ndika inali ningwa pakotampango lyOpaati.Sho Okongresa yo CoD ya ninge etokolo ndika, oya li wo ya popi kutya omwaalu gwaantu mboka taya ka kala mOkongresa ya gwedhwapo, otaya ka kala yi ikwatelela koshizemo yOmahogololo gomumvo 2004.Shika otashi ti nee kutya moshitopolwa moka CoD a li a mono omawi ogendji pethimbo lyomahogololo ngaka, otashi ka kala shi na aakalelipo oyindji kOkongresa.Aakwatakanitho yo CoD miitopolwa ine yokOnooli oyo nee: Vaino Amuthenu (Oshikoto), Epafras Mukwiilongo (Omusati), Boas Mwapopi (Ohangwena) na Abraham Ndumbu (Oshana).Otaya nyenyeta kutya aawiliki yOpaati oya thiminike etokolo ndika li ningwe, molwashoka oya hala oku ka pewa iipundi.”Inaya hala aanashigongi ya kale ye thike pamwe,” gumwe gwomuyo ta nyenyeta ngaaka.”Ngashiingeyi o tu li moonkundathana nOmunaveta gwetu, ngoka pwaa na omalimbililo, tae ke tu yila mo moshinima shika,” aaleli yo CoD yopaitopolwa osho ya shanga ngaaka mombapila, ndjoka ye yi tumu kOombelewa oonene dhOpaati yawo.Okongresa yOpaati kehe, ogwo omutumba omunene moka hamu ninga omatokolo omanene gOpaati.Omathimbo ga zi ko, Amushanga-Ndjayi gwo CoD Kalla Gertze okwa li a popi kutya Okogresa ya gwedhwapo yongundu yawo, otayi ka talulula iilonga yOpaati ayihe nokutala nkene Opaati yi na okakalekwapo nawa.Ongundu ndjika oya li ya mono omawi omashona nomahogololo gom,omumvo 2004 na iilyo yOpaati otayi popi kutya shika osha etwa komananathano mokati kaawiliki yOpaati.Nande ongaaka, aakwatakanithi yo CoD moshitopolwa sha Shana, Oshikoto, Ohangwena nOmusati, otaya nyenyeta kutya etokolo ndika inali ningwa pakotampango lyOpaati.Sho Okongresa yo CoD ya ninge etokolo ndika, oya li wo ya popi kutya omwaalu gwaantu mboka taya ka kala mOkongresa ya gwedhwapo, otaya ka kala yi ikwatelela koshizemo yOmahogololo gomumvo 2004.Shika otashi ti nee kutya moshitopolwa moka CoD a li a mono omawi ogendji pethimbo lyomahogololo ngaka, otashi ka kala shi na aakalelipo oyindji kOkongresa.Aakwatakanitho yo CoD miitopolwa ine yokOnooli oyo nee: Vaino Amuthenu (Oshikoto), Epafras Mukwiilongo (Omusati), Boas Mwapopi (Ohangwena) na Abraham Ndumbu (Oshana).Otaya nyenyeta kutya aawiliki yOpaati oya thiminike etokolo ndika li ningwe, molwashoka oya hala oku ka pewa iipundi.”Inaya hala aanashigongi ya kale ye thike pamwe,” gumwe gwomuyo ta nyenyeta ngaaka.”Ngashiingeyi o tu li moonkundathana nOmunaveta gwetu, ngoka pwaa na omalimbililo, tae ke tu yila mo moshinima shika,” aaleli yo CoD yopaitopolwa osho ya shanga ngaaka mombapila, ndjoka ye yi tumu kOombelewa oonene dhOpaati yawo.Okongresa yOpaati kehe, ogwo omutumba omunene moka hamu ninga omatokolo omanene gOpaati.Omathimbo ga zi ko, Amushanga-Ndjayi gwo CoD Kalla Gertze okwa li a popi kutya Okogresa ya gwedhwapo yongundu yawo, otayi ka talulula iilonga yOpaati ayihe nokutala nkene Opaati yi na okakalekwapo nawa.Ongundu ndjika oya li ya mono omawi omashona nomahogololo gom,omumvo 2004 na iilyo yOpaati otayi popi kutya shika osha etwa komananathano mokati kaawiliki yOpaati.