Aathingo onkee ye li molwithi lwa Muni gwa Shakati

A ANTU ngele ohaya fudhile mo ombepo ya kakekwa komalwithi ndoka halu tsinagala okuza moofaambulika nenge taya fudhile mo ombepo yi na oombakiteli, oye li moshiponga oshinene shokukwatwa komikithi ndhoka tashi vulika dhi faalele oomwenyo dhawo.

Ihe Muni gwa Shakati okwa fa e wete shika sha fa kashi shi shoshili. Aakalimo yomomukunda Othingo mUukwambi moshitopolwa sha Shana, oya ningi oomvula taya indile Elelo lyondoolopa ndjika yi kuthe po etoto lyiiyagaya ndyoka lya tula pomukunda gwawo molwashoka oli li oshiponga kuundjolowele wawo, ihe shika otashi idhenge ashike momakutsi ga thita.Aathingo otaya nyenyeta kutya ngele etoto ndika lya fikwa, aantu yamwe ohaya kala taya kolola nayi kolwithi oluluudhe thoko, ndoka halu zi mo metoto moka.Ngele momapya omu na iilya iishona opo tayi koko, yimwe ohayi ganya nokuli kuupyu mboka hau zi metoto ndika nenge tutye moshilambo shika shiiyagaya.Eddy Iyambo, omukalimo gwomOthingo ngoka wo e li omupopiliki gwaakwashigwana yomOthingo, okwa lombwele The Namibian omasiku ngaka kutya sigo onene ndjika onkee ngaa ye li muudhigu wolwithi lwa Muni.Iyambo okwa shangele oombapila ku Muni gwa Shakati, moka e ya indile kutya naya kuthe po etoto ndika pomukunda gawo, ihe sigo onene ndjika ina ya yamukula koombapila dhe ndhoka.Omukunda gwa Thingo ogu li meni lyoongamba dhondoolopa ya Shakati na aakalimo yamo oya li nale ya lombwelwa oomvula dha piti po kutya, oye na okutembuka mo momukunda moka molwashoka oye li mehala lyondoolopa.Nando ongaaka, Aathingo inaya za po pehala mpoka na Muni ina dhika po wo sha mpoka.Omathimbo ga zi ko, Omukuluntu mOshikondo shUundjolowele mu Muni gwa Shakati, Theopolina Kakololo, okwa li a popi kutya Muni oku shi shi kutya etoto ndika kali li nawa kuundjolowele wAathingo, ihe aniwa kapu na we ehala mpoka taya vulu oku li tula.Ashike nee mEtine lya zi ko, Kakololo ina monika opo andola a gandje okomenda ye kombinga yoshinima shika, molwashoka okwa li moshigongi pethimbo oshinyolwa shika tashi yi komanyanyangidho.Aakalimo yomomukunda Othingo mUukwambi moshitopolwa sha Shana, oya ningi oomvula taya indile Elelo lyondoolopa ndjika yi kuthe po etoto lyiiyagaya ndyoka lya tula pomukunda gwawo molwashoka oli li oshiponga kuundjolowele wawo, ihe shika otashi idhenge ashike momakutsi ga thita.Aathingo otaya nyenyeta kutya ngele etoto ndika lya fikwa, aantu yamwe ohaya kala taya kolola nayi kolwithi oluluudhe thoko, ndoka halu zi mo metoto moka.Ngele momapya omu na iilya iishona opo tayi koko, yimwe ohayi ganya nokuli kuupyu mboka hau zi metoto ndika nenge tutye moshilambo shika shiiyagaya.Eddy Iyambo, omukalimo gwomOthingo ngoka wo e li omupopiliki gwaakwashigwana yomOthingo, okwa lombwele The Namibian omasiku ngaka kutya sigo onene ndjika onkee ngaa ye li muudhigu wolwithi lwa Muni.Iyambo okwa shangele oombapila ku Muni gwa Shakati, moka e ya indile kutya naya kuthe po etoto ndika pomukunda gawo, ihe sigo onene ndjika ina ya yamukula koombapila dhe ndhoka.Omukunda gwa Thingo ogu li meni lyoongamba dhondoolopa ya Shakati na aakalimo yamo oya li nale ya lombwelwa oomvula dha piti po kutya, oye na okutembuka mo momukunda moka molwashoka oye li mehala lyondoolopa.Nando ongaaka, Aathingo inaya za po pehala mpoka na Muni ina dhika po wo sha mpoka.Omathimbo ga zi ko, Omukuluntu mOshikondo shUundjolowele mu Muni gwa Shakati, Theopolina Kakololo, okwa li a popi kutya Muni oku shi shi kutya etoto ndika kali li nawa kuundjolowele wAathingo, ihe aniwa kapu na we ehala mpoka taya vulu oku li tula.Ashike nee mEtine lya zi ko, Kakololo ina monika opo andola a gandje okomenda ye kombinga yoshinima shika, molwashoka okwa li moshigongi pethimbo oshinyolwa shika tashi yi komanyanyangidho.