Aapangi aakuluntu yaali ya hulithila moMedi Park mOngwediva

AAPANGI aakuluntu yaali, seesitela Taimi Ndinoshiho-Sheehama gwomOshima/Okakwa mOmbalantu mOmusati na seesitela Leena Shipunda-Shaningwa gwomOshakati mOshana, ashike omvalele yaOmundaungilo kOukwanyama mOhangwena, oya manene oondjenda dhawo moshipangelo shaMedi Park, omoluuwehame.

Seesitela Taimi Ndinoshiho-Sheehama okwa hulitha meti 29 Juni 2012 mepipi lyomimvo omilongontano naheyali (57) omanga seesitela Leena Shipunda-Shaningwa a hulitha mepipi lyomimvo omilongoheyali nayimwe (71).Seesitela Taimi ngoka a kala omupangi omuvalithi mOshakati noshowo omukulukadhi gwomunangeshefa gwomOmbalantu, Johannes Sheehama omanga, Leena omukulukadhi gwa, Alfred Shaningwa.Seesitela Taimi okwa li panga miipangelo, Oshakati noVenduka nomwaashoka shAutapi moka a adhika ta longo sho a hulitha, omanga Seesitela Leena okwapanga mOnandjokwe, Eenhana, Okahao noshowo nee mOshakati moka a hulile sho a yi moshipundi shevululuko oomvula omulongo nasha dha pita po.Seesitela Taimi okwa thiga ko omusamane, Johannes Sheehama noyana naatekulu omanga Seesitela Leena a thiga ko omusamane gwe, Alfred Shaningwa, oyana yawo ye li yatatu nuutekulu utano.Ooseesitela ayehe mbaka yaali, otaya hokololwa ya li omapenda miilonga, aadhiginini yiilonga, aanambili, aakwatheli yaantu, aanamutimahenda, aaidhidhimiki, aasimaneki yakehe gumwe noya kala wo aaholi yomagumbo gawo naatekuli aawanawa.Seesitela Taimi ota fumvikwa mOlyomakaya twa thinda pOnakayale okuzilila megongalo lyawo ya Nakayale ELCIN. Oshituthifumviko she tashi ka tameka pohetatu yongula, omanga oshituthidhimbuluko she tashi kala ko mEtitano komatango mOngeleka tuu yawo ya Nakayale moka. Tashi tameke pokati kondandu none yokomatango, omanga Oshituthifumviko sha Seesitela Leena nasho sha tengenekwa tashi ka kala ko mOlyomakaya mOshakati okuzilila mOngeleka yawo ya Katoolika ka Roma mOshakati. Nasho tashi ka tameka pohetatu yongula omanga shoka shoku mu dhimbulukwa tashi ka kala ko wo nasho komatango gEtitano pegumbo lye mUupindi mOshakati. Tashi ka tameka potundi ontine yokomatango.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.